حادث بالتيدا و استفسارات ،

[m_love4me]

السلام عليكم و رحمه الله و بركراته


الاخوه الكرام الافاضل ، بعد غياب مطول جدا و عدم فعاليه بالقسم
رجعت تاني لاني متأكد اني هلاقي هنا ال مش ممكن الاقيه ف مكان تاني


عملت حادث موت بالتيدا سيدان 2011
ف باب اللوق ، تقاطع شارع التحرير مع شارع نوبار
واحد ابن حلال قطع الاشاره الساعه 3 فجرا
بسرعه جنونيه و انا كنت ماشي بسرعه بردو
نتج عنه تصادم عنيف جدا لكن الحمد لله ركاب العربتين بخير
بغض النظر عن الاضرار الماديه ف الطرفين
والحمدلله علي كل حال

نتج عندي فقدان الربع الامامي ردتير و سربنتينه و اكصدام و شاسيه اكصدام و رفرفين و كبوت و زجاج امامي
غير الرفايع جوا العربيه

لكن الحمد لله الماتور و الفتيس بأذن الله سلام اتمني ذلك

وبحمد ربنا فعلا علي ستره و علي النجاه و علي التيدا
ولولا ستر ربنا و قوه التيدا و وجود الايرباج ،كان زمان انر و الجنبي ف عداد الموتي

الحمد لله رب العالمين


انا الان ف حيره بالغه ف شراء قطع الغيار اذا كنت اجيب اصلي ولا تيثيواني و لا استيراد و لا اعمل ايه بالظبط

وهل ينفع قطع غيار لاي موديل سابق
يعني ايه الاختلافات ف الردتير و
بوت ورفرف و غيره ف الموديلات السابقه عن 2011

وخصوصا انهم ارخص

بالذات الكبوت و حاجات السمكره

اتمني منك المشوره و النصح لان العربيه لسه عامله 25 الف كيلو فقط

[m_love4me]

[limo81]

حمدالله ع سلامتك
قدر الله وما شاء فعل

[zangry]

قدر الله وماشاء فعل

حمد لله علي سلامتك

العربية شكلها مدمر من آدام خالص

قطع الغيار هات الاصلية طبعا

هو حضرتك مش مأمن؟

الفوانيس والاكصدام والحاجات دي هاتها تيواني

[nav man]

الحمد للة علي سلامتك قدر اللة وما شاء فعل انا فعلا مايد ان اي قطع غيار تكون اصلي اما الفوانيس والحاجات اللي برة مش مشكلة.

[MohammedAladel]

شوف المناطق اللى بيتباع فيها استيراد وكدا عشان على ما أعتقد ان لو جبت قطع الغيار من التوكيل هتبقى أغلى بكتيييير وألف سلامة لحضرتك فداك مليون تيدا

[SonaSteel]

لا حول ولا قوة الا بالله ... الحمد لله انكم بخير
فداكم عربيات الدنيا

انا من رأي تعمل مقابسه غي التوكيل وشوف هاتنكلف كام
وخد البنود وسعرها من بره بس قطع غيار اصلي
وشوف فرق اافلوس بالمصنعيات
لو قريبه .... يبقي التوكيل

والابدي انك تجيب ااحاجات الضروريه من النوكيل .... حتي لو هاتركب بره
كبالن ومساعدين وهكذا

التوكيل بيغير بجديد علي طول مش بيصلح

[MOK3336]

لا حول و لا قوة إلا بالله
الحمد لله علي سلامتك أنا شايف إن حضرتك تجيب ايلي تقدر عليه إستيراد عشان كده كده مش هتفرق حاجة في زيادة ثمن العربية

[S O P H O S]

الحمد الله انك بخير
وربنا يعوضك خير ان شاء الله ..

