تيدا ...abs ؟؟؟

[Ahmed Samy]

من يومين كنت راجع على الطريق الزراعي الساعة العاشرة مساء تقريبا

و احنا داخلين على ميت غمر في شوية مطبات لذيذة كده

المهم بنتكلم انا وصاحبي و هوب ....

سمعنا صريخ عجل جاااااامد بصينا قدام لاقينا لانسر بوما على المطب تماما (شبه متوقفة) ومن ورا نيسان تيدا هاتشباك بتتزحلق لمسافة غير قصيرة و خطوط سودا طالعة من وراها و خلاص هاتلبس هاتلبس في اللانسر

و لكن سواق اللانسر تدارك نفسه بسرعة و داس بنزين و (جري)من وش التيدا اللي لبست المطب و هيا مفرملة و عدته كمان


كل ده حصل في خلال الثلاث او الخمس ثواني اللي لفت نظري و خلاني اعمل موضوع:
1 - سرعة بديهة سواق اللانسر اللي مضيعش الوقت في النظر للمراية علشان يشوف الصوت بتاع ايه ....الراجل سمع الصوت -داس بنزين

2 - و هو المهم .....مش التيدا دي عربية محترمة و فيها Abs برضه وللا أنا باسمع غلط

اصلها بصراحة نزلت من نظري خاااااااالص

[SAbuhashem]

ذي ما ذكرت في حملة لا تتنازل عن عوامل الامان

http://www.nilemotors.net/Nile/showthread.php?t=30437

بعض العربيات فيها ABS على العجلات الأمامية فقط مما يزيد مسافة التوقف بنسبة كبيرة لو على سرعات عالية لكن يتيح للسائق توجيه السيارة مع إستعمال الفرامل القوية
بس مازال العجل إلي وراه بيتزحلق

وأعتقد دة إلي إنت شفته


Thanks
Eng.Sherif Shaker

[MTAK]

بعض العربيات فيها ABS على العجلات الأمامية فقط مما يزيد مسافة التوقف بنسبة كبيرة لو على سرعات عالية لكن يتيح للسائق توجيه السيارة مع إستعمال الفرامل القوية
بس مازال العجل إلي وراه بيتزحلق

وأعتقد دة إلي إنت شفته


Thanks
Eng.Sherif Shaker

بصراحة يا باشمهندس شريف لم اجد ورق يقول ان التيدا ABS على عجلتين و لا اربعة
و لكنى وجدت الجزء الخاص به خارج منه 4 اطراف(انابيب) اى اربعة مخارج
و سألت ناس فذكروا لى انه بذلك تكون على الاربع كاوتشات

و بالنسبة الى ما شهده الاستاذ احمد فبصراحة لست من الخبرة لاشرح له ما حدث و اسبابه
نرجو من متخصصى المنتدى شرح لنا ما حدث من وجهة نظرهم

[Ahmed Samy]

دي العربية كانت جديدة .....مش متبهدلة يعني !!
لو العيب مش هو اللي الباشمهندش شريف قال عليه يبقى فيه حاجة مش صح

[SAbuhashem]

طالما التيدا فيها ال-ABS على ٤ عجلات يبقى إلي حصل أكيد ليه تفسير تاني

أنا مخمخت شوية وقلت أكيد لو التيدا فيها EBD يبقى هو إلي سبب الزحلقة د من العجل

لأنه بيقيس توزيع وزن الأفراد داخل العربية ويبدأ يظبط توزيع الفرامل على كل عجلة وأكيد في عجلة واللا ٢ حيتزحلقو شويه على ما الكنترول بتاع ال-EBD يطبط توزيع قوة الفرامل

أما لو مفيهاش EBD وفيها ABS على ال-٤ عجلات وبتزحلق يبقى في الحالة دي العربية ممكن يكون فيها عيب صناعة والله أعلم


Thanks
Eng.Sherif Shaker

[bemocarlo]

متهيالي العربيه اللي فيها abs بيكون فيها ebd صح ولا انا غلط؟
bemo,ire

[mahamedaraby]

