لتنظيف التانك, الرشاشات والمحرك

[the_air_devil]

سلام الله عليكم ياشباب


كنت عايز آخد رأي السادة الخبراء في أنواع السوائل اللي بيكون مكتوب عليها "منظف كذا..." , يعني بتلاقي في محطات البنزين والهايبر ماركتس منظف تانك, منظف دورة محرك, منظف مش عارف إيه, وكلها مجرد مسميات والله أعلم إيه اللي جواها

يعني مثلاً كنت في أحد الهايبرات واشتريت منظف تانك كان بحوالي 22 جنيه, وحطيته وتوكلت على الله (العربية جديدة بس بامشي كتير جداً كل يوم, وباعمل كدة كل 3000 كيلو) ... المهم ان لقيت اختلاف كبير في سحب الموتور والعربية بتطلع زي الصاروخ, حتى كنت كتبت موضوع بعنوان http://www.nilemotors.net/Nile/306139-4000.html وكان أحد الأعضاء مصر اني كنت باحلم أو العملية واسعة شوية !!! لكن فعلياً استمر الأداء الصاروخي للعربية, وماكانش فيه تفسير للسلوك ده إلا لما افتكرت بعد ما عملت تفويلة تانية,,, والعربية بقت طبيعية تماماً , وابتديت أدرك ان السائل ده ماكانش إلا بنزين عالي الأوكتان, أو بنزين طائرات, لأنه هو الوحيد اللي ممكن يعمل زيادة ملحوظة في أداء المحرك وكمان ينفع يتم احتراقه مع البنزين دون عوادم أو روائح غريبة


ومن هنا جاتلي فكرة اننا نحط موضوع لسوائل العناية بالمحرك (بخلاف الزيوت) , لأن مش من المقبول ان أي حد يعمل أي عبوة لونها اسود أو اصفر ولا احمر وازرق, ويكتب عليها "استيراد الحاج حمبولة وشركاه - وسط البلد" , ويتطبع على العبوة من برة انها منظف معاميع العربية, واحنا نصدق ونشتري, وبتكون الحاجات دي بشئ وشويات في محطات البنزين, والله وحده هو من يعلم بتحتوي على إيه


ومن خلاصة تجارب الأعضاء, نقدر نقول أنهي سائل فعلاً يصلح لإيه, يعني خلينا نوضح أكتر:


1- ماهو أفضل سائل لتنظيف التانك ودورة البنزين


2- ماهو أفضل سائل للحفاظ على الأجزاء المعدنية وتنظيفها داخلياً من الرواسب


3- هل توجد -كما هو مزعوم- إضافة توضع على الزيوت لكي تحسن من أداء المحرك وإطالة عمره إلخ إلخ إلخ


مع مراعاة اننا بنتكلم على محركات نيسان, وبالأخص نيسان صني (القديمة والجديدة) , وهل فعلاً أحسن ماركة هي STP الأمريكية ؟ ... ومن مين نقدر نشتري حاجات موثوق فيها وبأسعار تساوي الخدمة المقدمة؟


ومليون شكر مقدماً ليكم ياشباب

[Amr Axel]

عن نفسي مجرب منتجات stp و ما شاء الله كويسة و مفيش اي مشاكل منها لحد دلوقتي

و كثير بيشكروا في منتجات ليكوي مولي لكن مجربتهاش

اما الاضافات الاخري للموتور بصراحة ملقتش رد صريح فيها يعني مرة ناس تشكر و مرة ناس تقول العربية برجلت بعدها و مرة ناس ملقتش فرق

فانا شايف من وجهة نظري الشخصية يكفي منظفات دورة البنزين و الرشاشات و بلاش اضافات الموتور و يكفي تغيير لزيوت أصلية و الفلتر مع كل تغييرة و الزيت نفسه مبيقعدش كتيير في الموتور
لأن مفيش حاجة اسمها زيت 5 الاف و زيت 10 الاف الزيت طبقا لحالته بتقرر يتغير و لا لأ و كتالوجات العربيات نفسها بتنصح ان الزيت ميقعدش اكتر من 5000 و احيانا عربيات 8000 و عربيات 10000 مع القيادة الهادئة و الصيانات الدائمة و بالتالي هتحافظ ع الموتور و العربية بشكل عام بدون اضافات و لا غيره :)

اماكن شراء stp المضمونة سمايل في وطنية او اون ذا ران في موبيل دول اللي دايما بجيب منهم معرفش اماكن تانية
ليكوي مولي الموزعيين المعتمديين منتشريين في انحاء الجمهورية

بس خلي بالك مواد تنظيف دورة البنزين و الرشاشات حامية و بالتالي استخدامها ميكونش كل شوية و لكن كل فترة و ده اللي بعمله