[m_love4me]

متشكر جدا يا جماعه على ردودكم
ربنا يجزيكم كل خير يارب ,


للاسف التوكيل هيكون حراق جدا , والاسعار هتبقى نار

والحاجات ال كنت فعلا عاوز اجيبها من التوكيل
الردتير و السربنتينه , مش موجودين ف التوكيل


واسعارهم غاليه مقارنه ببره


علشان كدا باخد رأيكم


انا اتفقت مع السمكري عندنا ف الزقازيق , والحمدلله هو راجل ما شاء الله عليه , ومجربه قبل فى اكتر من حاجه
المفروض انه هياخد 3000 جنيه مصنعيه

لان العربيه ال باين فيها مش بيوصف كل شىء
لان العربيه مزمزمه ومعبيه من الخبطه , لانها كانت شديده جدا ,
لدرجه ان الابواب الاماميه اتلوحت عندى من الخبطه

هو الحاجات ال مطلوب تغيرها بشكل اساس

الردتير , السرنتينه , الاكصدام , شاسيه الاكصدام , الرفر الشمال , الكبوت , الفوانيس , قرب الميه للمساحات , و الردتير , مقص شمال

دي الحاجات ال ظاهره حاليه

مااعرفش والله بقى هل هنحتاج كبالن ومساعدين , وقطمه الدركسيون , دا طبعا غير الاتنين ايرباج


ف معلش انصحونى اجيب ايه من التوكيل , او حتى من الحرفين بس اصلى
واجيب ايه تيوانى

الصنايعى , قالي هنجيب الكبوت استيراد , لان الاصلى او التايواني ما بيكونش فيه حاجه اسمها فلتوا تقريبا
لانك الاستيراد فيه
وكذلك الردتير لانه مهم جدا ف التبريد وما الى ذلك ف هنجيبه اصلى او ياباني

وبقيت الحاجات كلها هنجيبها تايوانى ,

وقالى الاكصدام لو لقيت استيراد بس يكون بالفوجات من تحت بتاعته الاصليه
هاته استيراد , غير كدا يبقى هاتوا تايوانى

لان بصراحه فروقات الاسعار رهيبه جدا


سعر الكبوت الاصلى 1900 جنيه ف التوكيل , بره ف الحرفين الاصلى 1250
و سعر الاستيراد منه 1200 ,, و سعر التايوانى , 400 جنيه

ف تخيلوا الفرق الرهيب

ونفس الشيء ف الرفر و الاكصدام و الشاسيه

اه ايضا قالى الشاسيه لازم نجيبه اصلى , لان دا ال نجانا ف الحادثه لان هو ال اتحمل الخبطه كلها



تحياتى لكم

[MohammedAladel]

هات الكبوت استيراد لأنه على ما أعتقد هيكون مدهون والله أعلم لو مكانش مدهون هاته تايوانى ووفر الباقى وحاول تفاصل معاهم مش السعر الأول تاخد بيه وفاصل كمان فى أجر الميكانيكى الفصال مش عيب ولكن يكون بحكمة :)

[bakka2010]

ألف حمدا لله على سلامتك . وربنا يعوضك خير .

[Ahmed_selmy]

حمد الله على سلامتك, ومادام جت فى الحديد فمش مشكله اهم حاجه الصحه تمام

[Bishoy.Girgis]

معلش يا جميل انت ربنا نجاك في الاول ثم العربية
و العربية بصراحة هتصرف مبلغ و قدره فعشان كده لازم تركز كويس و تصبر و متتسرعش عشان تكون نفسيا مؤهل لتصليح العربية لأنها هتاخد وقت و انا عارف انها عامله 25000 كيلو بس لازم تجيب الحاجات الاصلي
شوف القطع الكبيرة الاساسية و هاتها استيراد .. متجيبش حاجه تايواني لأن كل ده بيفرق في اتجاه الهواء مع العربية و ثقل العربية نفسها .. اعتقد الفوانيس هي اللي هتجيبها تايواني لأن التيدا المكسيكي بيفرق عن الياباني و مش عارف هل هتلاقيها استيراد
معلش اصرف علي العربية صح عشان ترجع زي الاول ان شاء الله

[m_love4me]

قدر الله و ماشاء فعل

الحمدلله

متشكر جدا علي ردودكم الطيبه و الله ،


والله يا جماعه بدأت اتخنق من المشاوير و كترها و جالي ضربه شمس من اللف ف الحرفين ف الاخر اشتريت حاجات كلها من التوكيل

لاني مش لاقي ولا اي حاجه نهائي للتيدا المكسيكي

بفكر بشكل جدي اني اودي العربيه التوكيل و اسلم امري لله

علشان اكون استريحت و اضمن ان العربيه ترجع زي الاول ان شاء الله ،

ف ياريت تشوروا عليا اروح فين
السبع ولا مودرن موتورز ولا اوتو ايجت

مين افضل واحد ف شغل السمكره و الدهان