هستلم امتى حقيقى انا زهقت "صنى الجديدة"

[Dr_MaTrix]

السلام عليكم يا احلى شباب فى الدنيا

احب اهنى كل اللى استلموا العربية ويا رب يبارك لكم فيها ويكفيكم شرها

دلوقتى مشكلتى انا لحد دلوقتى ما استلمتش العربية ومش عارف هستلمها امتى كل اما اروح السبع فى

المنصورة يقولى والله يا باشا لسه شوية ما استلمناش عربيات والمصنع ما بيسلمناش وحاسس انه

بيشتغلنى صراحة............. فهل فعلا المشكلة بتاعت الحجوزات دى لسه موجودة يعنى انا عند السبع رقم 17

وكل قايمة الانتظار 26 واحد..... ولحد دلوقتى عاوز يقنعنى انه ما استلمش ولا عربية من بعد العيد طب ازاى

والمصنع ضاعف انتاجه وبيشتغل جمعة و سبت كمان ............. انا حاجز من 30/6

[zambarota]

السلام عليكم

اولا انت تتبع الاسلوب السليم

تروح بكره الصبح تتصل بنيسان وتوصل لقسم الشكاوي وترفع شكوي بكل الى حصل

ميعاد الحجز والفرع الى حجزت فيه وتسرد ليهم مشكلتك كلها

وتستنى ال ٧٢ ساعه بتوعهم بس كل يوم تتصل تزن عليهم علشان تعرف هما وصلو لايه

وربنا يصبرك

واعرف ان العربيه دي عامله زي الجوازه لو مقسومالك هاتخده

ا

[szaalouk]

ربنا يصبرك و يوفقك لما فيه الخير لك

[Dr_MaTrix]

السلام عليكم

اولا انت تتبع الاسلوب السليم

تروح بكره الصبح تتصل بنيسان وتوصل لقسم الشكاوي وترفع شكوي بكل الى حصل

ميعاد الحجز والفرع الى حجزت فيه وتسرد ليهم مشكلتك كلها

وتستنى ال ٧٢ ساعه بتوعهم بس كل يوم تتصل تزن عليهم علشان تعرف هما وصلو لايه

وربنا يصبرك

واعرف ان العربيه دي عامله زي الجوازه لو مقسومالك هاتخده

ا

انا فعلا اتصلت مرة امبارح ومرة النهاردة وقالوا هنرد عليك بكرة وانا عارف ان ما حدش هيرد ولا حاجة بس انا وراهم وشكرا لاهتمامك

[Dr_MaTrix]

ربنا يصبرك و يوفقك لما فيه الخير لك

اللهم امين .......شكرا لمرورك

[saint2011]

الصبر مفتاح الفرج

[kliken]

ان شاء الله تستلم على خير

[zezodapoor]

يا باشا من الاخر، انا اشترت العربية يوم 24-06 و من غير و لا يوم حجز، و 99900 ولا جنيه زياده، بس عشان عندي معرفه جامده في التوكيل...
التوكيل من الاخر بيبيع دلوقتي للتجار بـ 103 و 104 الف، فيبعهالك ليه بـ 100، و العربية وصلت بره لـ110 (و الله في حتت) و استلام فوري
و الناس الي حاجزه بـ 100 مش هتسلمها دلوقتي خالص بس كل شوية كده هيسقتوا واحده و لا اتنين للعملاء
مش عايز احبطك بس هو ده الي بيحصل، يا تشتريها غالية و فوري (و انا استحرم العربية توبها 100) يا تستني لو مش مستعجل...

