إزاي اعرف إن السياره فيها abs ولا لا ؟

[Elsebily]

السؤال طبعا هو إزاي اعرف اني العربيه فيها ABS ولا لا يعني هل بتبقي فيه حاجه مثلا في الكابوت لما الاقيها يبقي كده العربيه فيها ABS وبصراحه انا عمال اسال كل واحد أقابله السؤال ده من امبارح وتقريبا مفيش إلا واحد بس اللي عرف يجاوب وقالي اني العربيه اللي فيها ABS لما تكون رافع فرامل اليد وتيجي تدي غيار وتطلع تلاقي العربيه نزلت لتحت شويه وطبعا انا مش مقتنع بالاجابه دي فياريت بجد لو حد يعرف حاجه عن الموضوع ده يفيدنا

[bebo382]

لما تفتح الكبوت بتلاقي حاجة مكتوب عليها abs ...و في حل تاني بس مش عملي ..انك تدوس فرامل جامد و حتسمع صوت فرامل متقطع مش مستمر !!

[M.A.H]

او لما تيجي تدور العربية، حتلاقي لمبة abs نورت شوية

[ahmedbasto]

او لما تيجي تدور العربية، حتلاقي لمبة abs نورت شوية

+11111 والحل بتاع دوس الفرامل دة صح بس يستحسن يتعمل فى طريق فاضى

[egyseadragon]

ممكن تمشي ورى مواسير الفرامل..حتلاقيها بتروح ل unit شكلها عامل كدا



..وممكن تبص عند الكوتش حتلاقي سنسور

[Bishoy.Girgis]

في لمبة abs علي العدادات لو فيها اضاءة يبقي عندك abs في العربية

[Youssef.Awad]

السؤال طبعا هو إزاي اعرف اني العربيه فيها ABS ولا لا يعني هل بتبقي فيه حاجه مثلا في الكابوت لما الاقيها يبقي كده العربيه فيها ABS وبصراحه انا عمال اسال كل واحد أقابله السؤال ده من امبارح وتقريبا مفيش إلا واحد بس اللي عرف يجاوب وقالي اني العربيه اللي فيها ABS لما تكون رافع فرامل اليد وتيجي تدي غيار وتطلع تلاقي العربيه نزلت لتحت شويه وطبعا انا مش مقتنع بالاجابه دي فياريت بجد لو حد يعرف حاجه عن الموضوع ده يفيدنا

هههههههههههههههههههه
بصراحة يا ريته ما ردش عليك وفتى كده !!!
اكيد الاخ ده راكب كورى .. لأنه من غير abs حتى عفشة العربية بتنزل لما تديها غيار كده كده واشهر العربيات اللى بتعمل الحركات دى الدايو والهيونداى والشيفروليه
الردود الصحيحة هى السابقة .. سواء عمليا بالفرملة الفجائية او نظريا من نور التابلوه وتصميم دورة الفرامل

[limo81]

في لمبة abs علي العدادات لو فيها اضاءة يبقي عندك abs في العربية

+1111

[ahmedwagdy03]

لما تبقى ماشى على سرعة عالية نسبيا 70 أو 80 و تدوس فرامل مفاجىء تسمع طقطقة الهواء فى الفرامل و متلاقيش العلابية بتزحف منك . دى تبقى abs

أما العادى إنك تبقى ماشى على نفس السرعة و تدوس فرامل جامد تسمع تصفير التيل متصل و ممكن تزحف منك

[kliken]

هههههههههههههههههههه
بصراحة يا ريته ما ردش عليك وفتى كده !!!
اكيد الاخ ده راكب كورى .. لأنه من غير abs حتى عفشة العربية بتنزل لما تديها غيار كده كده واشهر العربيات اللى بتعمل الحركات دى الدايو والهيونداى والشيفروليه
الردود الصحيحة هى السابقة .. سواء عمليا بالفرملة الفجائية او نظريا من نور التابلوه وتصميم دورة الفرامل

فعلا يا باشا

[Elsebily]

طبعا اولا ألف شكر لكل اللي شاركوا في حل المشكله بس انا بعد اما فكرت شوية وتفكيري طبعا بما انه هيتحيز لمجال الباور ففكرت اني اكيد لو فيه فرامل abs فاكيد هيبقي ليها فيوز في علبة الفيوزات وفعلا فتحت علبة الفيوزات ولقيت مكانه موجود بس فاضي فعرفت اني مفيش abs وطبعا هي لفه شويه بس يعني هي اللي جت دماغي فيها