أنا زهقت :(

[MOK3336]

يا جماعة انا لسة مكلم واحد صحبي عنده معرض عشان أسئلة عن الصني القديمة قالي مفيش منها خلاص لا عادي ولا أوتو
و انا بصراحة كنت عامل حسابي عليها
و بكده مفيش قدامي غير
أفيو - لوجان - فيرنا - اسبرانزا
وطبعا أنا مش مقتنع بأى واحده فيهم مش عارف أعمل ايه
بجد قرار الغاء الشكل القديم ده قرار غبي
ياريت تقولولي أعمل ايه عشان انا نفسيتي زى الزفت

[hossam_elwani]

يا جماعة انا لسة مكلم واحد صحبي عنده معرض عشان أسئلة عن الصني القديمة قالي مفيش منها خلاص لا عادي ولا أوتو
و انا بصراحة كنت عامل حسابي عليها
و بكده مفيش قدامي غير
أفيو - لوجان - فيرنا - اسبرانزا
وطبعا أنا مش مقتنع بأى واحده فيهم مش عارف أعمل ايه
بجد قرار الغاء الشكل القديم ده قرار غبي
ياريت تقولولي أعمل ايه عشان انا نفسيتي زى الزفت

موجوده عند الشركه العربيه عبد اللطيف جميل فرع اسكندريه اتصل واتأكد لان كنت شايف المناديب بيسوقوها لانها متوفر عن الشكل الجديد الى قايمة انتظاره وصلت شهرين

وفكر كمان فى الشكل الجديد ........

[zangry]

هاتها مستعملة كسر زيرو

[egyptiandiver]

كسر زيرو bravo zangry

[koshary]

كسر زيرو بدون نقاش

[madooomad]

اعتقد اني اعرف واحد عاوز يبيع واحده سوده موديل 2012 عامله 5000 و الله اعلم هاتاكد بكره ان شاء الله و اجيبلك رقمه علي فكره هوه هايبيعها عاشان يجيب الجديده
نصيحتي الجديده احلي بس استني العدادات الليد :)

[khela]

موجوده عند الشركه العربيه عبد اللطيف جميل فرع اسكندريه اتصل واتأكد لان كنت شايف المناديب بيسوقوها لانها متوفر عن الشكل الجديد الى قايمة انتظاره وصلت شهرين

وفكر كمان فى الشكل الجديد ........

فعلا متوفر ال ex عند الشركة العالمية للتجارة عبد اللطيف جميل عند الداون تاون

[memoo305]

الexموجودة عند السبع في مصر الجديدة

[tarekiooo]

فعلا الشركه العالميه عندهم ستوك من الشكل القديم
تحياتى لأهل أسكندريه

[zinger]

القديمة تحلى ............

[JOKER_KLEN]

طيب يعنى هينزل تانى زى ما سعمت انو هينزل تانى الشكل القديم بسى بعد كام شهر كده صحيحيح الكلام ده

[SonaSteel]

يا جماعة انا لسة مكلم واحد صحبي عنده معرض عشان أسئلة عن الصني القديمة قالي مفيش منها خلاص لا عادي ولا أوتو
و انا بصراحة كنت عامل حسابي عليها
و بكده مفيش قدامي غير
أفيو - لوجان - فيرنا - اسبرانزا
وطبعا أنا مش مقتنع بأى واحده فيهم مش عارف أعمل ايه
بجد قرار الغاء الشكل القديم ده قرار غبي
ياريت تقولولي أعمل ايه عشان انا نفسيتي زى الزفت

خدها من اخوك تاني هههههههههه
اعتقد ان اسكندرية اقربلك .... كلمهم ولو موجوده احجز

مالها الصني الجديدة مش عاجباك ليه ؟؟

[MOK3336]

شكرا يا جماعة علي المشاركة و المساعده
أنا عايز الشكل القديم لأني حفظت العربية خلاص و بأمانه مفيش عربية عرفت تعمل معايا حاجة في رينج 100- 150 ألف علي الطريق غير الكرولا أى عربية تانية كنت بخيطها
فعشان كده انا متأكد من العربية ومن إمكانيتها و غير أن قطع غيارها متوفرة في السوق
لكن الشكل الجديد حاسس إنه مش قد كده ( حاسس مش متأكد )
و حكاية كسر الزيرو دي أنا مش حاببها عشان الزيرو زيرو برضة حتى لو كانت الكسر زيرو دى ممشتش غير 1000 ك
فإن شاء الله يارب يسهل و يوفقني في ex الشكل القديم
بس مش عارف أجيب لون ايه
عشان ايلي عندنا سوده و بأمانه اللون الأسود عليها ملوش حل فمش عارف أجيبها سوده برضة .؟
وأهو الناس مش هتاخد بلها إننا أشترينا وحده تانية عشان محدش بيسيب حد علي حاله و لا أجيب لون تاني ؟؟؟

[dodyam]

ياعم اديهم تليفون و رقم عبد اللطيف جميل بالداون تاون موجود على النت و اتأكد ان ممكن تحجزها و اتفق مع المندوب على يوم تسافر تقابله وتحجزها بس بلاش الجمعة علشان قافلين
وأنا كنت هناك يوم الاربعاء كان فعلا فى عربية صنى ex صالون سودا بتتقفل لعميل و ما كانتش موجودة قبلها بيومين فاعتقد معنى كده ان عندهم ستوك فى المخزن فحاول تقرر بسرعة لان ممكن يخلص فى لحظة
بس انت فعلا ليه مش عاجبك الصنى حتى هتاخدها موديل السنة الجاية و انا شايف انها عالجت مشاكل القديمة خاصة انها موفرة فى البنزين و كمان اوسع يعنى الجديدة تعد ورا و ادام فيها مرتاح جدا عكس القديمة و فى فرق فى حاجات تعدى زى خامة التابلوه فى الجديدة مس ربر زى القديمة ولا فى اماكن فيه من فوق يعنى حاجات شكلية أما الشكل الخارجى فأذواق انا عن نفسى شكل الجديدة عاجبنى جدا و احدث و خصوصا انه لم العربية و مقطع صاج العربية لأجزاء مش طويلة فتحس انه ثابت اكتر
لكن طبعا القديمة برضه شكلها حلو و كلاسيكى وليه رونقه
وما تنساش ان فى فرق فى التعليق و الفرامل و العفشة لصالح الجديدة
على فكرة انا حجزت الحمد لله الجديدة و بعد لما شوفت القديمة هناك كانت بتلعب فى دماغى بس بصراحة لو كنت هافكر فى القديمة يبقى السوبرصالون و مفيش منها دلوقتى
وربنا يوفقك

[JOKER_KLEN]

انا الى سمعتوه انها هتنزل تانى القديمة بسى بعد كام شهر وياتره الكلام الى سمعتوه ده صحيحيح ولا لا ؟