تقرير عن الصني 2013 الخليجي (سوبر صالون)

[wella3330]

السلام عليكم
اولا انا حبيت انقل لكم ملامح الصني الجديدة الهاي لاين او السوبر صالون كما تسمي في مصر مع العلم ان يوجد فئتين هنا فقط بيز لاين و هاي لاين .

لكن احب اوضح اهم الفروق بين البيز لاين هنا و التي يتم تجميعها حاليه في مصر:

1. الخليجي بتنزل بنفس لوحة العدات الي بتنزل في مصر
2. الكاوتش 185-65 و ماركة بيرجستون
3. لا يوجد بالخليجي مروحة التكييف الخلفية
4. لا يوجد ايضا مسند اليد او حامل الاكواب في الكنبة الخلفية
5. لا يوجد فوج لايت (فوانيس ضباب امامية)
6. لا يوجد جنوط اسبور او سبويلر
7. سعر البيع 50 الف درهم اماراتي

في المجمل نجد ان الخليجي فقيرة جدا من الداخل و المجمعة في مصر افضل منها في كل شيء ما عدا السعر طبعا.

نيجي بقي للهاي لاين اللي بتتميز بالاتي:

1. لوحة عدادت ليد كما في الصورة
   
2. يوجد تحكم في الطارة و بلوتوث
   
3. جنوط رياضية كما بالصورة و لا تغير في نوع او مقاس الكاوتش
   
   
4. فتحات التكيف الامامية في المنتصف فقط اصبحت مربعة بدلا من دائرية
   
5. يوجد 2 حساسات ركن في الخلف فقط (باركنيج سنسور)
   
6. يوجد اضواء في المرايات الجانبية
   
7. طبعا الوكر الداخلية و الخارجية من النيكل
8. الاسبويلر الخلفي
   
9. مروحة التبريد للكنبة الخلفية
10. مسند الاكواب الخلفي
11. فوج لايت امامي

و اترككم مع الصور

[ahmed452003]

تقرير ومجهود اكثر من رائع ... بس التكيييف مش المفروض يكون تاتش ؟

[dr_hassan1eg]

كويس جدااااااااااااااااااا
كلها حاجات مش اساسية واى واحد اشترى البيزلاين زى حالاتى يقدر يركبها فى عربيته

[wella3330]

تقرير ومجهود اكثر من رائع ... بس التكيييف مش المفروض يكون تاتش ؟

لا يوجد تكييف تاتش و لا start/ stop
لان حسب كلام مندوب نيسان ان السعر هيرتفع و بالتالي هيكون غير منافس و قريب من سعر الالتيما

[SonaSteel]

لا يوجد تكييف تاتش و لا start/ stop
لان حسب كلام مندوب نيسان ان السعر هيرتفع و بالتالي هيكون غير منافس و قريب من سعر الالتيما

هههههههههههههههههههههههههه لا تعليق
حسبي الله ونعم الوكيل :))

[Ahmed.TV]

الاسعار والمواصفات اللى بيتكلم عليها صاحب الموضوع يا شباب بره مصر عشان بس الناس اللى مش واخدة بالها

تسلم علىا لتقرير الجميل ده .. وبصراحة انا مقتنع ان التقفيل المصرى افضل من التقفيل الهندى عموما ومن اللى بتنزل الخليج

بس ياريت هما هنا ينزلوها بكاوتش بريدج ستون

[Youssef.Awad]

شكرا ع التقرير المميز والصور ..

واضيف على كلام حضرتك انها بتنزل السعودية ب3 فئات كلها اتوماتيك
الاولى: بيز لاين نفس المواصفات المذكورة ب51 الف ريال
الثانية: نص فل بدون اشارات المرايات وحساس الركن والتابلوه المعدل وسبويلر وتحكم من الدركسيون ومروحة تكييف خلفية ب53 الف ريال
الثالثة: فل كامل نفس مواصفات السوبر صالون بالصور ب57 الف ريال

[wella3330]

هههههههههههههههههههههههههه لا تعليق
حسبي الله ونعم الوكيل :))

معاك حق تضحك لان سعر الصني الهاي لاين هنا 60 الف درهم و سعر الالتيما يبدا من 72 الف درهم اماراتي :))

تحياتي

[szaalouk]

معاك حق تضحك لان سعر الصني الهاي لاين هنا 60 الف درهم و سعر الالتيما يبدا من 72 الف درهم اماراتي :))

تحياتي

اللهم إني لا اسألك رد القضاء و لكن أسألك اللطف فيه

[zangry]

شكراا على التقرير الممتاز ده

[hossam_elwani]

اه يادماغى من الاسعار

[S O P H O S]

ما شاء الله
مجهود ممتاز ..

[Ahmed_selmy]

تشكر على التقرير, عقبال ما نشوف تقرير عن الصنى السوبر صالون المصرى