صوت الموتر عالى اوى

[mohaismail]

السلام عليكم
انا معايا صنى 2007 زيرو وعملت صيانة الالف والعربية كانت كويسة بس مرة طلعتها وروحت بيها مشوار لقيت صوت الموتور عالى اوى اوى يعنى مثلا بدى تانى واول لما اوصل 40 الصوت بيبقى جامد اوى مع انه المفروض يبدا يعلى عند 40 وبحس كده ان فى حاجة مكتومة ولما كلمت التوكيل المهندس قالى ده عادى بس انا شكك فى الشكمان لانى خدت مطبين جامد اوى ومش عارف هل فى حاجة فى الشكمان ولا فى حاجة تانية يريت حد يقولى سبب صوت الموتور ويقولى لو من الشكمان يبقى ايه اللى حصل فيه لانى مبفهمش اوى فى الميكانيكا والحاجات دى اخرى بسوق بس ويريت لو الشكمان يبقى الحل فيه ايه هل اوديه لحد بتاع شكمانات والموضوع سهل ولا ايه حلها
السلام عليكم

[hazem_khidr]

لو شكمان انت ممكن تعرفها من نفسك ب انك تشغل العربيه عادي و تيجي علي ديل الشكمان و تكتم الهوا اللي طالع بايدك لو حسيت ان الهو بيزق ايدك يبقي الشكمان سليم انما لو حسيت بتنفيس يبقي الشكمان مخروم و اي حد ممكن يصلحهولك.

[mohaismail]

يعنى الشكمان ممكن يكون السبب فى صوت الموتور العالى انا بصراحة مش لاقى سبب غيره لان العربية زيرو

[ايهاب عبد العزيز]

اعتقد انه من الافضل ان حضرتك تروح للتوكيل ما تسألش بالتليفون وتقولهم على مشكلتك وعلى اللى حصل فى موضوع المطبات دى ولازم يكشفوا على العربيه ويقولوا ليك فيها ايه؟ وده احسن ما توديها بره لحد يقعد يفتى فيها وانت لسه فى الضمان