استهلاك بنزين الصنى وتفكيير بصوت عالى

[elkorany]

السلام عليكم ورحمته الله وبركاته
كل سنه وانتم طييبين
وانا بفكر فى استهلاك الصنى للبنزين واللى معروف عنه انه عالى جدا
وبعد قرأة معظم موضيع المنتدى بهذا الخصوص
قاعد بفكر بصوت عالى شوية
اللى متأكد منه ان استهلاك اى عربية بيكون مثالى طالما سرعة السيارة بين ال60 وال 80 كيلو متر فى الساعة
الاستهلاك بيكون زيادة لو السرعة اقل من 60
والاستهلاك بيكون زيادة اوى لو السرعة اكبر من 80 كيلو
بالنسبة لمقاومة الهواء بتتناسب مع سرعة السيارة لو السرعة اقل من 60
ومقاومة الهواء تتناسب مع مربع سرعة السيارة لو السرعة اكبر من 60
خد بالك تتناسب مع مربع سرعة السيارة
طيب
الصنى بموتور 1600
تستهلك بنزيين عادى فى حدود السرعة ال 80 كيلو
وده بيكون فى السير الطوالى بدون فترات انتظار كبيرة اى وقوف متكرر والعربية دايرة
ولكن بعد السرعة دى الاستهلاك بيزيد
طيب نفكر شوية كدا
كام عربية ممكن تمشى بيها فترات كبيرة على سرعات عالية بقلب جامد بماتور 1600
هتلاقى عددهم قليل اوى
على سبيل المثال لو مشيت بالفيرنا ال 1600 بنفس سرعة الصنى اعتقد هتلاقى نفس الاستهلاك
بس لازم اللى يركب الفيرنا يكون قلبه ميت لأنه هيكون راكب نعش طائر ربنا يكفيكو الشر بالمقارنة بالصنى
طيب هتقولى لانسر وسيراتو والنترا
طيب كام عربية منهم اوتو وكلنا عارفيين ان الأتو بيستهلك اكتر بكتير
و90 فى المية من زبائن الصنى بيشترو اوتو لأن فرق السعر اهبل
طيب
حد حسب استهلاك عربيات اوتو من اللى قلت عليهم وقارنهم بالصنى
طيب حد ركب فى عربية لانسر مثلا نفس مكونات الصنى وشاف استهلاكها
اقصد كاوتش وسلوك وبوجيهات

خلاصة كلامى
الصنى ارخص بكتير عن الالنترا واللانسر والسيراتو
اتقل وامتن بكتييييير منهم
تكيف رائع على السمع لأنى اصلا معنديش صنى
عربية ليها هيبة كده على ما اعتقد
الاستهلاك بيعتمد بصورة كبيرة جدا على طريقة القيادة ونوع البنزيين والشوارع
توكيل الصنى على السمع رائع
ومميزات كتييرررر تانية
كفاية انها يابانى

كل سنه وانتم طييبين
ومستنى ردودكم

[Youssef.Awad]

اولا: تصحيح بسيط لكلام حضرتك بخصوص السرعة وعلاقتها بمقاومة الهواء بتكون 90 كم/س هى المقياس وليس 60

الاستهلاك بيكون زيادة لو السرعة اقل من 60
والاستهلاك بيكون زيادة اوى لو السرعة اكبر من 90 كيلو
بالنسبة لمقاومة الهواء بتتناسب مع سرعة السيارة لو السرعة اقل من 90
ومقاومة الهواء تتناسب مع مربع سرعة السيارة لو السرعة اكبر من 90
خد بالك تتناسب مع مربع سرعة السيارة

ثانيا: ياريت حضرتك تتطلع على المواضيع التالية للوقوف على حقيقة استهلاك الصنى للبنزين من مالكيها وليس نقلا عن كلام التجار او اناس لم يركبوا او يمتلكوا صنى

http://www.nilemotors.net/Nile/227761-180.html

http://www.nilemotors.net/Nile/185375-a.html

http://www.nilemotors.net/Nile/265021-a.html

ثالثا: بالنسبة للطرازات الاخرى المذكورة .. لم يتسنى لى امتلاكها لكنى سوقتها لفترات قصيرة ولم اهتم بحساب استهلاكها للبنزين

[drmagieed]

الصني الشكل القديم أمتن وأشيك وإستهلاك بنزين أقل ... بصراحة رائعة ... أما الشكل الجديد فماليكيها أدري بها مني .. وألف شكر علي الموضوع

[Ahmed.TV]

تقرير ممتاز .. وتفكير بصوت عالى فعلا
انا عايز اقول ان استهلاك البنزين لو العربية سليمة اللى بيحدده رجلك
يعنى انا فى التيدا فى الصفيحة بتعمل 170 لما اكون كابس فى طلعاتى وبحرق جامد وزحمة وتكيف
وفى اوقات تانية عملت معايا فى الصفيحة نفس المشاوير ولكن بسواقة هادية جدا مع التكيف والزحمة كانت 210 فى الصفيحة
سواقة عنيفة ونقلات ازيد من 3000 الاربى ام .. يبقا محدش يشتكى لان اكيد الاستهلاك حيكون زيادة فى اى عربية

تحياتى

[tarekiooo]

كلامك صح جدا

[حماده المصري]

بص انا سافرت الغردقه ورجعت عربياي تحت كل الظروف القايسه بتعمل رنج 180 اثل واجب وده رقم جميل

انا وراجع مزودتش عن 120 اخدت في 270 كيلو 24 لتر بدون تكييف وماشي ضد الهوا وروحت مفول تاني وطاااااااااااااير لحد مصر وشغلت تكييف شويه عمت التنك نزل عن النص تقريبا وعملت 220 كيلو ومتاكد ان لما اجي افول هيبقى الاستهلك من 22 ل 25 لتر وبرضو رقم جميل اوي

[elkorany]

شكرا لكل اللى رد
د يوسف انا قرأت معظم مواضيع استهلاك بنزيين الصنى
وعارف كل الكلام ده
انا اقصد من كلامى تفسيير منطقى لاستهلاك الصنى
اللى بيشتكى منه الناس
اللى هما اصلا السبب يه
واللى بيشجعهم عليه
قوة موتور وثبات الصنى
يعنى بمعنى اصح
عيب استهلاك البنزيين فى الصنى اصلا جاى من مميزات قوة موتورها وثباتها العالى وتسارعها الممتاز
واللى بيشجع مالكيها على الجرى والحرق والغرز
وشكر ليك مرة تانية