اخبار مساعدين الصني الجديدة ايه ؟

[gomana85]

السلام عليكم و رحمة الله و بركاته
اولا مبروك لكل للي إستلموا الصني الجديدة ربنا يباركلهم فيها و يكفيهم شرها . عقبال كل الي حاجزين يارب يستلموا في اسرع وقت
من فضلكم انا عندي سؤال علشان هاحجز الصني الجديدة الأسبوع الجاي أن شاء الله ، اخبار المساعدين دلوقتي ايه ؟ الناس الي استلمت جديد ببطارية جافة ، لسه المساعدين بتزيق و لا خلاص المشكلة اتحلت الحمد لله ..
و الناس الي المساعدين عندهم بتزيق المشكلة اتحلت في الصيانه و لا لسه ؟؟
و شكرا جزيلا

[assaf]

انا زميلي في الشغل كان عنده الصوت دا وفي السبع صلحوه وبقت تمام بس هو مستلم من شهر 7
بس واحد تاني استلم في نصف رمضان معندوش الصوت دا
انا سمعت ان المشكله اتحلت

[akmm]

جميل

[a_bahaa14]

انا استلمت 9/2 والحمد الله معنديش الصوت فى المساعدين

[kfarouk]

انا اشترتها اخر شهر 7 و عندي بطارية جافة و الحمد لله ما عنديش مشكلة المساعديين

[ahmed452003]

الله يطمنكوا كلام جميل

[dodyam]

اشتريت نص 9 والحمد لله مفيش مشكلة

[احمد سيف النصر]

انا اشتريت 9-9 ومعنديش اي مشكلة في المساعدين انا اعتقد ان اول دفعة فقط هي اللي كان فيها مشكلة المساعدين

[د. علاء ابراهيم]

انا اشتريت 9-9 ومعنديش اي مشكلة في المساعدين انا اعتقد ان اول دفعة فقط هي اللي كان فيها مشكلة المساعدين

مش عارف
سيارتى رقم 84
يعنى من ضمن اول 100 سيارة
البطارية سائلة
مافيش اى مشاكل فى المساعدين

[szaalouk]

ربنا يطمنكوا و يبارك لكم في عربياتكم
اصل انا كمان حاجز و كل ما الواحد يتأخر شويه في الاستلام بيسمع كلام يطمئن اكثر عن العربيه و الحمد لله .
مبروك لكل اللي استلم و ربنا يصبر كل اللي ما استلمش زيي كده و نستلم كلنا علي خير .

تحياتي

[ahmedPJT]

انا مستلم قبل رمضان و معنديش المشكلة الغريبة اللى مسوءه سمعت العربية ديه

[kfarouk]

متابع

[gomana85]

متشكره علي ردودكم جدا ، انا امبارح كنت في السبع و قالي ان كان في كاوتش تقريبا كانت متركب مقلوب و الموضوع اتظبط الحمد لله

[Bishoy.Girgis]

يا جماعة دي مشاكل فردية يعني المشكلة مش عند الكل

[gomana85]

سؤال كمان لو سمحتم ، انا لما جربت اقعد في العربيه امبارح ، شوفت نص الكبوت بالعافيه . ده طبيعي ، مع العلم اني مش قصيره