كراسى موبيكا

[amrsabet]

انا اشتريت نيسان صنى سوبر صالون يوم 24/5/2008 وبعد استخدام شهر الكرسى بتاعى هبط لدرجة بحس انى قاعد على خشب غير انة بيزيق والتوكيل عرض تغيره بعد محاولة ربطه ولكن دون جدوى تانى حاجة انا كنت مسافر وكان معايا ناش قاعدين فى الكنبة قالولى ان الكنبة مش مريحة تماما وان الكنبة عايزة شلت وكانى راكب عربية بقالى 20 سنة
طب قلولى اعمل اية ضفيرة كان فيها عيب واتغيرت
ووشر واتغير
بطارية واتغيرت
كرسى وعايز يتغير
ناقص ايه اغيره وكل ده خلال شهر انا روحت مراكز الصيانة مودرن والسبع خلال شهر اكتر من ذهابى الى الميكانبكى فى عربيتى القديمة

[amrsabet]

المفاجاة اللى حصلت انى روحت عشان اغير الكرسى لقيت الكرسى الجديد فية بوش وبعد ماركب اتخنقت معهم وشالوه تانى وبرده الكرسى اللى جانب السائق برده فيه بوش فى الظهر فقرروا انهم يبعتوا للمصنع ويجيبوا 2 كرسى تانى جداد
والله حرام اللى بيحصل فينا فى مصر بسبب المصريين 90% من المشاكل اللى فى النيسان صنى بسبب المنتج المصرى اللى فيها

[ahmed_su]

المفاجاة اللى حصلت انى روحت عشان اغير الكرسى لقيت الكرسى الجديد فية بوش وبعد ماركب اتخنقت معهم وشالوه تانى وبرده الكرسى اللى جانب السائق برده فيه بوش فى الظهر فقرروا انهم يبعتوا للمصنع ويجيبوا 2 كرسى تانى جداد
والله حرام اللى بيحصل فينا فى مصر بسبب المصريين 90% من المشاكل اللى فى النيسان صنى بسبب المنتج المصرى اللى فيها

ربنا معاك - ان شاء الله مشكلتك تتحل وتكون اخر المشاكل باذن الله

[noon_eg]

انا نفسى اعرف انت اشتريت الصنى منين

اللى اعرفه ان الناس الى اشترت من السبع ماعندهمش اى مشاكل
لان السبع بيبص فى العربيه كويس قبل ما يستلم

اما مودرن موتورز اكيد مابعملوش كده وده كان سبب فى مجموع العيوب العجيبه اللى حصلت عندك فو فتره وجيزه جدا

ياريت كل ملاك صنى يدخلوا ويقولوا اشتروا من اى موزع وايه الاعطال اللى حصلت
بكده نقدر نعرف الموزع اللى عنده اقل اعطال

علشان الناس تستفيد وتشترى من موزع بيحترم الزبون اللى جاى له

[amrsabet]

الموضوع مالوش دعوه بالموزع الموضوع بيتعلق بخط انتاج المصنع اللى زادت المشاكل عنده جدا فى الفترة الاخيرة خاصة انتاج 2008 فى ضفيرة الكهرباء والكراسى اللى بتزيق
وده نتيجة اننا فى مصر اى حاجة بتبتدى تنجح وتنتشر يقوم المصريين بتقليل الجودة على حساب الربح عشان تحقيق اكبر ارباح باقل تكاليف ممكنة

[amrsabet]

مصنع نيسان بيعمل تحقيق دلوقتى فى كثرة الشكاوى اللى بتجيلهم من كراسى موبيكا والمفروض ان بعد اسبوعين اغير الكراسى بتاعة العربية ادعولى ربنا يكرمنى وتكون اخر حاجة تتغير فى العربية ان شاء الله

[youssef_sallam]

ما شاء الله على العيوب
انتو كدة جيتو على الجرح بتاعي
انا بعد شهرين ظهرت بقع فى الدهان
و راحت المصنع و رجعت 3 مرات و الناس عملوا كل حاجة ممكن تتعمل و للاسف رجعت تاني البقع من اسبوعين و انا مش عارف اعمل اية .... انا زهقت و فعلا فاض بيا
و من يومين و انا مسافر الغردقة فجأء لقيت الإكصدام الخلفى طاااااااااار كلة و الحمد للة ماكنش فى حد ورايا روحت راكن زي الشاطر حطيتة فى الشنطة و كملت مشوراي
و الله ماليش نفس اروح مركز صيانة او مصنع تاني زهقت بجد ده الاكسنت القديمة عمرها ما عطلت و لا عملت كدة
اه نسيت من شهر كده برضة البطارية فجأة باظت و غيرتها
يبقى كده إجمالى العيوب من شهر 11/2007 لحد الأن
1 - صوت صفارة مع السرعات العالية
2 - بقع فى الدهان فى الشنطة و السقف و الكبوت
3 - بطارية باظت
4 - إكصدام طاار

الحمد للة

[ashrsy]

و من يومين و انا مسافر الغردقة فجأء لقيت الإكصدام الخلفى طاااااااااار كلة و الحمد للة ماكنش فى حد ورايا روحت راكن زي الشاطر حطيتة فى الشنطة و كملت مشوراي

الحمد للة

من فضلك ازاى الاكصدام يطير منك علشان ماشى بسرعة على طريق طوالى
اكيد عديت على حجر عالى شوية لبس فى الاكصدام من تحت العربية وخده معاه لبره
ودا الى حصل معايا بسبب كاوتش كبيرفوجئت بيه وماقدرتش افاديه وانا على طريق الصعيد الغربى
بس عموما انا سالت فى التوكيل لقيته هيكلف حوالى 1200 جنيه واولاد الحلال ودونى عند راجل محترم لحم الاكصدام من الداخل واتمعجن واتدهن دوكو ولايمكن تعرفه انه كان مشروخ وكلف فقط 170 جنيه
ربنا يسترها
ياريت

[youssef_sallam]

ولا دوست على طوبة ولا حاجة كان الطريق فاضي و ركنت علطول علشان اجيبة و بصيت ورايا ملقيتش حاجة