موتور صنى 98

[mostafa mahmod]

عربيه واحد صاحبى - صنى 98 - هيسقط موتور لان الموتور القديم تقريبا مات
فعايزين نعرف سعره هيبقى فى حدود كام و نجيبه من الحرفيين ولا بورسعيد
و لو حد يعرف حد كويس هناك
و الف شكر لرجاله النيسان

[kliken]

بصورة يا باشا أنا العربيه مع نسايبى و كان سقطوا موتور من الحرفيين من عند حد اسمه طوكيو 1500 cc و موتور ما شاء الله ممتاز بس مش متذكر اتكلف كأم بالظبط حوالى 3500 جنيه هحاول التأكد من السعر

[mostafa mahmod]

الف شكر يا باشا بس هى متهيالى 1300 سىسى كده يبقى هم سقطوا اعلى من الماتور الاستوك
على العموم 3500 كويس برضه مش كتير زى ما كنت متوقع
الف شكر يا باشا

[kliken]

تؤنرنى يا باشا
هم فعلا زودوا الموتور شويه بس فرق كتير فى قوه العربيه و السحب

[mostafa mahmod]

الف شكر يا باشا

[mostafa mahmod]

ايه يا جدعان محدش يعرف

[port_smoker]

حبيب قلبى يشرفنى انى اتابع معاك---- عشان انا معايا موديل 2000 وفيها مكنة 1300 جميلة ما شاء الله ومن كتر اعجابى بالعربية نويت اجيب مكنة اقوى واعدل شوية حاجات فى العربية من عفشة وشكل خارجى
النقطة هنا ان النيسان عربية معمرة وقوية وصعب ان تلاقى حد عدل فيها وعشان كدة مفيش ناس تعرف كتير فى مواتير النيسان ذى موديلات اخرى مثلا ذى المتسوبيشى والبى ام دابليو ومفيش مواضيع اصلا عن تعديلها
المكن ال ممكن يركب فى الموديل دة 1600 او 2000 سى سى
GA16DE

ودى ذى ال فى النيسان الجديد
بس المكنة دى انجكشن لو هتركبة بالانجكشن حتحتاج كنترول مع الضفيرة
ولو مش هتركبة ممكن يركب كربراتير ومنافول المكنة القديمة بالاسبراتير
والقواعد تقريبا متشابهة بس دى يقولهالك صنايعى

بس انا بدور على مكنة كبيرة عشان يون التغيير مجدى وهى SR20DE ودى 2000 سى سى وهى مكنة بتركب فى موديلات نيسان كتيرة ومنها النيسان SILVIA عربية الدريفتات المشهورة

عموما بالتوفيق ولو سمحت بلغنا بالجديد عشان نتابع معاك

[hossam_elwani]

حبيب قلبى يشرفنى انى اتابع معاك---- عشان انا معايا موديل 2000 وفيها مكنة 1300 جميلة ما شاء الله ومن كتر اعجابى بالعربية نويت اجيب مكنة اقوى واعدل شوية حاجات فى العربية من عفشة وشكل خارجى
النقطة هنا ان النيسان عربية معمرة وقوية وصعب ان تلاقى حد عدل فيها وعشان كدة مفيش ناس تعرف كتير فى مواتير النيسان ذى موديلات اخرى مثلا ذى المتسوبيشى والبى ام دابليو ومفيش مواضيع اصلا عن تعديلها
المكن ال ممكن يركب فى الموديل دة 1600 او 2000 سى سى
ga16de

ودى ذى ال فى النيسان الجديد
بس المكنة دى انجكشن لو هتركبة بالانجكشن حتحتاج كنترول مع الضفيرة
ولو مش هتركبة ممكن يركب كربراتير ومنافول المكنة القديمة بالاسبراتير
والقواعد تقريبا متشابهة بس دى يقولهالك صنايعى

بس انا بدور على مكنة كبيرة عشان يون التغيير مجدى وهى sr20de ودى 2000 سى سى وهى مكنة بتركب فى موديلات نيسان كتيرة ومنها النيسان silvia عربية الدريفتات المشهورة

عموما بالتوفيق ولو سمحت بلغنا بالجديد عشان نتابع معاك

طيب الموتور الى فى توقيعك ده بتاع اى موديل وسعته قد ايه وسعره كام استعمال

[port_smoker]

