كاسيت السوبر صالون 2010

[mech.power.eng]

يا جماعة هو كاسيت السوبر صالون 2010
6 سى دى ولا واحد بس ؟
هى فيها سينسور بارك ولا لا؟
انا ادامى عربية 2010 سوبر فبريكة ماشية 38الف عايزه فانوس وفردتين كاوتش
تمنها يعمل فى حدود كام؟؟؟؟

[Youssef.Awad]

السوبر صالون بتنزل من غير باركنج سنسور لكن ممكن تركبه فى اى مركز خدمة بحدود 400-450 ج
السعر طبعا حسب الحالة .. وخليك فى حاجة نضيفة ومش مبهدلة من برة وجوة
واعمل حسابك ان الكاوتش كله هايحتاج يتغير
ولو حسبت الفردتين والفانوس هاتكلفك اقل ما فيها 2000ج
شوف العربية دى كده .. http://www.nilemotors.net/Nile/303753-a.html

[mech.power.eng]

شكرا لذوقك يا باشا
اللى انا بقول لحضرتك عليها دى فبريكة جوا وبره وعربية زى الف هى فيها كام خربوش بسيط كده لكن العربية مفهاش اى حاجة خالص ماشيه 38 سوبر صالون تعملها فى حدود كام ومحتاجة طقم كاوتش لانه الكاوتش بتاعها متغيرش خالص وفيها فانوس مكسور

[mech.power.eng]

يا جماعه محدش قالى الكاسيت بتاعها 6 سى دى ولا واحد بس والعربية تعمل كام

يا جماعة ياريت تساعدونى عشان مش عارف اجيب العربية دى ولا لا
Ahmed.TV
Y2Y1500

[harizy]

هو الكاسيت بتاعها سى دى واحدة ومعها ريموت كنترول

بالنسبة للسعر فدى تختلف من سيارة لأخرى وبحسب الحالة ووفقاً لرضا الطرفين أتمنى أكون ساعدتك

[Bishoy.Girgis]

يا جماعة هو كاسيت السوبر صالون 2010
6 سى دى ولا واحد بس ؟
هى فيها سينسور بارك ولا لا؟
انا ادامى عربية 2010 سوبر فبريكة ماشية 38الف عايزه فانوس وفردتين كاوتش
تمنها يعمل فى حدود كام؟؟؟؟

بالنسبة للسي دي : هو سي دي واحد فقط
مفيهاش باركنج سنسور
معني ان العربية عايزة فردتين كاوتش و عامله 38000 كيلو يعني العربية ديه كانت بتتفحت
ثمنها حسب الحالة و دي لازم حد تكوني واثقة فيه يقدرها ليكي

[Bishoy.Girgis]

شكرا لذوقك يا باشا
اللى انا بقول لحضرتك عليها دى فبريكة جوا وبره وعربية زى الف هى فيها كام خربوش بسيط كده لكن العربية مفهاش اى حاجة خالص ماشيه 38 سوبر صالون تعملها فى حدود كام ومحتاجة طقم كاوتش لانه الكاوتش بتاعها متغيرش خالص وفيها فانوس مكسور

انا عربيتي صني 2009 و لسه همشي بالكاوتش بتاعها الاصلي كمان سنتين او سنة و نص و عامله 37500 كيلو فقط

[Youssef.Awad]

يا جماعه محدش قالى الكاسيت بتاعها 6 سى دى ولا واحد بس والعربية تعمل كام

يا جماعة ياريت تساعدونى عشان مش عارف اجيب العربية دى ولا لا
ahmed.tv
y2y1500

يافندم .. لو محتاج سعر السوق وثوب العربية يعمل كام ؟
حضرتك عملت مشاركة فى الموضوع الخاص بتسعير المستعمل

انما لو هاتاخد رأيى لو مكانك هاعمل ايه وادفع كام .. لأن احساسى بيقول ان العربية دى ما عملتش صيانات فى التوكيل بانتظام ولا حتى اتعمل دوران للعجلات زى ماهو باين من كلامك فى الاول انها محتاجة عجلتين بس !!!
1. هاخد العربية واطلع بيها على مركز صيانة اتوايجيبت فى ابو رواش يفصصوهالى حتة حتة ويقولولى محتاجة ايه ومش محتاجة ايه وبعدها هاشوف تستاهل الثمن اللى صاحبها عارضها بيه ولا لأ
عالاقل وقتها هاكون خسرت ثمن الكشف 300ج بس مش الافات دفعتها ..
2. بالنسبة لى لو مكانك وهاشتريها .. اخرها يوم ما تبقى نضيفة اوى هايكون 90 الف ج ويمكن تنزل كمان 2000ج (لست متابع لسوق المستعمل فى السنة الاخيرة) والله اعلم

[mech.power.eng]

يا جماعة العربية زى الفل مفهاش حاجة بس انا موسوس شويه والكاوتش اللى ادام بتاعها ماشى عادى مفهوش حاجة يعنى يتمشى بيه 10 الاف تانى بس انا هغيره من باب الامان واحس انى ركبت عربية جديدة من كل حاجة
مش اكتر من كده
وانا مش محتاج اوديها توكيل انا مهندس ميكانيكا وشوفت كل حاجة فى العربية تمام بس مفهمش فى اسعار النيسان اوى فكنت عايز تقولولى على السعر ممكن يكون اد ايه

[mech.power.eng]

يا جماعه دى العربية بالتيل الفبريكة بتاعها زى ما هو ممكن تقول حالته 65 فى المية يعنى العربية مش مفحوته ولا حاجة

[Youssef.Awad]

يا جماعه دى العربية بالتيل الفبريكة بتاعها زى ما هو ممكن تقول حالته 65 فى المية يعنى العربية مش مفحوته ولا حاجة

تيل الصنى مش دليل على حالة العربية !!!
لأن تيل عربيتى مانيوال 2010 ex عامل 67000 كم دلوقت ولسه 6 مللى قدام وبدرى اوى على اللى ورا
وانتظر رد الاستاذ شريف فى موضوع التسعير .. او تقولنا صاحبها عاوز كام ونقولك كتير ولا قليل ..