الحمد لله رب العالمين استلمت النيو صنى النهاردة

[canner]

بسم الله الرحمن الرحيم

اعزائى الصقور الحمد لله استلمت الصنى 2013 اتوماتيك ذهبى النهاردة و رخصتها بعد عناء و انتظار و حرقة دم

احب اشكر جدا الاستاذ احمد المقدم من اوتو ايجيبت اللى احترمته جدا و اتشرفت انى اتعاملت معاه

و اشكر الاستاذ احمد مصطفى اللى لولاه بعد ربنا ماكنتش استلمت النيو صنى

المهم العربية دى عملتلى ازمة نفسية كنت متمسك بيها و فضل الميعاد يتأجل و مافيش امل خالص و اول ما قررت فعلا انى الغى الحجز و دورت فعلا و استقريت على عربية تانية لقيت الموضوع مشى و الاستلام اتحدد

انا قبل ما اسوقها كنت خايف و قلقان علشان متعود على سواقة المانيوال و هى اتوماتيك بس الحمد لله عرفت اتعامل

العربية بسم الله ما شاء الله سحب كويس و فرامل كويس بس حاسس انها بتاخد وقت لما بدوس بنزين و احاول اسرع شويه زائد ان صوت الموتور بيعلى و طبعا اول ما طلعت من المرور رحت فولت التانك و ظبطت الهوا بتاع الكاوتش

و فيه حاجه مجنانى انى مش عارف عداد الكيلومترات فين يعنى مش عارف العربية كانت قاطعه كام و مشيت بيها قد ايه

اقصى سرعة جبتها كانت 110 كيلو علشان مش عاوز اشد بيها قبل ال 1000 كيلو


حاجة كمان اسعدتنى جدا و انا طالع من المرور و بعد ما رخصت كان فيه واحد معاه النيو صنى داخل و كلكسنا لبعد و كل واحد فينا عمل اوكيه للتانى

معلش الموضوع ضعيف شويه بس حبيت اشركوا معايا و افتخر بأنضمامى للصقور

تحياتى الى الدكتور يوسف اللى كنت اتمنى اقابله قبل ما يسافر و بجد هو من الناس اللى لسه محسسانى ان الدنيا لسه بخير

تحياتى

[ahmed88]

ألف مبرووووووووووووووووووووك وربنا يباركلك فيها ..

[toty_305]

-ألف مبروك على العربيه الجديده
-غطي العربيه عشان تحافظ عليها
-طلع حاجه لله عشان ربنا يباركللك فيها أن شاء الله
-أحترمها و هي جديده عشان لما تقدم مش تتعبك

[canner]

ألف مبرووووووووووووووووووووك وربنا يباركلك فيها ..

الله يبارك فيك يا باشا و عقبالك ان شاء الله

[د. علاء ابراهيم]

ألف مبرووووك

[hogo_9i]

ألف مبروك و ربنا يحرسك من العين ،،،،

[canner]

-ألف مبروك على العربيه الجديده
-غطي العربيه عشان تحافظ عليها
-طلع حاجه لله عشان ربنا يباركللك فيها أن شاء الله
-أحترمها و هي جديده عشان لما تقدم مش تتعبك

الله يبارك لك و ناوى ان شاء الله اطلع حاجة لله و ادبح حاجة برضه و ان شائ الله ح انزل اجيب غطا كويس و دواسات افرشها جلد عند جينيز كار ان شاء الله

و انا بحترمها جدا و الله العظيم ده انا شفت الويل و سواد الليل لحد ما جبتها تصور انا مش هاين عليا قاعدتها فى الشارع و عاوز ادخلها تقعد معايا فى الاوضه ٌ

[د. علاء ابراهيم]

-ألف مبروك على العربيه الجديده
-غطي العربيه عشان تحافظ عليها
-طلع حاجه لله عشان ربنا يباركللك فيها أن شاء الله
-أحترمها و هي جديده عشان لما تقدم مش تتعبك

[canner]

ألف مبرووووك

الله يبارك فيك يا باشا

[canner]

ألف مبروك و ربنا يحرسك من العين ،،،،

الله يبارك فيك و اللهم امين

[Dr_MaTrix]

يا باشا الف الف الف الف الف الف مليوووووووووووون مبروك, والله العظيم انا فرحت لك كتير جدا ويا رب يبارك فيها ويحميها لك من العين

[canner]

يا باشا الف الف الف الف الف الف مليوووووووووووون مبروك, والله العظيم انا فرحت لك كتير جدا ويا رب يبارك فيها ويحميها لك من العين

الف الف الف الف الف الف الف شكر يا باشا ده بس من ذوقك و على فكرة انت من الناس اللى خلونى اصبر لحد ما استلمتها الحمد لله و يارب يحرسها و يحرسك عربيتك و الله حسيت دلوقتى بعد قرايه الرد بتاعك بفرحه ما حستهاش لما استلمتها

تحياتى لحضرتك

[drmagieed]

ربنا يعطيك خيرها ويكيفيك شرها وإلتزم بالسرعة القانونية

[toty_305]

الله يبارك لك و ناوى ان شاء الله اطلع حاجة لله و ادبح حاجة برضه و ان شائ الله ح انزل اجيب غطا كويس و دواسات افرشها جلد عند جينيز كار ان شاء الله

و انا بحترمها جدا و الله العظيم ده انا شفت الويل و سواد الليل لحد ما جبتها تصور انا مش هاين عليا قاعدتها فى الشارع و عاوز ادخلها تقعد معايا فى الاوضه ٌ

-أنازيك كده بحب دائما احافظ قوي و أول م جبت العربيه حاولت كتيير امنع عنها أي مشكله بس في شوارع مصر أستحاله ده يحصل
-بركز ف حاجات حتى في تنظيفها و كده بسيطه بس الناس بيشعروني أني مزودها شويه
-وصلت ف الآخر أني بسيبها على الله و لو رايح مكان في بهدله مش بروح بيها اصلا
-مفيش عربيه جديده في مصر تقريبا مخدتش خبطه أو خربوش ف لا تتشائم و سيبها على الله

[hossam_elwani]

الف مبروك عليك الانضمام لوحوش نيسان

حاول تشوف ليها محل كجراج افضلك....