اخيرا استلمت النيو صنى ;)

[ahmedPJT]

بعد تفكير طويييل اتخذت قرار شراء سيارة نيسان صنى ايام الشكل القديم و فوجئت باعلان نيسان صنى الجديدة

بصراحة دخلت دماغى شكلا و موضوعا خصوصا موضوع ضيق الكنبة الخلفيه و استهلاك البنزين العالى تم معالجتهم فى الجيل الجديد .

كلمت اوتو ايجيبت عشان احجز قالولى الاستلام بعد شهر و انا اصلا مستعجل عشان رايح اصيف بعد اسبوعين و كنت عايز العربية معايا ، كلمت معرض القرش على اساس ان فى تعامل سابق معاه اشترينا عربيتين من عنده قبل كده و الناس معاملتهم ممتازه معانا ،
قالى تمنها ١٠١٠٠٠و هوفرهالك بعد يومين بالكتير فاصلت معاه و خدناها ب ١٠٠٥٠٠ و جاي معاها طقم دواسات و غطاء هديه ، روحت استلمت مع ابن خالتى و فحصناها فحص دقيق الحمد لله

- مفيهاش اى مشاكل فى التقفيل كله تمام
- دورنا العربيه صوت الموتور هادى جداًً
- و طبعا كان فيها بتاع ٣ نقط بنزين روحنا فولناها و طلعنا بيها على الدائرى العربية بسم الله ما شاء الله ثابته جدا على المنحنيات
- و الباور بتاعها بيفكرنى بالالنترا
- و سحبها ممتاز
- و العفشة ناعمة لا تقارن بالصنى القديمه بصراحة (الصنى القديمة مع ابن خالتى اللى استلم معايا و هو لاحظ كده) ،
- الخامات الداخليه مش بالسوء اللى فى بعض الناس اتكلمو عنو اديها جيد علشان هتبقى عمليه اكتر فى التنضيف
- لون الفرش بيچ شكله شيك جدا و تنجيده ممتاز و الكراسى مريحه جدا
- قعدنا نلف بيها بتاع ٣ ساعات و عملنا حوالى ١٥٠ كيلو و التانك لسه فيه بنزين يمشينا ٣٥٠ كيلو من قراءة كمبيوتر الرحلات اللى فى العدادات استهلاكها رائع و اكيد هيتحسن اكتر بعد التليين ان شاء الله ،

لفت نظرى كام نقطه كده عايز حد يفيدنى فيهم جزاكم الله خيرا :
- الايريل بيتركب على المكان بتاعه فى مقدمة سقف العربيه يدويا مفيش طريقه اثبته بيها على السقف عشان محديش يقدر يفكه و يسرقه .
- وصلة ال AUX قالولى مبتنزلش مع العربيه اشتريها منين و تمنها فى حدود كام جنية .

[engahmedsamy]

مبروووووووووك يا باشا انا لسة منتظر اوتو ايجيت قالولي خلال اول اسبوعين ف 7 وصلة ال aux ممكن من راديو شاك لو حاجة نظيفة ام من اي محل الكترونيات لو اي كلام موضوع الاريال من راي تفكة و تركبة احسن ان حرام تلزقوا مثلا و يتكسر لقدر الله
انا حاجز ف اوتو لون جراي و جوه بيج برده

[engaass]

الف مبروك وربنا يديك خيرها ويكفيك شرها

[mohammedabdallh]

اف مليون مبروك
ربنا يبعد عنك شرها وشر عيون الناس

[dr_hassan1eg]

اولا الف مبروك
انا مان حجوتها وهستلمها كمان يومين ان شاء الله من عند السبع
كنت عاوز اسال
لازم اخد معايا مهندس او حد خبرة فى الاستلام؟
وايه الحاجات اللى المفرو ابص عليها فى عربية زيرو؟
ارجوا الرد
شكرا

[MohammedAladel]

ألف مبروك عربية خفيفة الظل طول عمرها :)

[masterzmind]

مبرووووووووووووووووك يا باشا .... وبخصوص وصله ال Usb من راديو شاك غاليه شوية بس حاجة محترمة

[S O P H O S]

الف مبروك يا باشا ..

[Land_Cruiser]

الف مبروك

[Dr'AhmZZong]

اهم حاجة إن حضرتك فرحان بيها ..

ربنا يكفيك شرها يا رب ..

و أنا فرحان قوي بسبب استهلاك البنزين الممتاز ده ..

[د. علاء ابراهيم]

الف مبروك يا باشا
كده المنتدى اصبح فيه 3 معاهم الصنى الجديدة

[hossam_elwani]

الف مبروك عليك...........

[hossam_elwani]

مبرووووووووووووووووك يا باشا .... وبخصوص وصله ال Usb من راديو شاك غاليه شوية بس حاجة محترمة

هو فيه وصلة تحويل من aux الى usb ؟؟

[saint2011]

اولا الف مبروك
انا مان حجوتها وهستلمها كمان يومين ان شاء الله من عند السبع
كنت عاوز اسال
لازم اخد معايا مهندس او حد خبرة فى الاستلام؟
وايه الحاجات اللى المفرو ابص عليها فى عربية زيرو؟
ارجوا الرد
شكرا

مبروك لصاحب الموضوع وربنا يباركله فيها بالنسبة لكيفية الأستلام راجع الموضوع ده

نصائـح .. الاسـتلام الجيد والتليين السـليم لسياراتك الجديدة

[zangry]

الف مبروك وربنا يباركلك فيها