على فكره التيدا بجد فيها فرامل تحفه

ان كنت فى شارع الطيران وعربيه مرسيدس وقفت ادامى فجاه والله خلاص كنت هلبس فيها لولا الفرامل بتاعتها انا كنت لبست فى المرسيدس انا من قوه الفرامله كان ورايا bmw وقف زى بالظبط مفيش غير مسافه صغيره جدا يعنى كان هو كمان كان ممكن يخبط فيا وانا اللى هبقى فى النص بس الحمد لله ربنا ستر

انا الصراحه اللى الحاجات بحترامها فى التيدا فراملها

[monsif]

مش كل العربيات التيدا كده و دى حاله شاذه مش بيها هنحكم على عربيه محترمه ذى التيدا

[hossameg20035]

مش كل العربيات التيدا كده و دى حاله شاذه مش بيها هنحكم على عربيه محترمه ذى التيدا

كلام سليم جدا

[hesham2004]

ما تنسوش ان لو العربية اوتوماتيك ، الفرامل ممكن ما توقفش العربية على طول ، يعنى حتسحف شوية لما تدوس فرامل فجأة على السرعة العالية عشان الموتور بيكون لسه معشق م الترانسميشن و بيكون ال Rpm عالى ، بالأضافة ممكن ان السائق داس فرامل متاخر شوية ، و فى كل الأحوال فايدة ال Abs الأساسية هى منع الأنزلاق مش توقيف العربية فى مسافة قصيرة .

[tata12001]

من يومين كنت راجع على الطريق الزراعي الساعة العاشرة مساء تقريبا

و احنا داخلين على ميت غمر في شوية مطبات لذيذة كده

المهم بنتكلم انا وصاحبي و هوب ....

سمعنا صريخ عجل جاااااامد بصينا قدام لاقينا لانسر بوما على المطب تماما (شبه متوقفة) ومن ورا نيسان تيدا هاتشباك بتتزحلق لمسافة غير قصيرة و خطوط سودا طالعة من وراها و خلاص هاتلبس هاتلبس في اللانسر

و لكن سواق اللانسر تدارك نفسه بسرعة و داس بنزين و (جري)من وش التيدا اللي لبست المطب و هيا مفرملة و عدته كمان


كل ده حصل في خلال الثلاث او الخمس ثواني اللي لفت نظري و خلاني اعمل موضوع:
1 - سرعة بديهة سواق اللانسر اللي مضيعش الوقت في النظر للمراية علشان يشوف الصوت بتاع ايه ....الراجل سمع الصوت -داس بنزين

2 - و هو المهم .....مش التيدا دي عربية محترمة و فيها Abs برضه وللا أنا باسمع غلط

اصلها بصراحة نزلت من نظري خاااااااالص

Fee Tiida 5alegy mafehash ABS aslan , wa '3aleban el 2006, wa lawo da5altaha 7atla2y makan el lamba fe el tabloo bas mash betnawar , wa akeed el gehaz beta3 el ABS msh mawogood aslan. fa momken ely enta shoftaha de 5alegy.

[Ahmed Samy]

Fee Tiida 5alegy mafehash ABS aslan , wa '3aleban el 2006, wa lawo da5altaha 7atla2y makan el lamba fe el tabloo bas mash betnawar , wa akeed el gehaz beta3 el ABS msh mawogood aslan. fa momken ely enta shoftaha de 5alegy.

فعلا ممكن تكون زي ما حضرتك قولت

شكرا للتوضيح

[rafeee2]

Fee Tiida 5alegy mafehash ABS aslan , wa '3aleban el 2006, wa lawo da5altaha 7atla2y makan el lamba fe el tabloo bas mash betnawar , wa akeed el gehaz beta3 el ABS msh mawogood aslan. fa momken ely enta shoftaha de 5alegy.

I think that's the cheaper one from the below 2 (from ContactCars site):

1.6 H/B F/O A/T 126,100
1.6 H/B A/T 117,900

[hesham2004]

التيدا استاندرد Abs , Ebd من بداية تصنيعها الى الآن

[tata12001]

التيدا استاندرد Abs , Ebd من بداية تصنيعها الى الآن

el tiida el 5alegy el 2006 mafehash , ba3d keda kolo feha.