صنى الشكل القديم زيرو أوتوماتيك منين ؟

[MoustDash]

السلام عليكم

عايز اعرف اماكن بيع الصنى الشكل القديم يا جماعه لأن المفروض انها موجوده ولما اتصلت بخدمة عملاء نيسان اكدولى انها موجوده بس انا مش لاقيها خالص

طبعا بتكلم على موديل 2012 زيرو لو حد عنده فكره يا ريت يقولى فين المكان فى اسكندرية او القاهره وسعرها كام اتوماتيك

شكرا

[sanhory]

انا شفتها واقفة زيرو في معرض جمب مطار الماظة

و انت جاي من طريق السويس وبعد ما تخش من بعد الكوبري يمين الشارع اللي بيواديك على موقف السوبر جيت في فالشارع ده و انت ماشي معرض او 2 على ايدك الشمال , انا شفتها هناك زيرو بس الكلام ده من اسبوع مثلا

و ربنا يوفقك ان شاء الله

[elnady_1987]

انا فعلا شوفتها هماك فعلا وسالته قالى ب100000ج وبالعافية قالى هينزل 500ج فى السعر

[MohammedAladel]

طيب خد بالك السعر دا للعادية ولا السوبر صالون وهى أصلا وقت ما كانت بتنزل كانت بكام ؟

أصل بصراحة الصنى الجديدة شكلها مش قوى يعنى

[MoustDash]

انا شفتها واقفة زيرو في معرض جمب مطار الماظة

و انت جاي من طريق السويس وبعد ما تخش من بعد الكوبري يمين الشارع اللي بيواديك على موقف السوبر جيت في فالشارع ده و انت ماشي معرض او 2 على ايدك الشمال , انا شفتها هناك زيرو بس الكلام ده من اسبوع مثلا

و ربنا يوفقك ان شاء الله

شكرا لمساعدتك جدا بس العنوان دا عايز كتالوج انا من اسكندرية
بس هوصلو ان شاء الله . متشكر جدا

[MoustDash]

انا فعلا شوفتها هماك فعلا وسالته قالى ب100000ج وبالعافية قالى هينزل 500ج فى السعر

اهو دا عيبه . سرقه عينى عينك . بس لو سوبر صالون يبقى تمام بس معتقدش انها سوبر اصلا

طيب خد بالك السعر دا للعادية ولا السوبر صالون وهى أصلا وقت ما كانت بتنزل كانت بكام ؟

أصل بصراحة الصنى الجديدة شكلها مش قوى يعنى

معتقدش انها سوبر لانها لو سوبر كان طلب اعلى

ربنا يسهل واوصل لحد تانى ميكنش حرامى

[szaalouk]

العربيه بالحجز هي كمان و ده اللي قالوه في اوتو ايجبت لكن التسليم بعد قد ايه
بصراحه ما سألتش لأني كنت بحجز الشكل الجديد .

[ola abdellatif]

انا حاجزها عند السبع من ثلاث اسابيع والمفروض استلم الاسبوع ده على خير ان شاء الله

[ola abdellatif]

ب 96000

[tarekmomo]

اكيد مش سوبر صالون انا اخر سعر سمعتة 103000 للسوبر صالون