مشكله في فتيس الصنى .... و ارجوا المساعدة

[soma5252]

السلام عليكم ورحمه الله وبركاته عليكم يا رجاله الصنى
كان عاندى مشكله بتحصل بس مش باستمرار هشرحهلكم سريعا
العربيه لما ببقى واقف مثلا على p واجى انقل على r او d اسمع صوت غريب اوى اكن حاجه هتتكسر او اكن بجيب غيار بالعفيه او نقله بالعفيه فانا بصراحه قلقان من الصوت ده لحسن يكون مشكله فالفتيس او فالتروس
وشكرا ....


تم تغيير العنوان طبقا للقاعدة 14 من قوانين المنتدى

يرجى إختيار عنوان يشرح بإختصار هدف الموضوع

مشرف ب2

[FBIAhmed]

يرجى الكشف على الفتيس

[Ahmed.TV]

اهدى يا بوحميد على الراجل الله يباركلك .. مفيش مشكلة ولا حاجة ان شاء الله

حضرتك احنا اتكلنا مليون مرة على الموضوع ده .. وفى موضوعات موجودة فى فهرس القسم المثبت باعلى القسم اللى محدش بيقراه

ونبهنا كذا مرة قراءت الفهرس ده مفيد ليكم وحيشيل اى قلق فى راسكم .. لان فى موضوعات فيها معلومات هامة جداااااا ..

اللى عندك على الوصف بتاعك مفهوش اى قلق ولا مشكلة .. حضرتك لما تنقل غيارك على الp وانت بتركن اوعى تشيل رجلك من على فرامل الرجل .. وارفع فى نفس الوقت فرامل الهاند بريك .. وبطل العربية
لان ساعتها العربية متعشقة على فرامل اليد وليس لوك الفتيس

ولما تيجى تدور العربية تانى وتنقل بقا من الp الى الr ثم الd مش حتلاقى التكسير اللى بتقول عليه ده خالص

جرب وتعالى قولنا ايه الاخبار

زى ما قولتلك .. رجلك متشلهاش من على فرامل الرجل .. وارفع فرامل اليد وشيل رجلك وايدك وجسمك كله من العربية .. ههههههههههههه

تحياتى ليك يا قمر

[Ahmed_selmy]

فعلا انا لما بنسى واشيل رجلى من على الفرامل وانا على الp وما اكونش رفعت فرامل اليد , لما اجى انقل من الp الى ال d فعلا بلاقى الغيار تقيل