اوتو ايجيبت والتجربة المبهرة

[mohamedsapri]

يوم 4/7/2012 رحت حجزت الصنى الجديدة مقابله ايه وشياكة اية قالى الاستلام خلال اسبوعين لو عاوز الموكا خليها 3 قلت اوك لانى كنت واثق ان الناس دى محترمة وكويسة علشان انا قريت كده فى المنتدى هنا فخلاص مش هاتكلم

طيب نيجى بقى وانا طالع موضوع التسليم بقى على شهر قلت ياسيدى مفرقتش الاسبوع ده سمعت التاخير والكلام ده قلت لو اخرت لاخر الاسبوع الجاى مش مشكلة بكلم الاساتذة مبيرضوش ولو رضوا يقلك مدير المعرض هايكلمك سيب رقم تليفونك ( اسلوب مصرى قديم ورخيص موووت ) وطبعا انتوا عارفين النتيجة انه مش بيعبرنى اصلانى المهم رد عليا المندوب اللى كنت حاجز معاه بعد معانا وكدب كتير والمصنع ومش عارف ايه بص ياستاذ محمد حاضرتك هاتستلم معانا فى شهر تسعه لييييييييييييييييية وعشان ايه المهم حاولت اهدى نفسى قلتله يعنى كام تسعه قاالى اسئل وارد عليك ( ده انا لو متقدم لوحده كنت سيبتها من كتر اسئل وارد عليك ) المهم قالى علشان اللون اللى حضرتك مختارة انت رابع عربية فى شهر تسعه يعنى باذن الله هانحاول قبل يوم 15 كده

ياجماعه فى ناس محترمة فى الدنيا الحجز بتاعه من 15 يوم يبق ى 3 شهووور ليه يعنى وفى ناس محترمة متردش على التليفون لمده 3 ايام وفى ناس محترمة تحسسك بالذنب انك حجزت لون عجبك وفى ناس محترمة تمطوح فيك بالشكل دة انا بجد كنت بحترم الناس دى منكم وانا اسف بجد اسف احب اقلك ان الناس دى ابعد عن الاحتراااااااااااام بمراحل والسبع اللى الناس كانت بتشتكى منة واحد صاحبى حجز فى نفس اليوم معايا بس فى السبع قالولة يوم 16 /8 /2012 ووافق لانه بيحب السبع اتصلوا بيه وهايستلم فى خلال الاسبوع الجاى وانا قلت لا انا مستعجل

ياجدعان تحيا مصر وتحيا معاملة المصرييين وتحيا نيسان

والله والله والله والله كرهونى فى ام العربية والشركة وخلاص بفكر اغيرها خالص
محش يروح اوتو ايجيبت نهاااااااااااااائى

[walidzakzok]

دة توكيل رينو على كدة بقى محترم

قالولي هانسلمك فى خلال 4 شهور وسلموني بعد 4 شهور بالظبط
صحيح المدة طويلة بس على الاقل انا عارف من الاول وموافق على كدة

[Dr_MaTrix]

مش لوحدك والله نفس الحال والله المفروض استلم اول 8 قالى فى اول تسعة (السبع المنصورة).......اصبر على العربية...... على كلام الناس واللى استلموا العربية دى تستاهل ان الواحد يستناها

[Ahmed_selmy]

الصبر مفتاح الفرج

[kliken]

انا متفق مع حضرتك فى نقطه انه لازم يكون فى التزام بالكلمه لموعد التسليم حتى لو بعد كام شهر

[sherifezzat]

ياراجل ده انتا من 4 يوليو وزعلان انا بقى مع نفس الموزع بس من 12 يونيو وبعد خمسين يوم ولما زهقوا مني واتصالاتي واني بروح المعرض اسال يتصلوا يقولو خد لون احمر او خد تاني لون انتا حجزوا من لونين بس فرشها غامق!!!!

[hossam_elwani]

انا من 7/2 وبعد ما كنت حستلم فى 8 قالولى 9 !!!!!!!!!!!!!!!!!!

[lozitis]

انا شايف ان ما فيش احترام للعميل وان حسن ذى حسنين .. اعتقد منو حاجة من اثنين لازم تحصل يل الناس اللي تاخرو فى الاستلام يستلمو بدون تاخير يا اما الكل يروح يسحب فلوسه مع نشر هذة الدعاية السلبية فى كل مكان هنا و على كافة المنتديات و صفحتهم على الفيس ..
ملاحضة اخرى مستفزة اهتمام الاخ صاحب اكونت اوتو ايجبيت بنشر صورة بسمة و الجوك و ما عبرش اي حد من اللي اشتكو من التاخير حتى بكلمة طيبة ..
انا زيكو حجزت هناك علشان قريت هنا فى منتدانا انهم محترمين انما الكلام دة لو طلع ماضى و راح مش حنسيب حد ينخدع فيهم تانى ..
احترام الناس مطلوب و اطلب من ادارة منتدانا محاولة فتح خط اتصال مع احد مسئولى المبيعات فى اوتو ايجبيت للتاكد من جدية الشكاوى و حجمها و المحاولة للتوصل لحلول لها..
و شكرا جنزبيلا

[Amr Hussain]

صدقونى احنا الى بنعمل كدا فى نفسنا كل واحد عايز يركب العربية الاول قبل اى حد لو سيبناها شوية هتبقى مرطرطة و مفيش اوفر برايس و لا الاستغلال

[zangry]

ومش كده وبس

العربية هتغلى :d

[psycho404]

أنا مكنتش مصدق ان أوتو ايجيبت لا يحترموا وعودهم غير لما اتعاملت معاهم. نموذج للكذب.

[2alb]

متابع

[ahmed452003]

موزعزا نيسان ابعد ما يكونوا عن لاحترام شوية نصابين والي خلاهم كده غياب الرقابة من الشركةالام والعشوائيه وعدم النظام في الادارة المصريه .... انا حاجز من 27 /6 وكان المفروض اني استلم بعدها ب 20 يوم ولسه مش عارف امتى هسيلم لغاية دلوقتي .... حسبي الله ونعم الوكيل

[limo81]

واللى يضايقك ان العربيه موجوده فى أكتر من معرض وتسليم فورى..ولا وكيل نيسان ولا حاجه

أنا عن نفسى ممكن انتظر بدل الشهر اتنين وتلاته بس تسلمنى فى الميعاد المتفق عليه ولو كان بعيد

!!! فقط إحترمنى !!!

[dodyam]

انا من 7/2 وبعد ما كنت حستلم فى 8 قالولى 9 !!!!!!!!!!!!!!!!!!

باشا انت متأكد من الكلام ده لانك عارف انا حاجز بعدك علطول

و كلمتهم النهاردة بيقولوا ان شاء الله آخرك 10 أيام

لو كده انا ألغى الحجز أحسن و اشوف اى عربية تانية انا بقالى شهر مستنى وفى عربيات تانية كويسة

انا بأفكر فى اللوجان الاتوماتيك 2013 بعد مانزلت بالكاسيت و المالتى الجداد وعربية عائلية ميه ميه

بس ربنا يستر وما يكونش الطارق بيطول فى التسليم