استفسار لمشكله مضيقانى اووووووووى

[mem]

السلام عليكم ورحمه الله وبركاته

انا عربيتى نيسان 2008 ex
العربية بقالها بتاع اسبوعين كده كل لما اجيب سرعة 100 احس برعشه قوية فى الدريكسيون
علما بانى كنت الاول بجيب لحد 160 ومش بحس باى اهتزاز او اى حاجه وامبارح حستها اكتر ومضيقانى اوى علما انى بعمل كل صيناتى بالتوكيل فيترى ايه السبب

[Dr_MaTrix]

الرعشة اللى فى الدركسيون بعد المية ده يبقى العجل عاوز ترصيص......... روح عند اى حد بتاع نرصيص وظبط زوايا ورصص عجلك وان شاء الله تظبط

[Youssef.Awad]

مشاكل الترصيص بتظهر دائما وابدا على سرعات 80-120 كم

[khalid_adel]

رصص عند حد كويس (زي بريدج ستون مثلا) وطبعا اظبط زوايا بالمره

[mem]

الرعشة اللى فى الدركسيون بعد المية ده يبقى العجل عاوز ترصيص......... روح عند اى حد بتاع نرصيص وظبط زوايا ورصص عجلك وان شاء الله تظبط

هى الزواي مظبوطة حاليا كويس جدا والعربية مش بتحدف ولا حاجة بس هى الرعشة بس

مشاكل الترصيص بتظهر دائما وابدا على سرعات 80-120 كم

هى تبدا بالظبط من 95 كده وتزداد عند الميه
يعنى اكيد كده المشكلة مشكلة ترصيص

[mem]

رصص عند حد كويس (زي بريدج ستون مثلا) وطبعا اظبط زوايا بالمره

انا فعلا فكرت اروح بريد جستون لانهم متخصصون

وشكرا لحضرتك وكل من شارك

[mem]

يعنى اتوكل على الله واروح ارصص ولما ممكن تكون بسبب حاجه تانية

[Dr_MaTrix]

يعنى اتوكل على الله واروح ارصص ولما ممكن تكون بسبب حاجه تانية

اه توكل على الله ....الغربلة ورعشة الدركيسون من تحت سرعة 100 وانت طالع دى مشكلة ترصيص ...جرب كده ترصصها وفى مكان كويس ... وان شاء الله المشكلة تتحل وما يكونش فى حاجة تانية

[kliken]

بنسبه كبيره ترصيص ان شاء الله زى الاعضاء تفضلوا و قالوا

[Youssef.Awad]

انا فعلا فكرت اروح بريد جستون لانهم متخصصون

وشكرا لحضرتك وكل من شارك

نصيحة بلاش بريدجستون بالذات فى ظبط زوايا الصنى .. لأنهم بعد الظبط والسؤال وغيره هاتلاقيه بيقولك العجلة اليمين امامى مرحلة سم الا ربع ورا وعاوزة تتشد بزرجينة وكلام عجيب كده
وده غير صحيح لأن العربية خارجة من المصنع كده وبقالنا فترة كبيرة بنتكلم فى الموضوع ده لأنها بتكون قارية قرايات مختلفة مش زى ظبطة العربيات التانية واول ما العامل ينزل مقدمة العربية ببطن ايده تلاقى القرايات ظبطت

الافضل تروح لسيفتى سنتر فى الحرفيين او فيه واحد تانى مشهور برضه فى مدينة نصر مش فاكر اسمه للاسف

[mohsunny2009]

رصص ياباشا وان شاء الله هاترجع احسن من الاول

[FBIAhmed]

ترصيص امامي و في واحد كويس اعرفه ابعتلي ع الخاص ابعتلك اسمه و عنوانه و مجرب لاكثر من 3 مرات ترصيص و الحمد لله مفيش مره خلفت معاه

[khalid_adel]

ترصيص امامي و في واحد كويس اعرفه ابعتلي ع الخاص ابعتلك اسمه و عنوانه و مجرب لاكثر من 3 مرات ترصيص و الحمد لله مفيش مره خلفت معاه

طب ماتذكره هنا ولو قريب مني ممكن اعدي عليه
وظروف اسعاره ايه يعني زاويا امامي بكام ؟ وترصيص بكام ؟؟

[mem]

اه توكل على الله ....الغربلة ورعشة الدركيسون من تحت سرعة 100 وانت طالع دى مشكلة ترصيص ...جرب كده ترصصها وفى مكان كويس ... وان شاء الله المشكلة تتحل وما يكونش فى حاجة تانية

ان شاء الله تكون بسيطة وتبقى ترصيص لان فيه واحد خوفنى وقالى علبه دريكسيون

بنسبه كبيره ترصيص ان شاء الله زى الاعضاء تفضلوا و قالوا

ان شاء الله

نصيحة بلاش بريدجستون بالذات فى ظبط زوايا الصنى .. لأنهم بعد الظبط والسؤال وغيره هاتلاقيه بيقولك العجلة اليمين امامى مرحلة سم الا ربع ورا وعاوزة تتشد بزرجينة وكلام عجيب كده
وده غير صحيح لأن العربية خارجة من المصنع كده وبقالنا فترة كبيرة بنتكلم فى الموضوع ده لأنها بتكون قارية قرايات مختلفة مش زى ظبطة العربيات التانية واول ما العامل ينزل مقدمة العربية ببطن ايده تلاقى القرايات ظبطت

الافضل تروح لسيفتى سنتر فى الحرفيين او فيه واحد تانى مشهور برضه فى مدينة نصر مش فاكر اسمه للاسف

انا ممكن اخليهم يعملوا الترصيص بس لان الحرفيين بعيده عليا حاول تفتكر بتاع مدينة نصر

رصص ياباشا وان شاء الله هاترجع احسن من الاول

يااااااااارب لانه المشكلة ده مضيقانى اوى اوى

ترصيص امامي و في واحد كويس اعرفه ابعتلي ع الخاص ابعتلك اسمه و عنوانه و مجرب لاكثر من 3 مرات ترصيص و الحمد لله مفيش مره خلفت معاه

طب هو فين حضرتك وياريت على العام على شان المعلومة تفيد الجميع

طب ماتذكره هنا ولو قريب مني ممكن اعدي عليه
وظروف اسعاره ايه يعني زاويا امامي بكام ؟ وترصيص بكام ؟؟

+1
وخالص شكرى لحضراتكم جميعا على جهدكم وتعبكم واهتمامكم

[abono]

ترصيص و روتاشن العجل

سلام عليكم يا باشا:

لو عندك كاوتش بريدجستون فى العربية تأكد من عمل روتاشن للعجل كل 10000 كم و ده عن طريق تغير مكان العجل تجيب اللى ورا قدام والعكس و ده حتلقيه موضح فى كتالوج العربية و كمان بريدجستون بتنصح بيه طبعا الكلام ده بعد الترصيص وإنشاء الله المشكلة تتحل

أخوك Abonol