ارجو من ملاك النيسان صنى الجديده الدخول للاهميه

[YahiaAshraf]

بسم الله الرحمن الرحيم
................................................
السلام عليكم ورحمة الله وبركاته

كنت عاوز اسالكم ضرورى على نيسان الجديدة لانى الحمد لله حجزتها والمفروض كنت استلمها الاسبوع اللى فات - لكن اللى حصل انها اتأخرت ولما روحت المعرض اسأل على سبب التأخير قالولى إن العربية كل اللى نزل منها طلع فيه مشكلة فى ( مش فاكر الاسم قوى بس هى حاجة خاصة بالبنزين )وسألتهم ودى تتعرف ازاى قالولى ان ممكن تبقى بتمون فى البنزينة ومؤشر البنزين تلاقيه على الصفر او النص المهم انه مش بيدى القراءة الصحيحة - وقالولى علشان كده العربية وقف تسليمها اسبوع والمفروض انهم يصلحوا العيب ده او تقريبا هيغيروا الجزء ده كله - واللى عرفته كمان ان كل اللى نزل فيه المشكلة دى وبعض العربيات رجعت لهم تانى

بصراحة اتصدمت وبدأت أقلق فقلت أدخل أسالكم عن الكلام ده وهل حد فيكم اشترى العربية ولقى العيب ده - طب واضمن منين بقى انى العربية اللى هاخدها مفيهاش العيب ده ولا هما فعلا لازم مش هيسلموا عربيات الا بعد معالجتها

وكمان مرة واحد يقولى ان العربية بتيجى متقفلة من بره وعليها جمرك
ومرة واحد يقولى انها بتتجمع هنا زى القديمة
مع انى اعرف انها مكونات يابانى و بتتقفل بمصر

ياريت اللى يعرف معلومات يدخل يفيدنى

وشكرا ليكم

الكلام ده منقول من واحد اعرفه علشان بيستفسر عن المشكله دى
و ياريت حد يفيدنى علشان اقوله
و جزاكم الله كل خير

[M.Nabeeh]

حضرتك

الكلام ده موجود بالحرف في مصر موتورز !!!

وبصراحه محدش يعرف حاجه عنه ويريت تتحري الدقه قبل ماتنشره

نورتنا وكل سنه وأنت طيب

[YahiaAshraf]

حضرتك

الكلام ده موجود بالحرف في موقع !!!

وبصراحه محدش يعرف حاجه عنه ويريت تتحري الدقه قبل ماتنشره

نورتنا وكل سنه وأنت طيب

ايوه يا باشا انا عارف انا ناقل الكلام بالحرف
و انا موضح كده
بس انا كونت اتسالت السؤال ده
و انا عارف ان فيه اعضاء من نايل موتورز استلموا الصنى الجديده
فقولت اسالهم هنا
............................*

كل سنه و سعادتك طيب و الاسره الكريمه بالف خير

[د.هشام]

في تقريبا ثلاثة هنا استلموا العربية, أكيد لو عندهم المشكلة دي كانوا قالوا
على العموم التأخير فر الاستلام مصلحة بردوا

[Adam87]

متااااااااااااااااااابع

[shaddadfalcon1]

لو الكلام حصل فعلا جايز اشتغاله من الموزع عشان اتصرف في العربيه مثلا

[ph.mohamedsae]

الكلام دا مش مظبوط خالص ..

انا استلمت العربيه انهارده الحمد لله و المؤشر زي الفل و مظبوط و مافيش حد اشتكي من المشكله دي خالص
اول مره اسمع الكلام دا


العربيه جميله بسم الله ماشاء الله و ناعمه و العفشه جميله جدا
مناسبه جدا و افضل سياره موجوده في فئتها

[د. علاء ابراهيم]

اول مره اسمع الكلام دا

[Don Malek]

متابع ....

[kfarouk]

و انا بردوا استلمت العربية من 3 ايام و مافيهاش اي مشاكل خالص بالنسبة للموضوع ده و المؤشر اصلا شاشة الكتروني مش عداد يعني انا حصلت معايا الامشكلة دي في عربية لانسر بومة كانت معايا قبل كدا و كنت لسة مفول و لمبة البنزين منورة و المؤشر على صفر بس كانت بتحصل قليل مش كتير

[ahmedPJT]

انا عربيتى من اول ١٠٠٠ عربية انتجوا و مفيهاش المشكلة ديه اكيد اشتغاله

[dodyam]

هو حضرتك حجزت فين و مين الموزع اللى قالك كده فى اسكندرية
وياريت الأعضاء اللى استلموا العربية يخشوا يوضحوا الكلام ده صح و لا غلط

[islammohiedden]

انا استلمت العربية من اسبوع وما فيهاش المشكلة دي خالص

[د. علاء ابراهيم]

انا عندى احساس قوى ان الكلام ده اشتغالة
اساسا العربية دى من قبل ما الناس تشوفها بتطلع فيها عيوب
و لما شافو الصور طلعوا فيها عيوب
و لما سمعو عنها معلومات طلعوا فيها عيوب
و لما نزلت قالوا عليها دى فيها و فيها

كل ده عشان عربية كويسة و تستاهل اكتر من تمنها فمنافس شرس لعربيات كتيييييييييييييييييييييير

[tamerzeid]

اول مرة اسمع الكلام ده