العربيه سخنت مني في الغردقه وخايف

[حماده المصري]

انا سافرت بعربيتي الغردقه

فضلت مثبت 160 فتره حلوه فجاءه اعربيه سخنت بعد ما عديت 180 الكلام ده بعد مثلا 200 كيلو سواقه وخايف بصراحه اروح

المشكله اني من ساعه ما جبت العربيه اساسا هي اعلى بشرطه وحده من النيسان العادي بس قولت مش مشكله لانها يوزد

دلوقتي انا في الغردقه ومعرفش حاجه هنا

انا لما سخنت وقفت وبطلت ورجعت زي الفل بس الدنيا هنا حر اوي اوي اوي

انا مش عارف ازبطها فين هنا وكده كده الميا اللي فيها عاديه وربنا يستر

[Bishoy.Girgis]

طيب هل المياه في المعدل المظبوط ولا ناقصة ؟؟؟ لأن ممكن يكون ده السبب

[Amr2004IBM]

بص يا حماده الواقع ان ده طبيعي لو انته ماشى على سرعه عليه جدا لمده طويله في عز الحر
الكلام ده حصلى السنادى لاول مره من ساعه ما جبت العربيه لما كنت راجع من الساحل عز الظهر وبحاول اشد مع قريبى لقيت مؤشر الحراره زاد للمنتصف وده منطقى لانه عز الحر ومشغل التكيف وعمال احرق
نصحتى ليك وانته راجع انك متزودش عن 140 لمده طويله وخاصتا انك هتبقى عكس اتجاه الهواء فده هيزود استهلاك البنزين وهيزود الحراره
تانى حاجه زود سرعاتك بشكل تدريجى علشان تتجنب السخونه المفاجئه وتقلل من استهلاك البنزين
تالت حاجه وده الاهم اول ما توصل باذن الله شيك على جوده مياه التبريد عشان احتمال كبير تكون محتاجه تتغير عندك
تحياتى لك وكل عام وانتم بخير
رحله سعيده وترجع بالسلامه

[Bishoy.Girgis]

اعتقد يا جماعة المفروض اللي يحصل العكس و الله اعلم لأن انت دخول الهواء للعربية شديد في السرعات العالية عن السرعات البطيئة و من هنا المفروض العربية متسخنش اصلا
دي افتكاسة مني مش معلومة بس ياريت الناس تدخل تدي رأيها

[Youssef.Awad]

الافضل تراجع مستوى كافة السوائل والاهم زيت المحرك ومياه التبريد
والطبيعى فى الصنى بالذات سواء زيرو او مستعمل ان مؤشر امبير الحرارة يكون عند النقطة قبل النص بشرطة تقريبا

بعد مراجعة المياه والزيت .. دور العربية على السلانسيه بدون حمل وافتح الكبوت كده وخليها دايرة كام دقيقة اتأكد ان مروحة الراديتير شغالة كويس وبانتظام (بتفصل وتشتغل) وفى نفس الوقت تابع قراءة امبير الحرارة ..

الحاجة التانية وانت راجع بالسلامة (المسافة طويلة للقاهرة حوالى 500 كم - لايوجد استراحات منتظمة على الطريق) مخاطرة كبيرة انك تتحرك بالعربية وهى مش سليمة 100%
الافضل انك تتحرك مع اول ضوء بعد الفجر تماما - عامل حسابك فى كام جركن مياه فى شنطة العربية - لا تشغل التكييف - لا تزود الrpm على 3 يعنى اخرك 110-120 كم/س - لا تحرق على الغيارات

وان شاء الله ترجع بالسلامة وتطلع حاجة بسيطة

[ahmedamr]

بالعكس يا باشا شغل التكييف عشان مروحة التكييف تشتغل مع المروحة التانية وتساعد ع التبريد

[حماده المصري]

كلاكم صحيح يا اخواني

انا مكنتش متخيل انها تعمل كده معاها بس فعلا حر اوي اوي اوي

العربيه ميا عاديه وفي مكانها مش ناقصه

انا هحاول اخاد احتياطاتي قبل ما ارجع وربنايستر

[tiger76]

الغردقة فعلا حر و بالذات اليومين دول
و تقريبا فى نفس التوقيت دة من 3 سنوات كنت هناك بعربيتى القديمة و سخنت جامد و لما وصلت بصيت على الفربة لقيت المياة اللى فى القربة خلصت كلها
و كانت شغلانة
و الحمد لله ربنا ستر و رجعت بالعربية من غير مشاكل

حاول ما توقفش العربية فى الشمس علشان حامية بشكل فظيع فى الغردقة

[a_bahaa14]

اعتقد يا جماعة المفروض اللي يحصل العكس و الله اعلم لأن انت دخول الهواء للعربية شديد في السرعات العالية عن السرعات البطيئة و من هنا المفروض العربية متسخنش اصلا
دي افتكاسة مني مش معلومة بس ياريت الناس تدخل تدي رأيها

ايوة الكلام ده صحيح بس بشروط منها ان درجة الحرارة الداخلة من الهواء الخارجى تكون بسيطه مش مولعة فوق الستين فى الغردقة مثلا وبرضة الار بى ام ميكونش معدى 4 او كمان 3 علشان كل المسرعة بتزيد عن 120كم\ساعه معدل مقاومة الهواء بزيد الضعف عن المعدل العادى وبالتالى مجهود زيادة على الماتور وبالتالى استهلاك اعلى للبنزين وكذا الحرارة . وشكرا

[tarekiooo]

ربنا يسترها معانا ومعاك
الحر السنة دى غير طبيعى

[FBIAhmed]

خد المفيد السبب ان الميه العاديه لو محطوطه بقالها فتره بتعمل املاح وصدا داخل دورة التبريد ده غير ان الاملاح دي مع الوقت بتؤددي لقلة كفائه دورة التبريد وتلف اجزاء منها معدل التبادل الحراري بتعاها اقل من الميه الخضرا و بالتالي معزياده حراره الجو و القرص و مع سرعة دوران الميه من الردياتير الى الموتور كل العوامل دي تؤدي للشرطه الي زادت عند حضرتك نصيحتي اول ما توصل على خير اكشف على مكونات دورة التبريد ونضفها و حط ميه خضرا تركيز 70/30 موبيل مثلا و لاثقلق

[حماده المصري]

يعني ال 30 مبا ولا ماده معلش

طمنونب هل في مشكل كبيره ولا ايه

انا خرجت بالليل عادي كان كله تمام

[esam123]

هى العربية موديل كام وعاملة عداد كام ونفس المشكلة ممكن تحصل فى النيسان الشكل الجديد

[FBIAhmed]

30 الماده ومتسبش الميه العاديه فيها لما ترجع لانها بتعمل املاح جوه الومنيم وش السلندر و الردياتير و الالومنيم بيتاكل من الاملاح ناهيك عن تعليق الترموستات الميكانيكل الي جوه كوعة الميه

[FBIAhmed]

اي عربيه في الدنيا يحصل فيها كده لو فيها ميه عاديه من فتره