التأمين الشامل على السيارة مهم وضرورى !!

[mk3]

ان قررت أتراجع عن التأمين برده و اقتنعت بكلام الاستاذ mikrotik وربنا يستر

[gdwl]ربنا يبارك لك فى مالك وحياتك وممتلكاتك...امين يارب[/gdwl]

[tarekiooo]

فيه شركات تامين بتأمن على العربياتى ضد السرقة و الكوارث
ومعظم شركات تاجير العربيات بتأمن على عربياتها من السرقة
أقصد سرقة العربيه بالكامل و بترجع لك ثمن العربيه بالكامل ناقص نسبة مئوية من ثمنها عن كل سنه استعمال

[tarekiooo]

نسيت اقولك أن مصر للتأمين بتعمل الوثيقة دى

[Dr'AhmZZong]

مش مستاهلة موضوع التأمين ده ..

فلوسها كتييييييييير و ملهاش لازمة .. غير لو جايب عربية خليجي مثلا و ملهاش ضمان

[GRADER]

مش مستاهلة موضوع التأمين ده ..

فلوسها كتييييييييير و ملهاش لازمة .. غير لو جايب عربية خليجي مثلا و ملهاش ضمان

هى فعلا فلوس كتير يا باشا عشان كده برضة أنا تراجعت عن الموضوع ده بس الصراحة برضة الواحد كل يوم يسمع عن حوادث و سرقات وربنا يستر بقى

[_hema]

مبرووووك السياره



ويارب يكفيك شر الاستفاده من التامين ويحفظلك السياره ويحفظك منها

من وجهه نظرى ان افضل شركات التأمين فى مصر هى اليانز دى شركه المانيه انا مأمن فيها بالاضافه الى انها افضل فى خدماتها على سبيل المثال لو عطلت بسبب احتياجك للبنزين ممكن تتصل بيهم يجبولك البنزين وبتدفع ثمنه
وكما يعملوا كارت باسم حضرتك عليه رقم الوثيقه ياترا استلمته ولا ايه

تحياتى لحضرتك

[mokhtarm]

التأمين عموما بغض النظر عن المؤمن عليه هو نوعان : تأمين تجاري و تأمين تكافلي.
التجاري وهو المنتشر بكثرة هو باختصار ان هناك كيان أو شركة أو شخص يتولي جمع اشتركات من مجموعة من "العملاء" في مقابل تقديم خدمة تعويض في حالة حريق أو مرض الخ من انواع التأمين, ولكن في النهاية هو أصبح صاحب الأموال المجموعة و في نهاية الاشتراك أو العام يؤول كل ما هو متبق من اشتركاات له -في جيبه- و لا احد من المشتركين ينتفع بشئ, و هذا بنص كل الفتاوي التي وصلت لها من الازهر و من السعودية و الهيئات الاسلامية و القرضاوي حرام.
النوع الثاني و هو التكافلي, والصورة الأقرب له هو تأمين النقابات الصحي مثلا, حيث يتولي شخص أو كيان أو مؤسسة جمع اشتركات من المؤمن عليهم و يقدم نفس الخدمات التي ذكرناها من قبل و لكن الفرق أن المال المجموع هو في صندوق مشترك من حق الجميع و القائم علي الموضوع يأخذ فقط نسبة للادارة أو يغطي تكاليف إدارة العملية التأمينية من ذلك المال و في نهاية الاشتراك أو السنة التأمينية يظل المال موجودا ولا يذهب في "جيب" احد بل يظل لكي يكون عون و زيادة للمشتركين في العام القادم لكي تزداد نوعية و جودة الخدمات المقدمة للمشتركين -ومن هنا جاء الاسم التعاوني والتكافلي وليس تجاري لأنه لا يتربح منه أحد- وهذا منضبط بشرط اخر وهو ان القائم علي العملية التأمينية يجب أن يحرص علي المال و ينميه لكي يزداد النفع للمشتركين شريطة ألا ينميه بحرام مثل أن يضعه في البنك و ياخذ فوائد عليه, و للعلم, هناك شركات خاصة تقوم علي هذه الفكرة في الخليج (فصل وعاء التأمينات عن مال الشركة نفسها و مكسبهم يكون من اددارة الموضوع لا "لهف" الفلوس كلها) و في مصر هناك شركة واحدة علمت أنها تعمل بذلك النظام اسمها "نايل تكافل" و هي شركة يابانية مصرية.

.:: Nile Takaful ::.

[Bishoy.Girgis]

انا مأمن علي العربية بقالي 3 سنوات و استخدمت التأمين مرة اول سنة و السبب ان واحد مسطول خبطني بعد ما اشتريت العربية و الحمدلله عملتاه في التوكيل و كلفت 10000 جنيه لكن العربية الحمدلله رجعت زيرو لأن التوكيل مش بيصلح حاجه
شال كل الحاجت اللي اتعوجت و حط القطع الجديدة و الحمدلله كانت الخبطة من الخلف و كحصلش في العربية اي سمكرة لأن قطع الصاج في العربية مربطة ببعض عن طريق بنط .. فكانوا بيشيلوا البنطة و يركبوا القطعه الجديدة و بعدين يبنطوا تاني و العربية زي الفل
رأيي التأمين مهم جدا جدا خصوصا في الايام السودا اللي احننا فيها دلوقتي ديه