مشكلةالسرعة في نيسان صني 2012

[mi22do]

السلام عليكم ,,,
صديق لي بالعمل لدية مشكلة في النيسان صني و هي انه في الطرق السريعه لا تزيد السرعه عن 140 كم/ساعه باي حال من الاحوال بالرغم من انه بيدوس علي الاخر و السيارة موديل 2012
يا تري ممكن يكون ايه المشكلة , و هل هي مشكله عامه في النيسان ام لا ؟؟

[FBIAhmed]

ال rpm بيوصل لكام اخره قبل ما يفصل

[mi22do]

ال rpm بيوصل لكام اخره قبل ما يفصل

rpm بين 2250 الي 2500

[FBIAhmed]

1- نضف فلتر الهوا

2- حطها على الكومبيوتر و شوف حساس الماف اخباره ايه

[abono]

باشا سلام عليكم:

العربية دى فعلا عايزة تتحط على الكمبيوتر و انصحك بأوتو إيجيبت

و شكرا

[mi22do]

العربية دخلت فعلا التوكيل (السبع) واتحط علي الجهاز و دايما يعـطي ok
والعربيه بقالها حوالي 9 شهور معقول فلتر الهواء يكون به مشكلة ؟

[szaalouk]

جرب نفض الفلتر في المحطه بكومبرسور محترم و لو استجاب و اتحللت المشكله ابقي غير الفلتر بعد كده

[Land_Cruiser]

انا تقريبا شفت صاحب المشكله امبارح فى السبع و عربيته سوداء اللون حتى و هو كان لابس تى شيرت مقلمه ازرق فى ابيض:) الواحد حفظ الناس من كتر القعده. رأيي انه لو شاكك ان العربيه فيها حاجه و طالما سمع رأى توكيل يبقى يروح على توكيل تانى زى اوتو ايجيبت و يشوف هيقوله ايه و يقارن الكلام ببعضه. انا بصراحه ما اعتقدش ان العربيه فيها حاجه و احتمال يكون البنزين مش كويس مثلا فممكن يجرب يحط من بنزينه تانيه علشان يبعد احتمال البنزين و ينظف فلتر الهواء. هو انا بس عندى نصيحه بصرف النظر عن المشكله و كنت هاقولها امبارح بس مسكت نفسى علشان ما يزعلش من كلامى و هى ان الطرق بتاعتنا مش بتاعه فوق ١٤٠ و اخرها ٨٠ او ٩٠ و بعدين انا مش عارف خبرته فى السواقه بس السرعات العاليه علشان تيجى محتاجه مسايسه للعربيه و الموضوع بيتوقف على عوامل كتيره منها طبيعه الطريق و مقاومه الهواء و ممكن كتجربة بسيطه يخللى حد تانى يقرص على العربيه و يشوف اخرها ايه علشان يطمن بس و زى ما قلت قبل كده بعد ما يطمن مفيش داعى للسرعات العاليه لان طرقنا ما يعلم بيها الا ربنا و ربنا يستر على الجميع

[Youssef.Awad]

بصراحة فعلا طرق مصر لا تتحمل اكتر من 120-130 كم/س بأى حال من الاحوال
وهذا ليس عيبا فى أى عربية ولكن عيوب جسيمة فى انشاء الطرق فى مصرنا الحبيب ..
وطبعا العربية كده فيها مشكلة اكيد لأن الشكوى غالبا ما تكون لا تسارع اكثر من 160 وليس 140 !!!
والعيب ممكن يكون مزدوج يعنى بشرى من السائق وطريقة سواقته ومادى من العربية وطريقة النقلات (المانيوال غير الاتوماتيك طبعا) ولازم الموتور يتاخد واحدة واحدة يعنى محتاج يتفتح ويتقرص عليها بالتدريج وليس بطريقة الكبس كما وضحت

[kliken]

انا رأى ايضا من رأى الاعضاء فى انه يكشف فى توكيل تانى
و ان شاء الله تكون بسيطه

[mi22do]

انا تقريبا شفت صاحب المشكله امبارح فى السبع و عربيته سوداء اللون حتى و هو كان لابس تى شيرت مقلمه ازرق فى ابيض:) الواحد حفظ الناس من كتر القعده. رأيي انه لو شاكك ان العربيه فيها حاجه و طالما سمع رأى توكيل يبقى يروح على توكيل تانى زى اوتو ايجيبت و يشوف هيقوله ايه و يقارن الكلام ببعضه. انا بصراحه ما اعتقدش ان العربيه فيها حاجه و احتمال يكون البنزين مش كويس مثلا فممكن يجرب يحط من بنزينه تانيه علشان يبعد احتمال البنزين و ينظف فلتر الهواء. هو انا بس عندى نصيحه بصرف النظر عن المشكله و كنت هاقولها امبارح بس مسكت نفسى علشان ما يزعلش من كلامى و هى ان الطرق بتاعتنا مش بتاعه فوق ١٤٠ و اخرها ٨٠ او ٩٠ و بعدين انا مش عارف خبرته فى السواقه بس السرعات العاليه علشان تيجى محتاجه مسايسه للعربيه و الموضوع بيتوقف على عوامل كتيره منها طبيعه الطريق و مقاومه الهواء و ممكن كتجربة بسيطه يخللى حد تانى يقرص على العربيه و يشوف اخرها ايه علشان يطمن بس و زى ما قلت قبل كده بعد ما يطمن مفيش داعى للسرعات العاليه لان طرقنا ما يعلم بيها الا ربنا و ربنا يستر على الجميع

اة تقريبا هو اللي كان هناك :)) - الدنيا طلعت صغيرة اوووي

[mi22do]

طيب يا جماعه حد ينصحني في موضوع تفتيح الموتور بيكون ازاي في السيارة الاتوماتيك؟

[Land_Cruiser]

طيب يا جماعه حد ينصحني في موضوع تفتيح الموتور بيكون ازاي في السيارة الاتوماتيك؟

بص حضرتك على الموضوع ده

http://www.nilemotors.net/Nile/307437-a.html

حضرتك هتخليه ينقل الغيارات على RPM عالى يعنى يأخر النقله زى ما بيقولوا و علشان تخلى ال RPM ينقل على 4 او اعلى فى الاتوماتيك هيحتاج يدوس على زرار ال over drive و طبيعى ان لما عدد لفات الموتور يبقى اعلى ان صوت الموتور هيعلى و كمان استهلاك البنزين و خليه يجرب فى الاول بدون تشغيل التكييف

[_hema]

انا كانت مسافر الساحل الشمالى فى اخر اغسطس وف طريق العلمين العربيه مجبتش اكتر من 160 كم وانا دايس على الاخر والار بى م وصل 6 وعداه واما بسال فى توكيل السبع قالى الاوتوماتيك دا اخرها اما بقيت هاتجنن ومش عارف اعمل ايه فى المشكله قلت لنفسى 128 كنت بجيب بيها 140 او 150 احيانا وابنيسان دى سرعتها وقالوا كما ده عشان امان السياره زى مثبت السرعه والله اعلم
العربيبه 2011

[mi22do]

احنا طلعنا جربناها النهاردة علي طريق العين السخنة و فعلا حاجه غريبه مش راديه تعدي 140 باي شكل و خليته يجرب زرار الاوفر درايــف و دة وصلنا لـ 160كم/ساعه تقريبا علي rpm 6000