مشكلة في نيسان 2002 اتوماتيك

[tofy_urban]

العربية فيها مشكلتين
1- العربية بتسخن في المشاوير الطويلة ممكن يكون ايه ؟؟؟ مع العلم ان الترومستات شغاله و معظم الملاحظات الظاهرة ليس بها مشكلة
2- العربية بتطفي كتير لما اهدي اوي او اخد مطب و انا نازل و مهدي تطفي مني ؟؟؟؟ العربية اتوماتيك ده ممكن يكون ايه
3- دي ملاحظة مش مشكلة ,,, الrpm بيبقي علي 5 تقريبا او اقل شوية وانا جايب 120 ده طبيعي و لا كتير ,,,, لاني حاسس ان كتير علي الماتور يمشي علي 5 لمسافات طويلة ,,, و شكرا لاهتمامكم مقدما

[lamada]

طبعا خمسه كتير جدا جدا جدا....اعتقد ده سبب سخونة العربيه...ال ار بى ام على 120 المفروض يبقى تلاته او اعلى حاجات بسيطه و بالتخين اوى 4 .....ممكن تبقى عندك نقلة الرابع فى الفتيس مبتجيش و عندك مشكله تانيه فى ظبط ماتور العربيه علشان كدا بتبطل منك

[tofy_urban]

شكرا ياباشا علي الرد ,,, انا اخدت بالي ان زرار الاوفر درايف كان معلق ,,, ده اعتقد يحل مشكلة الار بي ام و السخونة محتاجة لسه مشوار طويل علشان احكم عليها ,,, اما التبطيله فمش عارفلها سبب

[lenasam]

طبعا خمسه كتير جدا جدا جدا....اعتقد ده سبب سخونة العربيه...ال ار بى ام على 120 المفروض يبقى تلاته او اعلى حاجات بسيطه و بالتخين اوى 4 .....ممكن تبقى عندك نقلة الرابع فى الفتيس مبتجيش و عندك مشكله تانيه فى ظبط ماتور العربيه علشان كدا بتبطل منك

+11111111111111

[egyseadragon]

لو إلتبطيل ده لما بتكون على سرعه هادية وشايل رجلك من على دواسة البنزين يبقى من الايدل فالف...

[FBIAhmed]

بص على الردياتير و سلكه و غير الميه و اتاكد من زيت الفتيس لانه بيتغير على 60000

[port_smoker]

الغيار الرابع لو السرعة 120 الــ rpm هيعمل 4
والخامس بيعمل 3
خلى ودنك مع الفتيس شوف بينقل كام نقلة يمكن فى نقلة معلقة

[tofy_urban]

لو إلتبطيل ده لما بتكون على سرعه هادية وشايل رجلك من على دواسة البنزين يبقى من الايدل فالف...

ايه الايدل فالف و اغيره منين

[tofy_urban]

الغيار الرابع لو السرعة 120 الــ rpm هيعمل 4
والخامس بيعمل 3
خلى ودنك مع الفتيس شوف بينقل كام نقلة يمكن فى نقلة معلقة

معلش ياباشا هيه العربية بتاعت اخويا ,,,, بس هيه فيها خامس ولا اربعه بس

[egyseadragon]

معلش ياباشا هيه العربية بتاعت اخويا ,,,, بس هيه فيها خامس ولا اربعه بس

أوتوماتيك تبقى 4 غيار

[port_smoker]

فى اى حال من الاحوال طالما ان عدد اللفات بيعلى عند سرعة متوسطة زى الــ 120 يبقى اكيد فى غيار مبيجييش

فى حالة ان المشكلة فى الفتيس مش هتخرج عن ان مستوى الزيت فى الفتيس مش مظبوط يا عالى يا غير كافى او فى فلتر زيت فى الفتيس مسدود

او فى مشكلة فى البرنامج بتاع العربية وعايز كمبيوتر

[egyseadragon]

هو كان ماشي و لمبة الاوفر درايف منورة.....دة سبب ال rpm العالي....

[Ahmed.TV]

حضرتك ممكن نعرف عربيتك موديل كام .. وماشية كام الف كيلو .. واخر صيانات عملتها كانت ايه

[tofy_urban]

حضرتك ممكن نعرف عربيتك موديل كام .. وماشية كام الف كيلو .. واخر صيانات عملتها كانت ايه

انا كاتب في العنوان انها 2002 اوتوماتيك ,, العربية بتاعت اخويا ,, و عاملة حوالي 150 الف ولسه عاملها صيانة من حوالي 5000 كيلوا ,,, مش في التوكيل بره ,,,, انا لفت نظره انه ممكن يكون ناسي لمبه الاوفر درايف منوره او الزرار معلق و هوه مش واخد باله ,,, ودي مش هاتبان غير مع سفر مشوار طويل علشان يحكم علي مشكلة السخونة اللي كانت بتحصل ,,,, اما مشكلة ان العربية بتبطل علي الهادي وانت شايل رجلك من علي البنزين ,, فاحد الاعضاء ذكر مشكلة في الايديال فالف ,,, وانا مش عارف ده اجيبه من عند بتوع قطع غيار و لا ممكن تكون في مشكلة تانية بتسبب كده

[Ahmed.TV]

طب تمام .. ممكن يكون فعلا الاوفر دريف .. كان عامله تشغيل .. وماشى عليه .ز وده اللى مخلى صوت العربية عالى .. ويمكن ده اللى ماثر على السخونية

لكن موضوع انها تبطل .. شوف البوجيهات .. وهات بوجيهات اصلية من محمد جابر فى شارع دمشق فى مصر الجديدة .. لان ممكن تكون اللى راكبه فيها مشكلة .. لان كان فى عضو قال قبل كدا ان العربية كانت بتبطل عشان كان البوجيهات مش مظبوطة ومكنتش اصلية

الافضل .. انك تروح التوكيل تشيك على العربية دى وعلى الحساسات اللى فيها .. طالما عدت ال150 الف
وتتطمن

وحننتظرك تطمنا باذن الله
تحياتى