عاجبني توقيعك خاصة ان ناس بيعملوا تنانين و ياخدوا غرز من اليمين و في الاخر بيبقوا مقلوبين هههههههه

[a_bahaa14]

متابع باهتمام

[saint2011]

فعلا أضافات منتجات ليكوى مولى فيه ناس جربتها وبتشكر فيها وأيضا فالفولين

[the_air_devil]

عن نفسي مجرب منتجات stp و ما شاء الله كويسة و مفيش اي مشاكل منها لحد دلوقتي

و كثير بيشكروا في منتجات ليكوي مولي لكن مجربتهاش

اما الاضافات الاخري للموتور بصراحة ملقتش رد صريح فيها يعني مرة ناس تشكر و مرة ناس تقول العربية برجلت بعدها و مرة ناس ملقتش فرق

فانا شايف من وجهة نظري الشخصية يكفي منظفات دورة البنزين و الرشاشات و بلاش اضافات الموتور و يكفي تغيير لزيوت أصلية و الفلتر مع كل تغييرة و الزيت نفسه مبيقعدش كتيير في الموتور
لأن مفيش حاجة اسمها زيت 5 الاف و زيت 10 الاف الزيت طبقا لحالته بتقرر يتغير و لا لأ و كتالوجات العربيات نفسها بتنصح ان الزيت ميقعدش اكتر من 5000 و احيانا عربيات 8000 و عربيات 10000 مع القيادة الهادئة و الصيانات الدائمة و بالتالي هتحافظ ع الموتور و العربية بشكل عام بدون اضافات و لا غيره :)

اماكن شراء stp المضمونة سمايل في وطنية او اون ذا ران في موبيل دول اللي دايما بجيب منهم معرفش اماكن تانية
ليكوي مولي الموزعيين المعتمديين منتشريين في انحاء الجمهورية

بس خلي بالك مواد تنظيف دورة البنزين و الرشاشات حامية و بالتالي استخدامها ميكونش كل شوية و لكن كل فترة و ده اللي بعمله

عاجبني توقيعك خاصة ان ناس بيعملوا تنانين و ياخدوا غرز من اليمين و في الاخر بيبقوا مقلوبين هههههههه

مليون شكر على مشاركتك الجميلة

بس عندي تساؤل بخصوص "حامي على الموتور" ... أظن اننا بنتكلم على معدن, وبما ان "حامي" دي مضرة بشكل أو بآخر, فأكيد فيه معلومة عن مكونات السائل اللي بيضر الأجزاء المعدنية, فهل تقدر تفيدنا بمعلومات إضافية عن الحكاية دي؟

[HAITHAM1985]

أولا : اللى هقوله ده على سبيل الدعابة

إنتوا قسم أنانى ومتطرف ومغرووووووووور ........ لأن معاكوا عربية نضيفة أوى ومعموله لمصر أم الدنيا فى التبويظ وبتتشطروا علينا دايما ملاك العربيات الألمانى لأن عربياتنا أشد منكم بس مش بلد زى مصر فى بلادها

ومن هذا المزنق حابب أقولكم يا بختكوا بعربيتكم وبالوكلاء بتوعكم ومراكز الصيانة وربنا يرحمنا برحمته وإبقوا إفتكرونا

الى الأخ صاحب الموضوع : رجاء تخلى الموضوع عااااام مش موجه لغربيات نيسان بس يا متطرف ....... ههههههه بهزر

نيسان وسكودا إيد واحدة

[saint2011]

أولا : اللى هقوله ده على سبيل الدعابة

إنتوا قسم أنانى ومتطرف ومغرووووووووور ........ لأن معاكوا عربية نضيفة أوى ومعموله لمصر أم الدنيا فى التبويظ وبتتشطروا علينا دايما ملاك العربيات الألمانى لأن عربياتنا أشد منكم بس مش بلد زى مصر فى بلادها

ومن هذا المزنق حابب أقولكم يا بختكوا بعربيتكم وبالوكلاء بتوعكم ومراكز الصيانة وربنا يرحمنا برحمته وإبقوا إفتكرونا

الى الأخ صاحب الموضوع : رجاء تخلى الموضوع عااااام مش موجه لغربيات نيسان بس يا متطرف ....... ههههههه بهزر

نيسان وسكودا إيد واحدة

ده مكانك يا باشا وذى حضرتك مقلت نيسان وسكودا إيد واحدة

[Amr Axel]

مليون شكر على مشاركتك الجميلة

بس عندي تساؤل بخصوص "حامي على الموتور" ... أظن اننا بنتكلم على معدن, وبما ان "حامي" دي مضرة بشكل أو بآخر, فأكيد فيه معلومة عن مكونات السائل اللي بيضر الأجزاء المعدنية, فهل تقدر تفيدنا بمعلومات إضافية عن الحكاية دي؟

