مشكلة شراء نيسان صنى الجديدة

[malta]

أنا روحت السبع المعادى و قالى لو حجزت دلو قتى استلم شهر٩ و رحت سمير ريان لقيتها عنده ب ١٠٢ و اللون اللى انت عايزه فمش عارف ألفين أوفر باريس كتير و لا إيه ولا استنى أنا شايف الناس اللى حاجزين عند السبع متعذبين و محدش بيستلم بسهولة شوروا عليا ياخوانا

[saint2011]

روح عند القرش فى الميرغنى فيه عضو معانا أشتراها بأوفر بريس 500 جنيه وأستلمها فى 48 ساعة

[hossam_elwani]

ده دليل على كثرة الطلب على العربيه بشكل بيزيد يوم عن يوم

لو مش مستعجل اصبر يعنى هيا حتجبلك 2000 جنيه لو جت بكره اما لو متكتف ومش عارف تمشى بدون عربيه خلص عند القرش او غيره

[medoghaly]

لو محتاجها خلص فيها لو مش مستعجل استني

[malta]

مانا ممكن استنى بس خائف من المماطلة

[GRADER]

نفس المشكلة يا جماعة و مش لاقى حل أنا برضة ممكن استنى بس يكون فى التزام بالميعاد لأنى نازل مصر لأسبوعين بس و عايز أخلص فيهم

يا ريت يا أخوانا حد يفيدنا فى الموضوع ده

و يا ريت صديقنا المحترم الى اشترى من القرش يقولنا نظامة ايه و لو كده نجيب من عنده

[saint2011]

نفس المشكلة يا جماعة و مش لاقى حل أنا برضة ممكن استنى بس يكون فى التزام بالميعاد لأنى نازل مصر لأسبوعين بس و عايز أخلص فيهم

يا ريت يا أخوانا حد يفيدنا فى الموضوع ده

و يا ريت صديقنا المحترم الى اشترى من القرش يقولنا نظامة ايه و لو كده نجيب من عنده

راجع موضوع صديقنا اللى أشترى من القرش :

اخيرا استلمت النيو صنى ;)

[Youssef.Awad]

فعلا ده استغلال وكل جديد فى الاول كده وبعدين بيبقى معروض فى كل معرض
ولولا بداية الانتاج من اقل من شهر ودخول شهر رمضان وتحديد كل لون فى اسبوع او اسبوعين .. ده كله سبب فى تأخر ارضاء كافة الطلبات وبالتالى فرصة التجار فى استغلال الغلابة اللى بيفكروا يشتروا زيرو ويستلموا بدرى بتظهر بطريقة مستفزة !!!

[Bishoy.Girgis]

انا مش عارف لغاية امتي هتفضل الشركات تستغل الظروف ..

[malta]

لقيتها عند القرش و الليثي و الأحمدى ب١٠١.٥ سمير ريان بس اللى ببيع ب١٠٢و على حد قولهم مكتبهم فيها ٥٠٠ جنيه بس لان المصنع ببيع لهم ب١٠١

[Dr_MaTrix]

والله انت لو مستعجل لوى ولازم عربية حالا يبقى الضرورة بقى وامرك لله واشترى باوفر برايس ...انما لو تقدر تستنى استنى دول الفين جنبه يعنى ممكن تعمل بيهم حاجات كتير فى العربية ...... و ده مجرد رأى الشخصى

[malta]

أنا لولا رمضان و الحر اللى إحنا فيه مكنتش فكرت أجيبها دلوقتى على فكرة أنا شفت فى سمير ريان ٣ بيستلم وا العربية لما روحت و المندوب قتلى ان يومها جه ١٠ عربيات. بس مش عارف خلصوا على كام الظاهر ان فى ناس كتير مستعجلة برضه

[GRADER]

النهاردة سمير ريان بيقول 103000
و القرش بيقول 101500

هو فى ايه يا جماعة ؟؟؟

[Dr'AhmZZong]

بيستغلوا احتياج الناس ..