إعـــــــلان

Collapse

.

,
See more
See less

صني 2013 - نقترب من صيانة الـ عشرة آلاف !

Collapse
X
 
  • Filter
  • الوقت
  • Show
Clear All
new posts

  • صني 2013 - نقترب من صيانة الـ عشرة آلاف !

    بسم الله الرحمن الرحيم


    سلام الله عليكم جميعاً , وتهنئة بعيد الأضحى أعاده الله علينا جميعاً باليمن والأمن والاطمئنان والبركة والسعادة ... وربنا يديم المحبة والمعروف


    خلال 10 أيام بإذن الله نويت اعمل صيانة العربية بعد 10 آلاف كيلومتر , طبعاً نادر من الأعضاء الكرام اللي عندهم نيسان صني الجديدة وعملوا المسافة دي خلال فترة وجيزة, لذلك حبيت اني آخد رأيكم في شوية حاجات قبل ماروح لأني هاعمل ان شاء الله بيها قائمة واعرضها على مهندس الصيانة:


    1- تربيط العفشة والكشف على المقصات وخلافه, لأن المسافة كبيرة

    2- التيل بتاع الفرامل رجع يزيق تاني كأنها جديدة وبتتلين , هل حد عنده إجابة لتلك المشكلة؟

    3- ظهر هباب على الطاسات الأمامية للكاوتش, هل هي نتيجة للفرملة على سرعة عالية, أم نتيجة للفرملة المتكررة أثناء السير البطئ على كوبري أكتوبر وزمايله ؟؟!

    4- لمبة الخرائط -كما سبق والأعضاء نصحوني- محتاجة يتبص على الزرار بتاعها لأنها مش بتنور من غير فتح الباب

    5- تبديل أماكن الكاوتش على شكل حرف X بحيث اللي قدام يمين تبقى ورا شمال والعكس...الكاوتش الصيني حاسس ان عمره قصير


    6- معظم طرقي طوالي, لكن بيتخللها أماكن مزدحمة, إنما عن ركن العربية والدوارة والتسخين وأول كيلو متر مشي يومياً بيكون مكان ترابي... هل ده بيقصر عمر زيت الأوتوماتيك وزيت الفرامل؟ وتنصحوني أغيرهم بعد كام ألف كيلومتر (بعد الاطلاع على تقرير زميل عزيز من ان تغيير زيت الأوتوماتيك لازم يكون بدري عن المعاد اللي مركز الصيانة بيغيره فيه)


    7- عادة مش بافتح باب التكييف علشان الهواء يدخل من برة, باهوي العربية عن طريق الشبابيك قبل ماتحرك وطول السكة قافلهم , ومدور الهواء داخلياً ... لكن أحد الزملاء الأعزاء كان نصحني اني لازم أركب فلتر تكييف علشان احمي الكويل الداخلي من اني افكه وانضفه ودي شغلانة , هل فعلاً اروح اركب فلتر التكييف ده؟


    8- سبق وذكرت طبيعة الطرق الترابية والطوالي , هل أغير فلتر الهواء بدري عن معاده؟ وتنصحوني على كام ألف كيلو؟


    9- هل حد من الأعضاء الأعزاء عثر على جهاز إنذار محترم متوافق مع العربية دي؟ لأن حتى آخر صيانة فاتت من شهر ونص ماكانش فيه جهاز إنذار متوافق مع العربية , اللهم إلا واحد "إيطالي" وواحد "صيني" والاتنين نابعين من صميم الفهلوة المصرية في المواقف دي ! ... انما إنذارها ماكانش نزل.


    10- الحمدلله رب العالمين لسة منتهي من عملية وضع منظف تانك ودورة بنزين .... اشتريته إس تي بي ... وكانت النتيجة أكتر من هايلة بفضل الله, استهلاك البنزين رجع ممتاز وصوت الموتور أصبح هادي وغير مسموع تقريباً ! ... والسحب مابقاش محتاج ضغطة جامدة, ومش ناوي اكرر الحركة دي قبل كمان 7000 كيلو ان شاء الله .... السؤال هنا : امتى اغير فلتر البنزين طالما باعمل كل فترة التنظيف ده؟

