هام وعاجل لمالكى الصنى الشكل الجديد 2013

[saint2011]

السادة مالكى الصنى الشكل الجديد 2013
أفاد أحد الزملاء بالمنتدى أن قد تم توافر كاوتشة المساعدين الخاصة بالصنى الشكل الجديد والتى تقضى على مشكلة التزييق والتى أشتكى منها الكثير من ملاك الصنى فى فترة سابقة فبرجاء التوجة لأتو إيجيبت أبو رواش لتركيبها والقضاء على مشكلة التزييق للأبد والحاضر يعلم الغايب وفى أنتظار التقارير بالتركيب والأنطباعات ولكم تحياتى

ملحوظة : التركيب مجانا

[zambarota]

والكاوتشه دي يركبها الى بيشتكى والى مش بيشتكي

[shady_hamdy]

توكيل محترم

[akmm]

فعلا توكيل محترم .

[saint2011]

والكاوتشه دي يركبها الى بيشتكى والى مش بيشتكي

والله لو حضرتك معندكش المشكلة دى خلاص بلاش تركب وبعدين الكاوتشة موجودة لو المشكلة ظهرت عندك روح ركبها وقدامك ده طوال فترة الضمان 3سنوات او 60 الف كم أيهما أقرب

[haissam24h]

صديق لى بالشغل عنده المشكله ديه ولسه رايح امبارح دخل الساعه 11 الصبح والعربيه خرجت الساعه 12ونص بعد صيانه وتغير زيت وتم التركيب للكاوتش والصراحه قالى مش خدو فلوس منه على الكاوتش وكان بيشكر فى التعامل بتاعهم

ان شاء الله هحاول اجيب منه تفاصيل اكثر اول ما انزل الشغل

[Youssef.Awad]

والكاوتشه دي يركبها الى بيشتكى والى مش بيشتكي

الاولولية طبعا للى بيشتكى من صوت التزييق
واطمن لو ما ظهرش معاك يبقى مش محتاج تركب حاجة ولو ظهر بعدين طول فترة الضمان 100 الف كم أو 3 سنوات هاتروح تركبها ببلاش ..

[dodyam]

والله لو حضرتك معندكش المشكلة دى خلاص بلاش تركب وبعدين الكاوتشة موجودة لو المشكلة ظهرت عندك روح ركبها وقدامك ده طوال فترة الضمان 3سنوات او 60 الف كم أيهما أقرب :y_hi_3[1]:

باشا قصدك 100 الف كم مش 60

[Ahmed.TV]

التزيق قصته وحله حكتبه باستفاضة .. لان فى موضوعات كتيرة جدا اليومين دول .. وقريب حشرحه بالتفصيل
بس على العموم مبدئيا
اوتو ايجيبت اكتشفوا الحل
ولو اكتشفوا عندك ان التزيق عن نتاج عن قطع كاوتشة الصدادة للمساعد والكوباية النحاس معوجة بيغيروا بيغيروا كل ده الضمان واحيانا بيغيروا معاها المساعدين بالمرة

[د. علاء ابراهيم]

كل يوم
احس انى احسنت الاختيار
بشراء هذه السيارة حصلت على سيارة شكلها كويس
عادية من جوه بس واااااسعة و عملية
مريحة و عائلية
ناعمة فى القيادة بس بردك فيها شويه نشوفية ماهياش مهلبية عشان تستحمل شوارعنا الخزعبلية
فى قطع الغيار و البنزين اقتصادية
توكيلها محترم و بامتلاكها اصبح لى فى هذا المنتدى اخوة و صحبة هنية
مش لاقى كلمة تانى اخرها "ئيه"

[saint2011]

فين يا جماعة الأعضاء أللى كانوا كل يوم بيشتكوا من موضوع التزييق الخلفى للمساعدين عايزين منهم رد فى الموضوع ده حلوا المشكلة مع مراكز الخدمة ولا لأ ؟؟؟؟؟؟؟
المنتدى مش صفحات للشكوى والأستغاثة المنتدى تواصل وحلول ومعرفة ومساعدة الأخرين لوجه الله تعالى فياريت كل واحد يضع هذا فى أعتباره وكل واحد يقوم بدوره

[Hulk 1]

عندك حق واللهي الناس كانت عماله تشتكي من التزييق وكانوا مخوفيين الواحد انو يشتريها --- بس دا خبر كويس

[engamin]

بالعكس مشكلة التزييق مخلتنيش اندم على انى اشترتها بس لما بتجيب حاجة جديدة ويظهر فيها اى عيب ملحوظ اكيد بتتضايق بس زى ما الكل عرف الامكانيات اللى فيها كويسه بالسعر ده زائد كمان نزول الex super salon بالامكانيات اللى فيها وسعرها اكيد هتكتسح وانا ان شا الله اول ما غير الكاوتشه وامشى بيها شويه هقول ايه الاخبار بس المهم تكون الكاوتشة الاصليه لنيسان مش الكاوتشة الللى عاملها اوتو ايجيبت موقتا لحد ما تيجى الكاوتشة الاصلية لانى انا ركبت الكاوتشة اللى مصنعاها اوتو ايجيبت مرتين وباردو هو هو نفس التزيييقة

[saint2011]

بالعكس مشكلة التزييق مخلتنيش اندم على انى اشترتها بس لما بتجيب حاجة جديدة ويظهر فيها اى عيب ملحوظ اكيد بتتضايق بس زى ما الكل عرف الامكانيات اللى فيها كويسه بالسعر ده زائد كمان نزول الex super salon بالامكانيات اللى فيها وسعرها اكيد هتكتسح وانا ان شا الله اول ما غير الكاوتشه وامشى بيها شويه هقول ايه الاخبار بس المهم تكون الكاوتشة الاصليه لنيسان مش الكاوتشة الللى عاملها اوتو ايجيبت موقتا لحد ما تيجى الكاوتشة الاصلية لانى انا ركبت الكاوتشة اللى مصنعاها اوتو ايجيبت مرتين وباردو هو هو نفس التزيييقة

أطمأن يا باشا زميلنا بالمنتدى ركبها فى أتو إيجيبت وقالوا أصلية مش بتاعت التيدا ولا المؤقته وأنشاء الله تركبها وكل شىء يبقى تمام وطبعا عايزين من حضرتك تقرير جامد جدا بكده ولك تحياتى