التكييف بيفصل لما العربيى بتقف؟؟؟؟

[mido90]

انا عربيتى نيسان صنى 2010 موديلex اتو ماتيك
من اول رمضان و انا مروح الضهر كل ما اقف التكييف يفصل و يطلع هواء سخن نار و ما يشتغلش تانى الا لما العربية تجرى على 40 كيلو و انت طالع ؟؟؟؟؟ اية السبب و هل دة لة حل فى التوكيل؟؟؟؟ ارجو المشورة من الاخوة الاعزاء

[mailo]

التكيف يفصل يعني الكبـاس يقف ولا يفصل يعني مفيش هوا بارد

- لو مفيش هوا بارد والكباس شغال وده الاحتمال الغالب
مشكلتك في التبريد جرب تنضف السربنتينا فالبنزينة كويس قوي
اتاكد إن المراوح كلها شغالة وكلها شغالة بسرعتين لو هم أصلا سرعتين
شوف مية التبريد ظروفها إيه غيرها لو وصلت 30 / 40 ألف عشان تبريدها بيقل

- لو بيفصل أصلا ومش بيقوم خالص اللا لما تجيب سرعة
معرفش بصراحة فين المشكلة بالضبط بس ممكن تكون حاجة ليها علاقة بكهربا أو هتكون حاجة ميكانيكية غالبا معرفش

[khalid_adel]

متابع الصراحه

بص طب لما بتقف الار بي ام بيبقى نازل اوي ولا عند ال 1
طب لو واقف وشغلت التكيف هل بتسمع صوت الكمبروسر بيفتح ؟ هل الار بي ام بينزل ولا بيعلي سنه ؟؟

[mem]

متابع
واعتقد تكون المشكلة بسبب شحن الفريون اما زياده او ناقص

[MIDO2950]

المشكله دي مشكله حساس الكمبروسر بتاع التكيف _ حلها تكشف عليه في التوكيل

[toty_305]

ده الطبيعي بتاعه مفيش مشكله أصلا

[Ahmed_selmy]

متابع

[Bishoy.Girgis]

لازم تطلع علي التوكيل تشوف المشكلة ديه قبل ما العربية تطلع من الضمان و هي غالبا نقصص او زيادة في الفريون و ابقا طمنا عليك

[Youssef.Awad]

راجع المشاركة التالية فى موضوع السجل الميكانيكى للاعطال وحلولها

http://www.nilemotors.net/Nile/213848-a-2.html#post3874476068

المشكلة:
تكييف الصنى n16 بيفصل لوحده عند السير لمدة طويلة على الغيار الاول والثانى مع وجود زحمة وكثرة الاشارات والتوقف وارتفاع درجة الحرارة الخارجية
والاعراض تكون فى توقف عمل الكومبريسور بالرغم من اضاءة لمبة زر التشغيل بالمكيف
ولا يعمل الكومبريسور مرة اخرى ويسمع صوته الا بعد السير على سرعات من شأنها تبريد غرفة المحرك او ركن السيارة فترة من الوقت

هذه المشكلة حدثت معى شخصيا فى عربيتى عند دخول نفق الازهر الصيف الماضى وتوقف حركة السير لأكثر من نصف ساعة والتحرك على الغيار الاول حتى الصعود لسطح الارض فى اتجاه جراج الاوبرا بوسط المدينة والنزول لشراء حاجيات من امام طلعت حرب مول والعودة مرة اخرى ..
كذلك تكررت مع زميلى فى العمل هذه الايام .. علاوة على صديقنا الاستاذ احمد ابو النور abono وحكى لنا عنها فى مقابلة افطار المنتدى الماضية كما يلى:



وده كان نفس ردى عليه وقتها:


وعلاوة على ذلك نوضح ان فصل الكومبريسور يكون ايضا فى حالة الحرق ع الغيار والضغط على دواسة البنزين بقوة للاخر لزيادة السرعة .. والسبب هو حمايته من التلف ..

واضيف على كلامى السابق .. كلام احد مهندسى السبع اليوم امامى لأحد الاعمال جاء يشكو من خروج هواء سخن وفصل التكييف كلما عبر نفق الازهر .. لكنه للحق اشاد بقوة التكييف وبرودته فى اغلب الاوقات .. علاوة على ارتفاع وثبات الrpm على 2 واحيانا 2.5 (طبعا مشكلة ضفيرة)
وكان رد المهندس مقتضبا بالكشف على التكييف والتأكد من سلامته وايضا مراجعة التوصيلات لكن المجمل كان ان ذلك حماية للكومبريسور ..