مشكلة في الصني

[خالد عادل]

شباب انا عربيتي صني ٢٠١٢ الشكل القديم والعربية عاملة ١٨٠٠ ك .. بقالي كام يوم حاسس بعدم ثبات رهيب في العربية وانا بجري وفي الملفات وحاسس ان انا ماشي علي فردة وفردة من ورا وفي المطبات الاول كنت بحس ان العربية وحدة واحدة دلوقتي بحس بالمطب في كل فردة ... واما تكون العربية واقفة واجي اتحرك اثناء السحب بيحصل توقف للحظة وبعدين بحس بزقة جامدة في العربية كاني دخلت في مطب هوا يعني العربية تتبرجل للحظة وتكمل تاني عادي .. في حد عندة فكرة يكون دة اية مع لعلم اني كشفت علي ضغط العجل كان مظبوط

[Youssef.Awad]

عملت صيانة الالف كم ولا لأ ..
وكده كده اطلع ع التوكيل اكشف ع العفشة ممكن يكون الميزان مش مظبوط ولا حاجة وكمان جرب تقيس الضغط فى اكتر من مكان ويكون
اما 36 امامى - 33 خلفى
او 32 امامى - 29 خلفى (وده الافضل بالنسبة لى للاتزان على الطرق السريع واحساس اقل بالمطبات جوة البلد)

[Land_Cruiser]

و احتمال يكون فى عوجه فى احد الجنوط نتيجه مطب او نفره فممكن تخللى بتاع الكاوتش يكشف على الجنوط و لو لقى عوجه يستعدلها

[Ahmed.TV]

روح اتاكد عند كذا واحد على ضغط الهواء فى الكاوتش .. وبعد كدا جرب .. لو لسه نفس الموضوع
يبقا عليك وعلى حد بيعمل ظبط زوايا .. واعمل ظبط زوايا .. وجرب بعدها .. لو لسه الموضوع فى مشكلة
يبقا لما تيجى تروح التوكيل تعمل صيانة .. قولهم على الموضوع ده كله وهما حيتصرفوا .. وحيبصوا كمان على العفشة
انا اللى قولتلهولك فى الاول ده عشان سهل لو اى حد جنبك بيعمل ظبط زوايا تروح عنده .. بدل ما تروح ترقع مشوار للتوكيل فى اخر الدنيا فى رمضان والصيام

[خالد عادل]

رحت ظبطت ضغط العجل بس غيرت المرة دي امامي ٣٢ خلفي ٢٩ مشكلة الاحساس بالمطبات دة اظبط خالص والعربية بقت انعم في المطبات بس انا حاسس بعدم ثبات وانا بجري حاسس ان العربية بتلعب مش زي الاول .. يعني الاول كنت باخد الملفات علي سرعة الوقتي لا بحس العربية خفيفة وبتعوم مني .. هاروح اكشف علي موضوع الزوايا وربنا يسهل

[Dr_MaTrix]

رحت ظبطت ضغط العجل بس غيرت المرة دي امامي ٣٢ خلفي ٢٩ مشكلة الاحساس بالمطبات دة اظبط خالص والعربية بقت انعم في المطبات بس انا حاسس بعدم ثبات وانا بجري حاسس ان العربية بتلعب مش زي الاول .. يعني الاول كنت باخد الملفات علي سرعة الوقتي لا بحس العربية خفيفة وبتعوم مني .. هاروح اكشف علي موضوع الزوايا وربنا يسهل

عدم الثبات ده ظبط زوايا وزى ما الاخوة قالوا لك روح عند بتاع ظبط زوايا وان شاء الله الامور تتظبط

[mohsunny2009]

ظبط زوايا اول حاجه و جرب العربيه ان شاء الله تتحل المشكله
لو لاقدر الله المشكله ظلت قائمه لازم تشوف حد بتاع عفشه شاطر لانها مش هاتخرج عن زوايا او عفشه

[FBIAhmed]

رجلاش علبة الدركسيون

[خالد عادل]

طلعت علي مودرن موتورز الدقي لانة اقرب ليا وحكتلهم علي المشكلة .. فضلت عندهم حوالي ٥ ساعات وبعدين كلموني عشان استلمها وقالولي ان المشكلة ظبط زوايا والجهاز عندهم مش شغال وقالولي انهم بصوا علي العربية كلها ومفيش فيها مشكلة الاظبط الزوايا .. مشيت وانا مش مقتنع ورحت بريدجستون اللي في اخر عباس العقاد وبعد ما طلعت العربية علي المجري والفني ابتدي يركب اجهزتة علي العجل .. اعتذارلي ان الجهاز مش شغال المهم مشيت وانا متضايق من العربية جداً وكلمت اوتوايجيبت عشان احجز قالولي ان عندهم ضغط شغل ومفيش مواعيد الا بعد العيد كنت انا قبليها دخلت علي الفيس بوك وحجزت عندهم ولقيتهم يوم الحجز بيتصلوا ياكدوا عليا طبعا قلت للموظفة اني اتكلمت وقالولي مفيش مواعيد المهم طلعت زوق جدا واتاسفت وقالتلي شوف عاوز تيجي امتي قولتالها الاربعاء اللي هو قبل العيد قالتلي مفيش مشكلة رحت في الميعاد وسمعوا مني الشكوي وبعد فترة جه المهندس عشان نجرب العربية قالي مش محتاجه ظبط زوايا خالص ؟؟؟؟؟؟ احنا بدلنا الكوتش وربطنا علبة الدركسيون شوية قولتلة هو تبديل الكوتش بيبقي علي ١٠،٠٠٠ قالي مظبوط بس طالما انت بتشتكي بنحاول نعمل كل الخيارات عشان تحس ان العربية مظبوطة لان العفشة مفيش فيها حاجة والعربية مظبوطة احنا بس بدلنا اماكن الكاوتش وظبطنا الضغط وربطنا رجلاش علبة الدركسيون المهم طلعنا جربنا العربية طبعاً بقت احسن كتيررررررر عن ما انا كنت جاي بيها لان وانا رليح الع ربية كانت بتتمرجح يمين وشمال واضطريت امشي علي المحور علي ٤٠ واخد يمين عشان متحصلش مشكلة .. بس اللي انا عاوز اق ولة ان العربية مش زي الاول الوقتي بحس بكل حاجة في الطريق والعربية بتدب من ورا جامد جدا وحاسس ان العربية مش مظبوطة في مشيها .. فهل دة احساس عندي انا ولا دة طبيعي ان بعد فترة عفشة العربية بتلين وابتدي بقي احس بكل حاجة في الشارع

