تركيب جلاد أو جلد على الاكصدامين

[nightrider2012]

السلام عليكم....
كل سنة وحضراتكم بألف خير..

عندي سؤال:
ممكن حد يقولي مين كويس يركبلي جلاد أو الجلد على الأكصدامين والكبوت ...انا رحت لواحد في مصر الجديدة قالي الاكصدامين 500 جنيه وحسيت ان ده سعر خرافي.

المفروض التكلفة تبقى كام؟؟ ومين في القاهرة او الجيزة بيعملهم كويس؟
شكرا

[Ahmed_Ramadan]

ما تنزل أحمد سعيد و شارع دمشق و شوف الدنيا فيها إيه الأول

[Kareem Fawzy]

يوم ما يتمعظموا الاتنين هيبقوا 200 او 220 بالكتير انزل شارع دمشق او التوفيقية

[Ahmed_selmy]

متابع باهتمام

[MohammedAladel]

مش الجلاد دا الطبقة الجلد السوداء اللى بتتلزق على أى حتة فى صاج العربية أصل أنا شفت عربيات كتير عاملة النظام دا على سقف العربية وشفت عربية تيدا معمولة كدا بالكامل بس هو مطفى يعنى مش بيلمع هل فيه منه بيدى نفس لمعة دوكو العربية ؟ وأعتقد إنه رخيص لأن كله عامله وأنا ماشى فى المنيا شفت واحد بيعمله كان معاه سشوار كدا بينفخ هواء سخن عشان يلزقه

[kliken]

ما بتزيدش عن 250 يا باشا خالص للاكصدامين

[د. علاء ابراهيم]

لا ممكن توصل 500
لو ستكرات 3m الشفافة المقاومة للخدش
هما بالسعر ده فعلا عند ابراهيم فى دمشق
كنت هاعملهم بس واحد صاحبى قال لى يا عم دا انتا ترش الاكصدام كله ب 150 جنيه
فلقيت عنده حق و تراجعت عن الفكرة