انا اقصد حامي ع دورة البنزين و خاصة لو المواسير او الدورة مكونة من الكاوتش و اكيد كتر الاستخدام ممكن يأثر بالسلب ع المعدن

[saint2011]

انا اقصد حامي ع دورة البنزين و خاصة لو المواسير او الدورة مكونة من الكاوتش و اكيد كتر الاستخدام ممكن يأثر بالسلب ع المعدن

يعنى من وجهة نظر حضرتك يستخدم كل أد ايه مثلا كل 10000كم او 15000 كم او......... ؟؟؟؟

[khalid_adel]

بص ياسيدي حامي على الماتور ده فعلا عشان كده بيقولك لمده كذا فقط
زي فلاش الماتور ده 3 دقايق فقط وتبطل كده ينضف لكن لو زاد عن حده او سيبته ممكن يسلخ الماتور
الاضافات دي بتلاقي مكتوب عليها تكفي لمده كذا كيلو او كل تفير زيت وطبعا متحطش اضافتين في نفس الوقت
وانا معاك انا بعتبرها من الصيانه الدوريه للعربيه كل 5000 كيلو اجرب نوع او منظف ويكفي البنزين السئ اللي في بلدنا اللي بيسد فلاتر البنزين والرشاشات

[Amr Axel]

يعنى من وجهة نظر حضرتك يستخدم كل أد ايه مثلا كل 10000كم او 15000 كم او......... ؟؟؟؟

وجهة نظري و اللي بعمله لعربيتي اني بستخدمه كل 10 - 15 الف كيلو
قبل ميعاد تغيير الزيت مباشر بحطه و اخلصه و بعدها بطلع البوجيهات انضفها او اغيرها لو وقت تغييرها حان و كذلك بالنسبة لفلتر البنزين و بعدين اغير الزيت و الفلتر

طريقة استخدامه تملي تلت ارباع التانك ع الاقل و تفضي منظف الرشاشات عليه ( انا برج العربية و هي واقفة بعدما احطه الناس هتقول ما كده هيتمزج و انت ماشي يا جماعة انا حر انا بحب ارج العربية بعد ما احطه و انا مسئول عن عربيتي ) و بعد ما فضيته تدور اوعي تحطه و العربية دايرة و تسمي و تطلع بيها مشوار محترم رايح جاي و تحرق ع الغيارات شوية طول ما انت ماشي يعني مثلا بتنقل للتالت ع 40 لأ انقل ع 45 بتنقل للرابع ع 60 لأ انقل ع 65 اخدت بالك
طول ما انت ماشي بتحرق عشان الرشاشات تدفع البنزين و المخلوط بالمنظف بقوة فتنضف الرواسب عليها حاول تخلص التانك في الطلعة دي يعني يكون التانك قرب يفضي تروح تفول
طبعا لو عربيتك بتستهلك بنزين عالي قبلها هتلاحظ انك مش قادر تخلص التانك و العربية بقت كأنها بتشم بنزين اذن المفعول اشتغل :)

طب ليه بحطه قبل تغيير الزيت لأن كل البلاوي بعد استخدامه بتنزل في الزيت و كده كده هغيره فبتنزل في القديم احسن ما تنزل في الجديد

و بعدها شوف اداء العربية و ادعيلي

و هنتظر تقرير حضرتك بتنظيف الرشاشات :)

[Amr Axel]

يعنى من وجهة نظر حضرتك يستخدم كل أد ايه مثلا كل 10000كم او 15000 كم او......... ؟؟؟؟

وجهة نظري و اللي بعمله لعربيتي اني بستخدمه كل 10 - 15 الف كيلو
قبل ميعاد تغيير الزيت مباشر بحطه و اخلصه و بعدها بطلع البوجيهات انضفها او اغيرها لو وقت تغييرها حان و كذلك بالنسبة لفلتر البنزين و بعدين اغير الزيت و الفلتر

طريقة استخدامه تملي تلت ارباع التانك ع الاقل و تفضي منظف الرشاشات عليه ( انا برج العربية و هي واقفة بعدما احطه الناس هتقول ما كده هيتمزج و انت ماشي يا جماعة انا حر انا بحب ارج العربية بعد ما احطه و انا مسئول عن عربيتي ) و بعد ما فضيته تدور اوعي تحطه و العربية دايرة و تسمي و تطلع بيها مشوار محترم رايح جاي و تحرق ع الغيارات شوية طول ما انت ماشي يعني مثلا بتنقل للتالت ع 40 لأ انقل ع 45 بتنقل للرابع ع 60 لأ انقل ع 65 اخدت بالك
طول ما انت ماشي بتحرق عشان الرشاشات تدفع البنزين و المخلوط بالمنظف بقوة فتنضف الرواسب عليها حاول تخلص التانك في الطلعة دي يعني يكون التانك قرب يفضي تروح تفول
طبعا لو عربيتك بتستهلك بنزين عالي قبلها هتلاحظ انك مش قادر تخلص التانك و العربية بقت كأنها بتشم بنزين اذن المفعول اشتغل :)