[Bishoy.Girgis]

اظبط الكاوتش اللي قدام علي 36 و اللي ورا علي 33 و ياريت لما تيجي تظبط ميكونش بتاع الكاوتش يبعد اكتر من 1 كيلو عن بيتك عشان ميكونش الكاوتش سخن في السكة
و الافضل انك تروح عند بتاع نيتروجين و تهوي الكاوتشات كلها و تملأ الكاوتشات نيتروجين و دا هيريح العربية اوي و دي مش محتاجة موضوع 1 كيلو ولا حاجه
و ان شاء الله هتحس بفرق رهيب

[FBIAhmed]

هتلاقيهم نافخين العجل زياده روح خليه 32 29

[aboamr]

الراجل احتار يظبط الكاوتش على 36 و33 .....ولا 32 و29 ......اعمل زيي 33 و30......وان شاء الله كله تمام

[خالد عادل]

من اول ما جبت العربية وانا مليها نيتروجين وبالنسبجة للضغط انا جربت كل حاجة وفي مودرن بيظبطوا علي ٣٠ ورا وقدام .. اوتوايجيبت ٣٦ امامي ٣٣ خلفي والمهندس قالي ما تغيرش عن كدة علي اساس ان المصنع هو اللي قايل كدة وهم اللي عملينها وعرفين الانسب ليها وسيبك من فتي الناس التانية .... المهم انا هاروح تاني لظبط الزوايا علي امل ان يطلع عجلة مرحلة عن التانية ودة الامل الاخير

[Youssef.Awad]

فعلا ضغط الاطارا للصني بالذات عمره ما بيظبط العربية الا لو كان 32-29 او 36-33
غير كده كله اجتهاد وخلاص
مش عارف ليه احساسي ان العربية سليمة وحضرتك بس لسه ما اتعودتش عليها

[خالد عادل]

انا من اول ما ركبتها مكنش عندي مشكلة منها خالص بالعكس انا كنت مبسوط منها جدا ورحت عملت صيانة الالف والعربية بقت احسن ولكن مرة واحدة العربية ابتدت تعوم جامد جدا وبقت خفيفة جدا مش ركزة علي الارض .... قبل الموضوع دة كنت بشد مع واحد باوبل كورسا وطلعت منة وفرقت عنة جامد وكنت مبسوط منها بعد كدة مبقدرش اجري بيها لانها بتحدف وترمي جامد وانا مش متحكم والدليل اما رحت التوكيل وطلعوا جربوها ٣ مرات المهندس يخرج بيها ويرجع يدخاها تاني الورشة بالساعة ويرجع يجربها لغاية ما قالي تعالي نجرب سوا وانا منكرش انها كلبشت في الارض اكتر وبقت بجري بيها بس اي حاجة في الطريق بقت محسوسة يعني الاسفلت مش مظبوط وفية عالي وواطي بحس بية والعربية ترفع من جنب بزيادة لدرجة احس انها هتتقلب في الملفت بحس ان العربية بترفع مني من جنب يعني الرساوة والتقل اللي علي الارض اللي مميز النيسان اللي كنت بحس بية في الاول راح لان انا كنت راكب سيفيا وعارف الفرق .. وانا متاكد ان العفشة مفيش فيها حاجة لان نفس المطبات بخدها بنفس الاحساس لكن انا بتكلم عن النقر اللي في الارض بحس ان العربية بترقص يمين وشمال من ورا وبحس بالخبط دة تحت الكرسي بتاعي ودة عمرة ما حصل قبل كدة تاني حاجة وانا واقف مثلا في اشارة واجي اطلع بحس ان الجنب اليمين طلع والشمال لسة ثابت في مكانة وبعدين تحصل زي نتشة للعربية كان الجنب الشمال بيتسحب وبعد كدة العربية تمشي سلسلة لكن الطلعة القوية بتاعة الاول مبقتش موجودة بحس بعجلة سابقة عاجلة وبعدين التانية تحصلها وبعد كدة تبتدي تسحب عادي يعنب برجلة في المشي مش السحب ودة في الطلعة بس اما ببقي علي سرعة الاحساس دة مش محسوس اوي .. حاجة كمان انا رحت غيرت الفردة ورا بالاستبن عشان حد كان قالي ان العجلة ممكن تكون ضربت سلك وقوست وانت مش حاسس يعني انت ماشي علي عجلة بيضاوي مش دايرة