Tweet
تقرير استلام الصنى 2013
السلام عليكم ,
الحمد لله استلمت انهاردة الصنى الجديدة . اليوم بدأ بمشوار للبنك لتجهيز المبلغ 95 الف ( تم دفع 5 الاف عند الحجز) وصلت المعرض الساعة 10 لاقيتها مستنيانى (العربية) :) .. دخلت لمدير المبيعات كان لسة شغال فى ورقها مكانش جاهز فضلت قاعد لغايت الساعة 11 و نزلت بصيت على العربية و اطمنت عليها و عملت check على النقط اللى فى الموضوع ده (http://www.nilemotors.net/Nile/308039-a.html) و اتأكدت ان البطارية جافة (chloride) و الكهرباء قطعت و هما بيطبعوا الورق :) بس الحمد لله الورق جهز على 11:15 . الورق عبارة عن ( شهادة الملكية - المبايعة او خطاب المرور -خطاب تخصيص - ايصال استلام - و كتيب الضمان بس ده استلمتوا بعد ما طلعت الرخصة و صوروها ) اخدت الورق و طلعت انا و عم على (مندوب فى الشركة عشان يخلص ورق المرور) و اتضح ان الراجل ده اشهر واحد فى مرور ابيس بداية من البوابة لحد المهندس سلم على ما يقل عن 150 شخص :) ... مصاريف المرور كانت 15 جنيه لمهندس الفحص و 15 تانية ورق ترخيص بملاه و 320 جنيه تأمين و 140 طفاية ( المفروض 121 بس بدفع 20 زيادة و استغنى عن المثلث و شنطة الاسعاف اللى سعرهم 75 تقريبا) و 45 جنيه ملف و 780 ضريبة و 5 جنيه للى بيسلم النمر و 10 جنيه للى بيركبها (بخصوص تركيب النمر العربية من قدام فيها مكان جاهز للنمر بس من ورا هو حيحفر بس متخدوش حاجة بسيطة جدا و نسبة الحطأ فيها صفر يعنى ) دى المصاريف اللى فكرها لغايت دلوقنى .. استلمت الرخصة بسرعة رهيبة بفضل عم على الموضوع كله اخد ساعة و ثلث تقريبا .. و طلعت على البنزينة فولت (التانك اخد 37 لتر ) و اللمبة كانت منورة و عاملة الشكل ده (.....) ف تقريبا و هى منورة بيبقى فيها حوالى 5 لتر .. و تم ضبط هوا العجل فى البنزينة .. و رجعت المعرض اديتهم الرخصة صوروها و استلمت الضمان و المفروض اتصل ب 16244 عشان افعل الضمان و بديهم رقم الشاسيه و الموتور ... خلصت كل حاجة و اخدت العربية لوحدى و انطلقت ... قلت ادور على حد عشان افرش العربية كان فى دماغى 2 ( واحد فى السلطان حسين و واحد فى سموحة (سعيد نصار) ) قلت اروح سموحة اقرب .. رحت سألت على جلد بيج (العربية برونزى و الفرش بيج ) .. لقيت عنده ب 300 و 325 المانى و 500 امريكى .. الامريكى كان احلى و اشيك و يستحمل اكتر فتوكلت على الله و جبت الامريكى و فرش الارضية ب 300 و كان فى الوان (بيج - اسود - رصاصى ) اخترت الرصاصى بس جبلى اسود (اهو غلاسة كده ) .. الراجل بدأ يشتغل فيها و يشيل فى الكراسى و انا واقف اتقرج (فى كابل تحت كرسى السائق بتاع انذار حزام الامان) بس فكه سهل جدا ... بعد ما يقرب من 3 ساعات العربية خلصت بالتركيب بكله .. بصراحة الفرش كويس بس معجبنيش تقفيل الراجل (الfinish بتاعة مش كويس حسه مش محترف يعنى ) بس الكراسى و الارضية شكلهم كويس الحمد لله ..
بعض المميزات اللى عجبتنى لسا طبعا ماسوقتش غير ساعة و نص او ساعتين على بعضهم :
الباور رائع الدريكسيون كان ادائه 10/10
مريحة جدا فى الجلوس بالنسبة ( للسائق يقدر يظبط براحته الكرسى فوق او تحت و قدام او ورا )
العزل كويس جدا
العفشة مريحة جدا و مسمعتش اى صوت قى العربية و لا فى المساعدين و لا اى حتة
الدواسات استجابتهم جميلة جدا
مفيش اى عيوب لاحظتها لحد الان علما بانى لسا ما سوقتش غير ساعتين حاجات بسيطة زى مثلا
المرايات صغيرة شوية ( او على الاقل اصغر من الماتريكس ) ..
كنت فاكر الكاسيت فى كان لل USB ملقتش
المراية فى الشماسة اللى عند السواق و مش عند اللى جنبه
اسف على الاطالة و شكر خاص ل Youssef.Awad و dodyam اللى ساعدونى جدا فى الموضوع اللى عملته امبارح و الله يبارك فى كل اللى باركلى..