هو دة يا باشا ال SR بس راكب على فتيس كبالن عشان يركب فى الصنى عشان العربية FWD
بس المكنة دى وحش فى الجر الخلفى RWD ودى صورة المكنة بالفتيس ال بيشتغل مع عمود كردان يعنى جر خلفى


ودى صورة المكنة وهى ركبة فى الــSILVIA


وبرضو من خلال البحث لقيتة بينزل فى صنى موديل تقريبا من 97 حتى 99 بس اسمها مش صنى تقريبا كدة صنى دى فى مصر والفلبين بس
ولكن الموديل المشابة لة فى اوروبا وامريكا اسمة B14 وهى نفس بتاعتنا هنا بس بنت ناس شوية وبتنزل بمكنة خرافية ودى صوريتها





وديما الموديل الاوروبى افضل بكتير من الخليجى فى انواع عربيات كتيرة
نفس الموضوع فى متسوبيشى الناس بترمى المكنة الخليجى بتاعة العربية عشان مكنة قمة فى الضعف وبيسقطو المكنة بتاعة الموديل الاوروبى وهى مشهورة قوى وشباب كتير مسقطها واسمها ميفيك MIVEC

يعنى عشان ما خرجش عن نيسان العربية دى منتهى الروعة والقوة بس عطشانة معرفة عندنا فى مصر ودة يمكن عشان هى بتنزل استوك بمواصفات معقولة وكمان اعطال قليلة جدا تكاد معدومة فعشان كدة محدش بيفكر يعدل فيها زى انواع اخرى

للموضوع بقية......

[port_smoker]

Terrence Sr20det B14 @ Camden - YouTube

ودة فيديو بروجيكت تركيب المكنة الــSR20 على صنى 99 او B14
B14 de GA a SR20.wmv - YouTube

متابع جدا جدا

[mostafa mahmod]

و الله يا باشا مش عارف اقولك ايه الف الف شكر و شرف ليا معرفه حضرتك
هى النقطه بس انه مش عايز يكبر الماتور لانها اصلا عربيه والده و مش عايز جرى و الكلام ده
هو سوالى بس سعر الموتور ده كام ( ال 1300 ) و اجيبه منين الحرفيين ولا بورسعيد و لو فيه حد كويس حضرتك اتعاملت معاه يبقى مين
و الف شكر ليك يا باشا

[kliken]

بص يا باشا الموتور ال 1300 سىسى اذا لقيته هتلاقيه غالى لانه قليل
الموتور ال 1500 سى سى هيفوق العربيه جامد و ده انا اتأكد من سعره عامل 2500 جنيه بفتيسه اتوماتيك كمان يعنى بصراحه يا بلاش و السعر ده من ناس فى بورسعيد يعنى الخلاصه

[port_smoker]

الموتور 1500 دة كربراتير ولا انجكشن
وهل السعر شامل الضفيرة والكنترول
بس فعلا لو ثمنة 2500 جنية يبقى يا بلاش

طيب لو فيها رزالة 1600 يعمل كام بالفتيس والضفيرة والكنترول

مشكورين يا معلم ....تسلم

[Youssef.Awad]

تسلم يا اخ port_smoker ع المعلومات الجميلة دى اللى اضافت لينا جميعا
واسمحلى استغل وجودك ومعرفتك الواسعة بتاريخ نيسان الرياضى وتعملنا موضوع نثبته فى القسم بيشرح تطور القسم الرياضى لدى نيسان منذ بدايتها مع توضيح لأهم المحطات التاريخية فى عمر الشركة اليابانية العريقة لأنه واضح ان حضرتك عندك ارشيف مصور ومعلومات كتير كلنا حابين نستفاد بيها فى اقرب وقت ممكن ...

[port_smoker]

Y2Y1500
يا باشا يشرفنى اشارك بمعلومات اكتر بس للاسف قسم نيسان لا يهتم بالناحية الفنية وهذا ما اعرفة جيدا
فقليل ما تجد من يشارك بهذا الاتجاة فى قسم نيسان
فى حين زيادة اعجابى بقسم متسوبيشى الذى يهتم اهتمام جزرى بالجزء التقنى والفنى

اما عنى فانا هاوى محركات وليس محترف وفى نفس الوقت لن ابخل عن تقديم معلومات تقنيىة من خلال قسم نيسان