طب ليه بحطه قبل تغيير الزيت لأن كل البلاوي بعد استخدامه بتنزل في الزيت و كده كده هغيره فبتنزل في القديم احسن ما تنزل في الجديد

و بعدها شوف اداء العربية و ادعيلي

و هنتظر تقرير حضرتك بتنظيف الرشاشات :)

[abdo7000]

موضوع ممتاز
برجاء كتابة الاماكن الموثق بيها في بيع منجات stp

[the_air_devil]

أولا : اللى هقوله ده على سبيل الدعابة

إنتوا قسم أنانى ومتطرف ومغرووووووووور ........ لأن معاكوا عربية نضيفة أوى ومعموله لمصر أم الدنيا فى التبويظ وبتتشطروا علينا دايما ملاك العربيات الألمانى لأن عربياتنا أشد منكم بس مش بلد زى مصر فى بلادها

ومن هذا المزنق حابب أقولكم يا بختكوا بعربيتكم وبالوكلاء بتوعكم ومراكز الصيانة وربنا يرحمنا برحمته وإبقوا إفتكرونا

الى الأخ صاحب الموضوع : رجاء تخلى الموضوع عااااام مش موجه لغربيات نيسان بس يا متطرف ....... ههههههه بهزر

نيسان وسكودا إيد واحدة

لأ هافضل متطرف ... وكمان أهدرنا زيت أي عربية ألماني تعدي من جنب عربية ياباني !!!


وبعدين المحركات لما تكون أقوى من طاقة الشوارع, تبقى قوة مهدرة وللأسف الألماني عموماً محتاج اللي يتعامل معاه باحترام, وللأسف ده مش بيحصل في مصر , ولسة سامع مهزلة عن اللي كان بيتعمل في عربية ألماني في التوكيل ....مهما كان اسمه فخم وسمعة كبيرة لكن للأسف توكيلات لا تحافظ على قيمة العربية الفعلية


وربنا يكفيك شر الطريق وشر التوكيلات الكحيانة

[the_air_devil]

وجهة نظري و اللي بعمله لعربيتي اني بستخدمه كل 10 - 15 الف كيلو
قبل ميعاد تغيير الزيت مباشر بحطه و اخلصه و بعدها بطلع البوجيهات انضفها او اغيرها لو وقت تغييرها حان و كذلك بالنسبة لفلتر البنزين و بعدين اغير الزيت و الفلتر

طريقة استخدامه تملي تلت ارباع التانك ع الاقل و تفضي منظف الرشاشات عليه ( انا برج العربية و هي واقفة بعدما احطه الناس هتقول ما كده هيتمزج و انت ماشي يا جماعة انا حر انا بحب ارج العربية بعد ما احطه و انا مسئول عن عربيتي ) و بعد ما فضيته تدور اوعي تحطه و العربية دايرة و تسمي و تطلع بيها مشوار محترم رايح جاي و تحرق ع الغيارات شوية طول ما انت ماشي يعني مثلا بتنقل للتالت ع 40 لأ انقل ع 45 بتنقل للرابع ع 60 لأ انقل ع 65 اخدت بالك
طول ما انت ماشي بتحرق عشان الرشاشات تدفع البنزين و المخلوط بالمنظف بقوة فتنضف الرواسب عليها حاول تخلص التانك في الطلعة دي يعني يكون التانك قرب يفضي تروح تفول
طبعا لو عربيتك بتستهلك بنزين عالي قبلها هتلاحظ انك مش قادر تخلص التانك و العربية بقت كأنها بتشم بنزين اذن المفعول اشتغل :)

طب ليه بحطه قبل تغيير الزيت لأن كل البلاوي بعد استخدامه بتنزل في الزيت و كده كده هغيره فبتنزل في القديم احسن ما تنزل في الجديد

و بعدها شوف اداء العربية و ادعيلي

و هنتظر تقرير حضرتك بتنظيف الرشاشات :)

تسلم إيدك ياجميل


بس بالفعل باحط المنظف قبل ماملا التانك, علشان السائل يدور ويمتزج مع كل البنزين (تقريباً كثافتهم واحدة وماحدش هايطفو فوق التاني) ... والعربية أوتوماتك بس فعلاً لو حتى مش حاطط منظف ...باجي كل يومين في منطقة هادية وفاضية وطوالي قبل البيت واجري على 160 بشكل متقطع, علشان قوة البنزين تنضف الرشاشات لو كانت بدأت تجمع رواسب



مانحرمش من إضافتك الجميلة وربنا يكرمك