هل الفرق بين التيدا الهاتشباك و التيدا بلس يستاهل فرق فلوسهم

[kliken]

السلام عليكم و رحمه الله و بركاته
انا امبارح الحمد لله دفعت فلوس حجز العربيه على ان استلم الاتنين باذن الله
العربيه هجيبها من واحد صاحبى فاتح معرض و كان عملى خصم عليها 1000 جنيه يعنى وقفت 119 الف جنيه توكيل نيسان عندى بيبعها 120 الف طبعا
هو فعد يقنعنى طبعا كتاجر بالهيونداى او كيا او لانسر بومه من وجهه نظره كتاجر دول احسن ماركات كبيع و شراء بغض النظر عن انها عربيات كويسه طبعا بس انا مقتنع بالتيدا اقتناع تام الحمد لله و من كتر ما قريت هنا فى المنتدى الجميل بتاعنا عن مميزات العربيه و جودتها و اعتماديتها و بعد ما صليت استخاره كتير و ان شاء الله يكون هو افضل اختيار فعلا
نيجى لموضوعنا ايه رأيكم انا ممكن ازود شويه و اجيب التيدا بلاس و الفروق الجوهريه بينهم تكييف اوتوماتيك - جنوط اسبور - طاره مالتى و بعض الفروق البسيطه بعد كده و فرق الفلوس حوالى 8000 جنيه فهل ده معقول و هل هحس انى دفعت فلوس فى حاجه اقيم و افضل
انا بفكر اقوله يشوف اذا هيعرف يجيبلى خصم برضه علي البلاس دى و بعدين هو لسه هيشوف هى متوفره هيعرف يخلص فيها و لا لا بس انا بفكر اعمل اللى عليها و اقوله و لو مشيت و عرف يخلصلى فيها يبقى تمام معرفش يبقى العاديه موجوده
ايه رأيكم بقى انه افضل

[Omar_4ever]

انا من رأي لو ربنا قدرك تجيب البلس يبقى احسن

لو حسبتها هتلاقي ان الفروق تستاهل السعر
انا شايف ان الجنط السبور لوحده بيديها ثبات وشوف لو انت هتجيبه من برا هيكفلك كام لوحده
اتوكل على الله لو تقدر

[zangry]

هات البلس لو تقدر لان الفرق جنوط ومالتي فانكشن والفرش افضل

[kliken]

انا من رأي لو ربنا قدرك تجيب البلس يبقى احسن

لو حسبتها هتلاقي ان الفروق تستاهل السعر
انا شايف ان الجنط السبور لوحده بيديها ثبات وشوف لو انت هتجيبه من برا هيكفلك كام لوحده
اتوكل على الله لو تقدر

انا ميال للبلاس شويه بس متردد فقلت اخد رأيكم
عامه هخليه يدورلى عليها و لو عرف يجيبهالى هتوكل على الله فيها ان شاء الله

[kliken]

هات البلس لو تقدر لان الفرق جنوط ومالتي فانكشن والفرش افضل

ربنا ييسر ان شاء الله و كده رأى حضرتك ان الفرق يستاهل المبلغ

[S O P H O S]

لو حضرتك فعلا تقدر تكمل يكون افضل البلس
خصوصا الجنوط والطاره مالتى اعتقد هتكون افضل
لو حضرتك مش متوفر الزيادة خلاص توكل علي الله وهات العادية
وربنا يوفقك للخير ..

[kliken]

متشكر لردك و لذوق حضرتك
هو انا ممكن اكمل الفلوس فعلا بس انت عارف طبعا ان اى حد بيدفع فلوس بيبقى عاوز يحس ان الفلوس فى مكانها محطوطه صح مش بيدفع و خلاص حضرتك اكيد فاهمنى النقطه دى بس اللى مخليانى محتار شويه ليس الا
الجنوط عادى ممكن اجنط اول ما اخدها مفيش مشكله و بالعكس هقدر اختار اى جنط انا عاوزه
الفرق اكتر فى المالتى و التكييف التاتش و هما اللى محيرنى شويه

