السبع

[WalidAdel]

عايز اروح اتوكيل السبع ياشباب علشان اعمل صيانة ال 10000
اروحه ازاي
و هل اخش المعادي من الكورنيش ولا من الاوتوستراد

اخر حاجه بلاش اسامي شوارع يعني حمشي الاقي ايه كده يعني

معلش بقي حتعبكوا معايا :)

[loai-omar]

بص يا سيدي الفاضل

حضرتك حتيجي من الدائري نازل على المعادي

مدخل صقر قريش حتلاقي عنده بنزينة شل

حتسيبه و تفضل ماشي على طول

لحد ماتلاقي شرطة عسكرية على اليمين

حتنزل من عندها و تلف و ترجع

حتلاقي علامات للوصول ل نادي دجله

حتمشي على طول زي مانتا حتلاقي فودافون على يمينك

كمل على طوووووول لحد نادي دجله بعديه ب 300 متر و حتلاقي علامات ارشاديه

يارب اكون حاولت اساعدك

[WalidAdel]

ياباشا شاكرين لسعتك
و السؤال بقي التوكيل فاضي ولا لازم اروح بدري و بالتالي اصحي بدري

[loai-omar]

انا تحت امرك يا وليد باشا

انا عمري مارحت و كان زحمه

بس لكي يطمئن قلبك

كلم المهندس شريف مهندس الاستقبال هناك و خليه يحددلك ميعاد

0120240614

هما بيقفلوا 5

[WalidAdel]

شكراً ليك يامعلم

[Ashraf A.Kader]

بص يا باشا انا كنت هناك امبارح لصيانة ال20000 والطريق كالاتي بالتفصيل الممل
زي مقال الاستاذ لؤي بعد صقر قريش علي الدائري حتلاقي بنزينة وطنية علي الشمال ابتدي امسك يمينك لحد متلاقي نزلة يمين عليها يافطة(وادي دجلة) انزل فيها وخد اول منحني بعد النزول(u Turn)
وامشي حضرتك علي طول وعدي اسفل نفق الدائري وعلي طول حتلاقي فودافون علي يمينك عديه لحد متلاقي جامع كبير في وشك ادخل الشارع بعد الجامع وتاني شمال علي طول حتلاقيه طريق مكسر السبع بعد حوالي 200 متر
مش لازم حضرتك تتصل ولا تحجز عمري محجزت في كل المرات اللي رحتها

[WalidAdel]

هوه الواحد ممكن ينفض للصيانات الصغيره دي ولا لازم يعملها

[loai-omar]

وليد اوعا تنفض لاي صيانه

عشان تريح دماغك بعد كده

[WalidAdel]

انت رايك كده اصلي لما روحت مودرن موتورز
عرفت ان الناس دي بتقرفنا علشان احنا اشترينا العربيه دي
روحت الساعه 9 كنت رقم 80 مثلاً و العربيه دخلت 2:30 و روحت البيت 5:30 حاجه كده يعني كنت قاعد بفقر في التوكيل و اليوم راح علي كده لذلك انا بسال علي التوكيل الفاضي و بعدين الصحيان بدري دي متعبه اوي كمان
بس يعني بس إن شاء الله الامل كبير في السبع

[Ashraf A.Kader]

طبعا الكلام ده مضبوط انا كل مرة باروح الصيانة باحس بعدها ان العربية حاجة تانية ومن حسن حظنا ان مركز السبع من احسن مراكز النيسان في مصر
امبارح كنا قاعدين في الاستراحة وكان معايا ناس محترمة جدا وقعدنا نتسامر في الموضوع ده وبالصدفة كان فيهم ناس جربوا مراكز تانية زي طمودرن موتورز والعوضي وغيرهم لكنهم كلهم اجمعوا علي مركز اليبع كاحسن مركز لصيانة النيسان
اول متوصل اسال علس المهندس محمد عمر شاب لذيذ بنظارة واضرب معاه صحبية وشوف اللي حيحصل
وعقبال صيانة ال100000

[Ashraf A.Kader]

حبيبي من اول متسلم العربية لحد متستلمها هما ساعتين وحتشوف كل حاجة بتتعمل في العربية من الاستراحة واشرب اللي نفسك فيه وعندك تليفزيون لو كييف

[WalidAdel]

بمناسبة العوض اللي في الاوتستراد انا مجرتهمش صراحه بس انهارده روحت كده قولت يمكن يكون فاضي و لافعل لكن لقيت كله بنات في الرسيبشن و الكاشير قولت عادي المهندس زمانه جاي يستلم مني العربيه لقيت وحده جايه تستلم مني العربيه
سالتني صيانه كام قولتلها 10000 و الزيت
كتبت زيت و فلتر فسالتها اشمعنا فلتر انا ليسه مغيره في الخمسه قالتلي لازم تغير الزيت مع الفلتر و عمر الزيت هوه اللي بيحدد عمر الفلتر فلاقيتها بتحور قولتلها طيب ماشي و مشيت

[ashrsy]

وليد باشا موش مفروض انك مغير زيت لما العربية كملت 5000 كم وبعدين الزيت بيتغير بعد 10000 كم من اول استخدام يعنى المفروض تغيره لما العربية تكمل 15000 كم وبصراحة دا كلام الناس بتوع مودرن لماكنت عندهم من حوالى 3 شهور وانا باعمل صيانة ال5000 كم وفهمونى ان المرة الجاية عند صيانة ال10000 كم موش هيبقى فيه تغيير للزيت او الفلتر اطلاقا وبصراحة بالرغم من الزحمة والانتظار الطويل عندهم الا انهم موش بتوع بيع ومكسب وخلاص زى الجماعة بتوع العوضى وغيرهم
وربنا يوفقك مع تحياتى
م/ اشرف

[sab3aawy]

يا شباب انا رايح السبت ان شاء الله صيانة 15000 ألف السبع زهراء المعادى

لو حد ناوى عيمل صيانة يوم السبت ممكن نروح مع بعض

[WalidAdel]

والله يا اباشا كان نفسي اجي معاك لكن مش عايز اقولك جاي و يطلعلي مشوار و مجيش
فمش عارف الصراحه