أملى طفاية الحريق منين؟

[abono]

سلام عليكم يا شباب:

أول يوم العيد كنت ماشى نحيت عمرة و وقفنى سواق تاكسى و العربية بتعتو كانت بتولع و ماكنش معاه طفاية فنزلت بسرعة و خلصت الطفاية اللى معايا و يمكن 5 عربية بنفس الشكل كدة؛
أنا دلوقتى عايز املاها تانى حد يعرف منين وجزاكم الله خيرا.

[Youssef.Awad]

تسلم على احمد باشا على تصرفك ..
انا اعرف فرع البافارية فى شارع الجمهورية خلف جامع الفتح .. اسأل عندهم كده
او فى اى مكان لبيع طفايات البافارية داخل او خارج وحدات ترخيص المرور

[Elawany13]

كان فيه اخ كاتب انه بيملاها من بتوع الدفاع المدنى
وبياخد شهادة صلاحية جديدة لها
وبتفع علشان تجديد الرخصة

[Thebutcherr]

شارع الجمهورية عند بتوع الدفاع المدنى , انزل انت بس هناك و هتلاقى مليون واحد

[Amr Axel]

زي ما الأخوة قالولك و اضيف شارع الجمهورية في وسط البلد مليان معدات امن صناعي و دفاع مدني
او تملاها من المصنع في اخر جسر السويس بس العنوان تحديدا فين مش فاكر

و اتفضل الموضوع ده تفاريح :)

http://www.nilemotors.net/Nile/222278-a.html

[tarekiooo]

جزاك الله كل الخير على الشهامة دى
أنا باملاها من اسكندريه ب 40 جنية من اى موزع للبافارية

[limo81]

تمام
من أى مصلحه دفاع مدنى أو من اى فرع بافاريا

[A.Saad]

مترحش لاى محل
غالبا بيملوا مسحوق من اى حاجة

[abono]

شكرا يا رجالة على المشاركات الجميلة دى و جزاكم الله خيرا عنا