[TORNEDO3000]

متشكر لردك و لذوق حضرتك
هو انا ممكن اكمل الفلوس فعلا بس انت عارف طبعا ان اى حد بيدفع فلوس بيبقى عاوز يحس ان الفلوس فى مكانها محطوطه صح مش بيدفع و خلاص حضرتك اكيد فاهمنى النقطه دى بس اللى مخليانى محتار شويه ليس الا
الجنوط عادى ممكن اجنط اول ما اخدها مفيش مشكله و بالعكس هقدر اختار اى جنط انا عاوزه
الفرق اكتر فى المالتى و التكييف التاتش و هما اللى محيرنى شويه

انا من رأيى توكل على الله وهات البلاس لانى كنت زيك من حوالى اسبوع وكنت هجيب الفئة البيزك ب 118000 وبعدين قلت انا اجيب احسن العربية الفئة الاعلى والفرق مش كبير زى ما انا فكرت وكمان الجنوط بتاعتها الاصلية وكمان مش هتقدر تغير التكييف الى تكييف اوتوماتيك وكمان مش هتعرف تركب مالتى فانكشن وكمان تبطين الابواب بفرش قماش احسن وكمان عندك لمبات قدام توكل على الله زى مانا عملت عشان فى االخر قدام لو حبيت تبيع تبيعها وهى فيها كل حاجة مش تكون عربية فقيرة من جوه وربنا يكرمكان شاء الله

[kliken]

أنا فعلا خليته يشوفلى البلس لو لقاها هخلص فيها ان شاء الله ما كنش هحيب العاديه

[tarekiooo]

الفئة الأعلى أفضل وتمنياتى بالتوفيق

[kliken]

الحمدلله ربنا يسر الحال و خلصت فى تيدا هاتشباك لونها احمر و ما لقتش البلس جبتها العاديه و الاستلام ان شاء الرحمن على يوم الاثنين هانت ان شاء الله

[hossam_elwani]

حاول تانى فى البلس ومش حتندم ........... حتندم لو ما جبتش الاعلى 99 قول 100

[hossam_elwani]

متشكر لردك و لذوق حضرتك
هو انا ممكن اكمل الفلوس فعلا بس انت عارف طبعا ان اى حد بيدفع فلوس بيبقى عاوز يحس ان الفلوس فى مكانها محطوطه صح مش بيدفع و خلاص حضرتك اكيد فاهمنى النقطه دى بس اللى مخليانى محتار شويه ليس الا
الجنوط عادى ممكن اجنط اول ما اخدها مفيش مشكله و بالعكس هقدر اختار اى جنط انا عاوزه
الفرق اكتر فى المالتى و التكييف التاتش و هما اللى محيرنى شويه

الجنوط الاصليه لا تعوض وسيبك من الصينى والكلام الفارغ الى بيتباع فى السوق ده انا فى رأيى ميركبش الا على عربيه قديمه او رخصيه فى التمن

[kliken]

حاول تانى فى البلس ومش حتندم ........... حتندم لو ما جبتش الاعلى 99 قول 100

مشكلتى انى بعت عربيتى قبل ما استقر على عربيه و نوعها و بالى داخل على شهر من غير عربيه و هاتجنن خلاص و مش قادر استنى بانى للأسف أنا سببته يدور يومين و ما لقاش فهى نصيبها كده و خلاص الحمد لله يا باشا زى الفل و شكرا طبعا لنصيحتك يا باشا أنا عارف ان الأفضلية للبلاس بس هى نصيبها كده الحمد لله

[kliken]

الجنوط الاصليه لا تعوض وسيبك من الصينى والكلام الفارغ الى بيتباع فى السوق ده انا فى رأيى ميركبش الا على عربيه قديمه او رخصيه فى التمن

على ما اظن اكيد فى ناس بتبيع جنوط اصلى تبقى اغلى شويه بس مش كله صينى و الله أعلم أنا بأذن الله بنسبة كبيره هحنط على طول أول ما أجيب العربيه و هدوا طبعا و يبقى أعرف ايه نظام السوق و المعروض فيه