اشتري الصني 2013 ...من التوكيل ولا من المعارض ؟؟

[karimshady]

سلام عليكم....

أنا عندي سؤال....أنا إن شاء الله بفكر جديا إني اشتري الصني 2013 ...أنا كنت عند التوكيل النهاردة وقالوا لي احجز واستلم بعد 3 الشهر...الصراحة كتير شوية...أنا عندي سؤال...هل فيه معرض ممكن اشتري منه دلوقي من غير مدفع اوفر برايس كتير ؟؟...لو آه ...ممكن الاسم ؟؟
ولو لأ وإن شاء الله ناويت احجز...احجز من التوكيل ولا من معارض علشان استلم أسرع ...ولا سيان ؟

شكرا :))

[ahmedPJT]

للاسف يالتوكيل ب ١٠٠٠٠٠ يالمعارض باوڤر برايس

[kliken]

مشكله المعارض لو هيوفرهالك هياخد اوفر برايس كتير

[MohammedAladel]

احجز واستنى أفضل لك

[karimshady]

شكرا يا رجالة ..:)

[canner]

فى المعارض وصل الاوفر برايس لسبعة الاف جنيه خليك فى التوكيل احسن

[zezodapoor]

فى المعارض وصل الاوفر برايس لسبعة الاف جنيه خليك فى التوكيل احسن

فعلا انا شفت حتت وصلت ل 107 الف
بص انا جبتها يوم 26-06-2012 من عند معرض حبيبي ب 100500 جنيه بس ده كان معرفه جامده و كان عرضها علي 104

[szaalouk]

لو تقدر تستني حاول علشان حرام تدفع اوفر برايس
ياخدوه المعارض من دمك و كده كده العربيه مجرد ما علقت نمر ما حدش حايقولك انت دافع كام
هي تمنها 100 الف و يبدأ العداد يعد بالسالب كقيمه للعربيه .

و ربنا يوفقك لما فيه الخير لك .