حد يعرف شكل تيدا 2013؟

[eng_mshoeib]

يا جماعة انا خلاص نويت اشتري تيدا ... بس بصراحة انا خفت انهم يغيروا الموديل في السنة الجديدة .... اللي قلقني اكتر انهم غيروا شكل الصني ... اخوكم بقي الفار لعب في عبه .. قمت قلبت النت وكل اللي لاقيته شكل جديد للهاتش باك ...هو حلو الصراحة انما انا مالاقتش اي حاجة للسيدان

لو سمحتم يا وحوش لو حد يفيدني ويقولي لو فيه شكل جديد ولا لأ....

[zangry]

السيدان لسه مافيش معلومات عنه

[S O P H O S]

اظن الهتشباك ممكن يتغير __ يارب
اما السيدان فعلا مسمعتش عنها اي حاجة ..
والله اعلم

[Dr'AhmZZong]

بص يا سيدي ..

الصني الجديدة برة مصر بقت هي التيدا السيدان ..

مبقوش ينزله تيدا سيدان خلاص ..

لسة لغاية دلوقتي مفيش اخبار عن التيدا 2013 في مصر خالص .. متشغلش دماغك بيها

[Ahmed_selmy]

طيب حد عنده علم التيدا وصلت ولا لسه؟
قصدى على الشحنه اللى جايه فى اول يونيو

[Sehsss]

يحيينا ويحييك ربنا

[hany79]

طيب حد عنده علم التيدا وصلت ولا لسه؟
قصدى على الشحنه اللى جايه فى اول يونيو

نزلت عند أوتو ايجيبت كان عارض اتنين سيدان و هاتشباك الاسبوع اللي فات (فرع مدينة نصر) و بالتوفيق

[SonaSteel]

اعتقد التيدا هاتتغير السنة ديه ان شاء الله

[tamerzeid]

مفيش اخبار

[eng_mshoeib]

بصوا يا رجالة انتوا بصراحة حيرتوني ... انا شكلي هستني معرض الاهرام في شهر 9 يمكن يكون نزل شكل جديد... اصل اخوكم مش عايز يجيب غير تيدا و هزعل اوي لو جبتها و بعدين يروا الشكل... واحد في مودرن موتورز قالي حتي لو غيروا الشكل خد القديم وشاورلي علي الصني قالي اهم غيروا الصني ودي النتيجة و بصلها بقرف و مشي ... عموما ياريت لو حد عرف اي اخبار يقولنا

[Ahmed.TV]

حاليا مفيش اخبار عن نزول تيدا شكل جديد السنة دى خالص
لسه على الاقل سنة