كلام كتير عن الصني الجديدة ...هو ده اللي في بالك.؟؟

[mody3on]

موضوع البرشور ده .. سبق واتكلمنا فيه قبل كدا .. وقولنا ان ده بسبب غلطة منهم وهما بيطبعوا البرشور ..
وكتبوا الهورس باور الفعلى بتعها اللى هو 99 حصان .. وكان مفروض يكتبوا ال108 فقط

والاتنين صح .. بس ده فى حالة .. وده فى حالة
99 حصان ده الصافى .. قوة اداء العربية وهو راكب فيها الماتور والعفشة والصاج وكل حاجة .. بيسموها بره قياس net

وال108 حصان .. ده قوة اداء الماتور لوحده .. مش لراكب عليه حاجة .. وبيمسوه gross

اللى كان حيتكتب هو الجروس .. زى ما بيتكتب على العربيات الكورى وعربيات كتير فى السوق .. ماعدا الالمانى .. لان اللى اعرفه ان الالمانى بيقيسوا وبيكتبوا علىا لبرشور الnet

آسف الكلام ده مش صحيح ، ولا حتى الالماني بيقولوا ال net والكلام ده اترد عليه قبل كده كتير ، والدليل حط العربية على اي داينو وشوف هيطلعلك 99 حصان ولا اقل
وجيو كان رد عالكلام ده قبل كده ، موتور فولكس ال tsi بينزل في كل عربيات مجموعة فولكس تقريبا وكلهم 122 حصان سواء باسات او جيتا مع ان الوزن مختلف
نفس الحكاية ال 100 حصان نازل في الاوكتافيا والجولف والاتنين 102 حصان

[Ahmed.TV]

روستخ شوية هههههههههههههه
انا فى مشاركة تانية .. ذكرت وقولت اغلب الالمانى مش كله .. وان كان ممكن بيزل بره مصر بالرقم الصافى

لو بتتكلم تحديدا على فئة معينة لو بتتكلم ماشى على الفولكس من 102 الى 100 مش فقد كتير .. وبردوا موافقك فى الكلام انه مش نت

لكن لما بيتقال فى اليابانى والكورى وبعض العربيات الاوروبى .. ارقام ويطلع مش نت .. ويطلع جروس .. والناس بتفتكر انه نت والصافى .. مش حرام

هو ده اللى بنتكلم عليه

فى ناس بتقول ان كل اللى مكتوب على البرشورات للعربيات اليابانى والكورى والماليزى والاروبى كله ده نت مش جروس

فهل الكلام ده صحيح يا استاذ mody3on
ان كل اللى فى البروشورات ده الصافى وبقياس جروس

[DarkMagician]

بصو يا جماعة انا في الامارات شفت بي ام فئة سابعة مكتوب في الكتالوج بتاعها والبروشور اللي جاي معاها نت وجروس

وده اللي انا اعرفو ان الالمان مشهورين بالنقطة دي جدا

والمعلومة دي قتلت ذكرا هنا في المنتدى وناس مشهود ليها هي الي ذكرتها

[Youssef.Awad]

بصو يا جماعة انا في الامارات شفت بي ام فئة سابعة مكتوب في الكتالوج بتاعها والبروشور اللي جاي معاها نت وجروس

وده اللي انا اعرفو ان الالمان مشهورين بالنقطة دي جدا

والمعلومة دي قتلت ذكرا هنا في المنتدى وناس مشهود ليها هي الي ذكرتها

واشهر اليابانى اللى بيكتب الاتنين (هوندا)

[Bishoy.Girgis]

the_air_devil
الف الف الف مبروك العربية الجميلة نيسان
و علي فكرة كلامك منطقي جدا
و مازلت اقول ان نيسان ناجحة جدا في خطتها و فعلا العربية اتبعات قبل تصنيعها و ده دليل علي ان المنتج القديم نجح نجاح ساحق و ده دليل مادي ان الوكيل نجح في حل المشكلات اللي كانت بتواجه المنتج القديم طبعا مش كل المشكلات لكن يكفي ان حتي المشكلات الموجوده كان قدامها سعر محترم جدا جدا للعربية مقارنة بالعربيات الاخري اللي في السوق الغالية علي الفاضي ووكيل ميعرفش العميل بعد البيع

[mody3on]

واشهر اليابانى اللى بيكتب الاتنين (هوندا)

يا عمي دول كانوا بيضحكوا عالناس وبيقولوا السيفيك 140 حصان :))

[Youssef.Awad]

يا عمي دول كانوا بيضحكوا عالناس وبيقولوا السيفيك 140 حصان :))

والكورولا واللانسر كملوا ضحك وقالوا 122 حصان
واكبر الضاحكين كيا وهيونداى هههههههههههههههه
انا لا اؤمن بالارقام .. انا اؤمن فقط بالتجربة العملية على الطريق والمواقف اللى باتعرضلها فى سواقة اى عربية عشان احكم عليها :b4_048:

[szaalouk]

الف الف مبروك و ربنا يحميها لك من شر العين و يكفيك شر طريقها

[BUNSH]

الكورى

الكورى

االكورى

الكورى
الكورى

تم ذكر كلمة الكورى بمعدل 5 مراااات فى اكثر من مشاركة ؟!!
يــــــــــاترى الكــــــــــــورى مزعلك فى اى !!

أحمد بك مصطفى احبيبى ,, اخبارك اى ياباشا (يارب تكـــون بخير) مفيش ميسد كدة ولا مسج حتى تسئل علينا

[Ahmed.TV]

حبيبى يا بوحميد والله
اتصلت بيك اهو وانت مردتش .. وحكلمك تانى بعد الفطار يمكن تكون مريح

بس غصب عنى مطحون فى رمضان فى الشغل .. واحيانا بفطر فى رمضان
والكورى على راسى من فوق .. هو وملاكه المحترمين اللى زيك

ياريت اشوفك واقعد معاك فى الفطار .. انت مش جى ولا ايه ؟!

[Youssef.Awad]

احلى حاجة ان الواحد متجوز اتنين .. واحدة يابانى وواحدة كورى عشان ماحدش يزعل هههههههههههههه

[islamabady1980]

الف مبروك