احتياطى تانك بنزين الصنى الجديدة

[dr_hassan1eg]

امبارح وانا ماشي عند العبور نورت لمبة البنزين
.
.
انا عارف انها حاجة هايفة وحدش بياخد باله منها
لكن فعلا مكنش فيه ولا بنزينة على طريقى
وطبعا كنت ماشي على اعصابي
لقيت بنزين 90 بس مرضتش احط منه

المهم ربنا سهل وبعدها ب 20 ك لقيت واحده


السؤال
حد جرب يمشي على احتياطى التانك لحد ما خلص؟؟؟
يعنى .... حد يعرف احتياطى تانك العربية دى ممكن يمشي مسافة او وقت قد ايه؟؟؟

[saint2011]

طمنا يا دكتور حسن صلحت العربية فى أتو إيجيبت وأخبارها ايه بعد الأصلاح وكل حاجة رجعت مكانها تمام يعنى ودفعت كام بالضبط

[dr_hassan1eg]

اه الحمد لله استلمتها امبارح
ولسه راجع من التامين حالا
وان شاء الله هكتب القصة بس افوق

[the_air_devil]

احتياطي اللمبة يمشيك من 40 إلى 70 كيلو حسب نمط استهلاك البنزين (زحمة أو طريق سريع مع تكييف أو من غير ) ... أول ماتلاقي العداد بيقوللك البنزين يمشيك 20 كيلو ... بعدها بحوالي عشر دقايق هاتلاقيه اداك المنظر ده (.....) .... وفي الآخر هاتكتشف ان العربية فيها 4 لتر على الأقل !!!!!!

أنا سافرت اسكندرية ورجعت ورحت شغلي ومشيت اكتر من 80 كيلو تانيين في الزحمة ومشغل التكييف واستهبلت لحد مادتني (....)... تقريباً كانت هاتصوت وتلطم , بعد كدة الاقي نفسي حطيت 36 لتر بس في المحطة !!!!

[dodyam]

بعد ما استلمت اتمشيت بيها شوية علشان اتعود على الاوتوماتيك
المهم روحت فولت التانك فى محطة الامارات لقيتها اخدت بـ 78 جنيه بنزين 92 = 42.16 لتر استغربت طبعا لانى عارف ان تانكها 41 لتر بس
فقولت أكيد علشان العامل فول لحد الزور
متهيألى الافضل بعد كده انى افول لغاية تكة المسدس

[د.هشام]

بعد ما استلمت اتمشيت بيها شوية علشان اتعود على الاوتوماتيك
المهم روحت فولت التانك فى محطة الامارات لقيتها اخدت بـ 78 جنيه بنزين 92 = 42.16 لتر استغربت طبعا لانى عارف ان تانكها 41 لتر بس
فقولت أكيد علشان العامل فول لحد الزور
متهيألى الافضل بعد كده انى افول لغاية تكة المسدس

الموضوع دا غريب جدا, يعني عربيتك ماكنش فيها ولا نقطة بنزين!!!!!!
متأكد ان عداد البنزين كان متصفر قبل ماتمون؟

[zambarota]

ايوه العربيه تانكها مش 41 لتر بالظبط

العربيه تانكها بياخد حوالى 42 لتر وشويه وممكن 43 لتر

[dodyam]

الموضوع دا غريب جدا, يعني عربيتك ماكنش فيها ولا نقطة بنزين!!!!!!
متأكد ان عداد البنزين كان متصفر قبل ماتمون؟

أيوة و هو فعلا غريب

[Bishoy.Girgis]

أولا الف الف مبروك استلام العربية من التوكيل و منتظرين التقرير

نصيحة متستناش ان لمبة البنزين تنور و تمشي بالعربية لأن بيبقي في رواسب في البنزين بتكون متكتلة في اخر التنك فيفضل ان تمون العربية قبل الوصول للحد ده عشان متسدش حاجه في دورة البنزين للعربية

[hassaan_handom]

مبروك استلام العربية من الصيانة
ونرجو شرح عما حدث لاننا كلنا كنا متضامنين مع سيادتك
وياترى لسة غضبان من الصيانة ولا كلة تمام

[dr_hassan1eg]

اولا شكرا لتضامنكم
الحمد لله استلمت العربية فى الموعد المحدد من اوتو ايجبت
مش عاوز ابخس الناس حقهم
لهم ايجابيات وسلبيات
الايجابيات
الناس كانوا ملتزمين بالموعد
شغلهم كويس من حيث البودى
غيروا ضهر الشنطة ب 500
غطاء الشنطة 675 (التامين رفض اعتماده لكن انا قررت اتحمل تمنه لانى مش عاوز معجون يتحط فى العربية)
الاكصدام الخلفى 510
طبعا الرش محترم جدا ذى الفبريكة تمام وكمان رشوا الاكصدام الامامى وانا قولتلهم اعتبره من مناقصة التامين لان التأمين كان مديهم مصنعية دهان عالية !!!!
طبعا استقبال محترم ومكان شيك

السلبيات
اولا كلمت المهندس وانا رايح واكدت عليه انى استلم وامشي على طول عشان الحق اروح التامين لكن اتاخرت لحد 2 ونص
كان فيه اتفاق مع المهندس نخرج نجرب العربية لكن هو قالى انى اجربها ولو فيها حاجة ابقى كلمنى
المهندس المسئول عن عربيتى م كريم راجل محترم بس لاحظت انه مشغول باكتر من جوب فى نفس الوقت وده خلاه مش مركز اووى
اكتر حاجة مضيقانى
الشكمان عامل فرح وانا مشاي بالعربية رغم انى اكدت عليهم الموضوع ده
لمبه الستوب اللى على الزجاج الخلفى فاصلة!!!!!
طبعا منزلتش تحت العربية لكن مهندس التامين نزل تحتها عشان يعيان الاصلاح وقالى هم مش مغطيين اللحامات ولا منضفين مكانها خالص

طبعا انا عارف انها حاجات ممكن تتعمل
لكن للاسف انا مشوار ابو رواش من عندى فى الشرقية متعب جداا وفيه عطله كبيرة لشغلى وخسارة بالنسبة ليا

بصراحة مش عارف اعمل ايه؟؟؟

لكن فى النهاية احب اشكر اوتوايجبت لكل الايجابيات اللى عملوها معايا

اه انا دفعت اجمالى المبلغ 5073