[saint2011]

شوف حضرتك متستعجلش وأصبر عشان فى حاجات بتحصل غريبة شويه فى موضوع العربيه يعنى مثلا فى ناس بتستلم العربية ببطارية سائله وناس بتستلم ببطاريه جافة وفى كمان مشكلة عدم توافر قطع الغيار فصبرا لأن الموضوع بصراحة مقلق جداااا

[Dr_MaTrix]

ان شاء الله تستلم على خير

امين وشكرا على اهتمامك

يا باشا من الاخر، انا اشترت العربية يوم 24-06 و من غير و لا يوم حجز، و 99900 ولا جنيه زياده، بس عشان عندي معرفه جامده في التوكيل...
التوكيل من الاخر بيبيع دلوقتي للتجار بـ 103 و 104 الف، فيبعهالك ليه بـ 100، و العربية وصلت بره لـ110 (و الله في حتت) و استلام فوري
و الناس الي حاجزه بـ 100 مش هتسلمها دلوقتي خالص بس كل شوية كده هيسقتوا واحده و لا اتنين للعملاء
مش عايز احبطك بس هو ده الي بيحصل، يا تشتريها غالية و فوري (و انا استحرم العربية توبها 100) يا تستني لو مش مستعجل...

[color="rgb(153, 50, 204)"]يا عم انا مش هدفع ولا مليم زيادة فيها المشكلة لا تغلى ويقولى لازم تدفع بالسعر الجديد[/color]

شوف حضرتك متستعجلش وأصبر عشان فى حاجات بتحصل غريبة شويه فى موضوع العربيه يعنى مثلا فى ناس بتستلم العربية ببطارية سائله وناس بتستلم ببطاريه جافة وفى كمان مشكلة عدم توافر قطع الغيار فصبرا لأن الموضوع بصراحة مقلق جداااا

ا[color="rgb(153, 50, 204)"]دينا مستني وربك يقدم اللى فيه الخير........... طب بالنسبة لموضوع البطارية دى فيها مشكلة كبيرة يعنى سواء سايلة او جافة...وهى فى كلتا الحالتين عليهم ضمان[/color]

[saint2011]

هو حضرتك الأثنين عليهم ضمان بس مينفعش نبقى أحنا الأتنين دفعين نفس الفلوس فى عربية واحدة وحضرتك تأخد حاجة فى عربيتك أفضل من أللى انا واخدها

[ahmed452003]

انا فعلا اتصلت مرة امبارح ومرة النهاردة وقالوا هنرد عليك بكرة وانا عارف ان ما حدش هيرد ولا حاجة بس انا وراهم وشكرا لاهتمامك

الشكاوي دي ضحك على الدقون ولابيعملوا اي حاجه هيقولولك بكره وبعد كده بعدوا طيب اصوا احنا مش جهة حل .... ده الي حصل معايا انا حاجز من 27 / 6 وهصبر لغايه يوم 20 مستلمتش هلغي وبلاها نيسان بجشع ونصب الموزع والمصنع كلهم حراميه

[Ahmed.TV]

ممكن تبعتلى اسم حضرتك يا دكتور وبياناتك ورقم تليفونك ورقم الوصل .. على الخاص .. وانا ححاول اشوف حد يعرف حد فى فرع المنصورة ..

[Dr_MaTrix]

هو حضرتك الأثنين عليهم ضمان بس مينفعش نبقى أحنا الأتنين دفعين نفس الفلوس فى عربية واحدة وحضرتك تأخد حاجة فى عربيتك أفضل من أللى انا واخدها

الموضوع شكله على حسب المتوفر سايلة شوية وجافة شوية ربك يستر والله اصلى مش عارف عدت متشائم من الموضوع كله .......... ولسه واحد مكلمنى من ادارة السبع فى القاهرة قالى قدامك اسبوعين بالكتير ...

[Dr_MaTrix]

ممكن تبعتلى اسم حضرتك يا دكتور وبياناتك ورقم تليفونك ورقم الوصل .. على الخاص .. وانا ححاول اشوف حد يعرف حد فى فرع المنصورة ..

شكرا جدا با ا/احمد فعلا على تعبك معانا وهبعت لك البيانات حالا على الخاص....... جزال الله كل خير على مساعدتك لينا