مساعدة عاجلة ومحتاج راييكم ( السيارة اتخبطت )

[mohamed10]

للاسف الشديد وانا ماشى بالسيارة اتخبطت فى الباب الخلفى وجزء من الرفف من عربية كارو كان سايقها عيل صغير والواحد بصراحة دمه محروق من اللى بيحصل ده المهم ان الخبطة عملت حز فى الباب الخلفى من منتصفه تقريبا وتنى صاجه للداخل بدون خدش الدهان وتجريح عبارة عن 3 خطوط فى الرفف اعلى العجلة ودلوقتى بصراحة انا عاوز اعالج الموصوع ده لان العربية لسه ماكملتش شهر بس الحمد لله قدر الله ماشاء فعل وقد ذهبت امبارح للتامين وتم عرضها على مركز فنى للصيانة ونتيجة المعاينة انه لازم يرش الباب كله لعلاج تلك الخبطة مع معالجة الخدوش الموجودة فى الرفف وبصراحة انا محتار وعاوز رايكم لانى اوقات اقول اسيبها على اساس بوية الفابريقة وبعدين ارجع اقول ان اجلا ام عاجلا هاعملها فماذا تنصحونى مع العلم ان المركز ده تابع لشركة التامين وقالولى لوحبت تعملها فى التوكيل هاتاخد وقت ونتائج التوكيل بتبقى فيها اهمال ومش مضمونة واما المركز بتاعهم هايقوم باجرائها بسرعة وتحت اشرافى فمباذا تنصحونى .

[Hossam_Zaky]

انا بتابع المواضيع معاكم بقالي فترة و مش بشارك
لكن أنصحك بالتوكيل لأن شركة التأمين يهمها تقلل التكاليف و أكيد التوكيل حيتكلف اكتر
بس العربية حتكون متصلحة في التوكيل حيكون درجة اللون مظبوطة و حتبقي كأنها جديدة و التوكيل فعلا بياخد شوية وقت بس اكيد انت جايب العربية تقعد معاك فترة كبيرة , ممكن تضحي بشوية وقت دلوقت بس العربية تبقي تمام معاك
و التوكيل لحد دلوقت سمعته محترمة

و ياريتك تصلحها دلوقت احسن من بعدين عشان حتسيب حاجة صغيرة علي حاجة صغيرة مش حتلاحق بعد كدة

و ربنا يكفيك شرها و يديك خيرها :)

[WalidAdel]

هوه ممكن لو مفيهاش تعب تصور الخبطه و تحط الصور علشان نقدر نقولك الصح
و بعدين سيبها علشان تاخد العين لما حد سئيل ييجي يقولك "ايوه ياعم العربيه الجديدة"تقوم حضرتك كابسه و تقوله "ليسه مخبوطه امبارح يافقري"حتي لو فات علي الخبطه شهر اصل الشعب ده رزل كده :)