تحت امر الجميع فى اى صور او استفسارات طبعا
الحمد لله استلمت انهاردة الصنى الجديدة . اليوم بدأ بمشوار للبنك لتجهيز المبلغ 95 الف ( تم دفع 5 الاف عند الحجز) وصلت المعرض الساعة 10 لاقيتها مستنيانى (العربية) :) .. دخلت لمدير المبيعات كان لسة شغال فى ورقها مكانش جاهز فضلت قاعد لغايت الساعة 11 و نزلت بصيت على العربية و اطمنت عليها و عملت check على النقط اللى فى الموضوع ده (http://www.nilemotors.net/Nile/308039-a.html) و اتأكدت ان البطارية جافة (chloride) و الكهرباء قطعت و هما بيطبعوا الورق :) بس الحمد لله الورق جهز على 11:15 . الورق عبارة عن ( شهادة الملكية - المبايعة او خطاب المرور -خطاب تخصيص - ايصال استلام - و كتيب الضمان بس ده استلمتوا بعد ما طلعت الرخصة و صوروها ) اخدت الورق و طلعت انا و عم على (مندوب فى الشركة عشان يخلص ورق المرور) و اتضح ان الراجل ده اشهر واحد فى مرور ابيس بداية من البوابة لحد المهندس سلم على ما يقل عن 150 شخص :) ... مصاريف المرور كانت 15 جنيه لمهندس الفحص و 15 تانية ورق ترخيص بملاه و 320 جنيه تأمين و 140 طفاية ( المفروض 121 بس بدفع 20 زيادة و استغنى عن المثلث و شنطة الاسعاف اللى سعرهم 75 تقريبا) و 45 جنيه ملف و 780 ضريبة و 5 جنيه للى بيسلم النمر و 10 جنيه للى بيركبها (بخصوص تركيب النمر العربية من قدام فيها مكان جاهز للنمر بس من ورا هو حيحفر بس متخدوش حاجة بسيطة جدا و نسبة الحطأ فيها صفر يعنى ) دى المصاريف اللى فكرها لغايت دلوقنى .. استلمت الرخصة بسرعة رهيبة بفضل عم على الموضوع كله اخد ساعة و ثلث تقريبا .. و طلعت على البنزينة فولت (التانك اخد 37 لتر ) و اللمبة كانت منورة و عاملة الشكل ده (.....) ف تقريبا و هى منورة بيبقى فيها حوالى 5 لتر .. و تم ضبط هوا العجل فى البنزينة .. و رجعت المعرض اديتهم الرخصة صوروها و استلمت الضمان و المفروض اتصل ب 16244 عشان افعل الضمان و بديهم رقم الشاسيه و الموتور ... خلصت كل حاجة و اخدت العربية لوحدى و انطلقت ... قلت ادور على حد عشان افرش العربية كان فى دماغى 2 ( واحد فى السلطان حسين و واحد فى سموحة (سعيد نصار) ) قلت اروح سموحة اقرب .. رحت سألت على جلد بيج (العربية برونزى و الفرش بيج ) .. لقيت عنده ب 300 و 325 المانى و 500 امريكى .. الامريكى كان احلى و اشيك و يستحمل اكتر فتوكلت على الله و جبت الامريكى و فرش الارضية ب 300 و كان فى الوان (بيج - اسود - رصاصى ) اخترت الرصاصى بس جبلى اسود (اهو غلاسة كده ) .. الراجل بدأ يشتغل فيها و يشيل فى الكراسى و انا واقف اتقرج (فى كابل تحت كرسى السائق بتاع انذار حزام الامان) بس فكه سهل جدا ... بعد ما يقرب من 3 ساعات العربية خلصت بالتركيب بكله .. بصراحة الفرش كويس بس معجبنيش تقفيل الراجل (الfinish بتاعة مش كويس حسه مش محترف يعنى ) بس الكراسى و الارضية شكلهم كويس الحمد لله ..
بعض المميزات اللى عجبتنى لسا طبعا ماسوقتش غير ساعة و نص او ساعتين على بعضهم :
الباور رائع الدريكسيون كان ادائه 10/10
مريحة جدا فى الجلوس بالنسبة ( للسائق يقدر يظبط براحته الكرسى فوق او تحت و قدام او ورا )
العزل كويس جدا
العفشة مريحة جدا و مسمعتش اى صوت قى العربية و لا فى المساعدين و لا اى حتة
الدواسات استجابتهم جميلة جدا
مفيش اى عيوب لاحظتها لحد الان علما بانى لسا ما سوقتش غير ساعتين حاجات بسيطة زى مثلا
المرايات صغيرة شوية ( او على الاقل اصغر من الماتريكس ) ..
كنت فاكر الكاسيت فى كان لل USB ملقتش
المراية فى الشماسة اللى عند السواق و مش عند اللى جنبه
اسف على الاطالة و شكر خاص ل Youssef.Awad و dodyam اللى ساعدونى جدا فى الموضوع اللى عملته امبارح و الله يبارك فى كل اللى باركلى..
تحت امر الجميع فى اى صور او استفسارات طبعا
Comment