    الشركة نفسها بتقول ان المنظف -بالقوة اللي حطيتها- بيبقى مع كل تغيير زيت , ولكن القيادة الطوالي كل يوم مش بتسيب أثر على الرشاشات ومش بتسمح بتراكم رواسب على الرشاشات , علشان كدة مش ناوي احطه تاني غير بعد أكتر من 7 آلاف كيلومتر ان شاء الله, ساعتها احكم ان كنت محتاجه أصلاً تاني ولا لأ


    11- هل حد لقى اكسسوارات داخل مصر للعربية, أهم حاجة محتاجها دلوقتي هي مكان دواسة معدن لراحة القدم اليسرى أثناء القيادة الأوتوماتيك...فهل حد يعرف مكان يبيع البتاعة دي؟


    12- هل الناس اللي ركبوا حساسات ركن , حاسين بأي فرق في القيادة والركنة؟ وهل يستاهلوا فعلاً تمنهم وعناء تركيبهم؟

    ومليون شكر أكتر من مرة على اهتمامكم والمساعدة الأكتر من رائعة لكل فرد بيدخل المنتدى الكريم ده


    وكل عام وأنتم بخير بإذن الله
    [aldl]http://nileup.com/up/uploads/nilemotors_13523134621.jpg[/aldl]

  • #2
    مبروك مقدما صيانة ال 10000 كم وعقبال المليون بالنسبة للنقاط أللى حضرتك قلتها :
    1- موضوع التزييق فى الفرامل ممكن يكون فى تراب على التيل هو أللى بيعمل كده وده بيتنضف ويختفى الصوت
    2-الهباب ده ناتج من تأكل تيل الفرامل أكشف علية وشوف أدامة أد ايه عمر للمعرفة
    3- شيك على سوائل العربية
    4-بدل أماكن الكاوتش x
    5-ركب فلتر التكييف لو موجود
    وباقى النقاط أتركها للمتخصصين من الزملاء
    [CENTER][SIGPIC][/SIGPIC][/CENTER]

    Comment


    • #3
      1 تربيط العفشة هما بيعملوه لوحدهم حتى لو مش قولتلهم عليه
      2 تيل الفرامل حيظبطوه كويس وحينصفروه واكيد حيعملوا رجلاش للفرامل
      3 حيبدلوا اماكن الكاوتش
      4 لمبة الخرائط قولهم عليها وتاكد من الاعضاء انك مختلف عنهم
      5 زيت الموتور هو اللى غيره وحط 10 الاف كيلو
      6 زيت الفتيس بيتغير على 40 الف كيلو او لو عدى سنتين
      7 زيت الفرامل بيتغير كل سنتين
      8 لو عندهم فلتر تكييف ركبه
      9 فلتر الهواء نظفه بس وبيتغير على 20 الف ومتقلقش
      10 موضوع الstp اللى بيتحط فى تنك البنزين عشان تنظيف الرشاشات ودورة البنزين بلاش منه دلوقتى على الاقل بعد مثلا 15 الف او 20 الف كمان وانصحك اعمله على صيانة ال40 الف
      11 سنسور الركن فيد جدا .. ويستاهل اكيد .. وهو تمنه مش مكلف وتركيبه سهل ممكن تركبه عند اى حد بره التوكيل لانه مش بياخد حاجة من الضفيرة .. يا اما تركبه وتشتريه من التوكيل

      تحياتى لصيانة موفقة يا احمد بيه
      [CENTER][COLOR=#ff7700][SIGPIC][/SIGPIC][/COLOR][/CENTER]
      [CENTER][FONT=Tahoma][COLOR=#ff7700]محرر فى دعم اتخاذ القرار بوزارة الاعلام[/COLOR][/FONT][/CENTER]
      [CENTER][FONT=Tahoma][COLOR=darkslategray]قليل المشاركة فى [COLOR=blue]الموضوعات [/COLOR]والرسائل [COLOR=blue]الخاصة[/COLOR] لانشغالى بالعمل[/COLOR][/FONT][/CENTER]
      [CENTER][FONT=Tahoma][COLOR=darkgreen][COLOR=darkred]برجاء الاتصال بى[/COLOR] :[/COLOR][COLOR=navy] [U]01288814049[/U][/COLOR][/FONT][/CENTER]

      Comment


      • #4
        مبروك و عقبال صيانة ال 100000

        انا الي اقدر ارد عليك فيه موضوع حساسات الركن انا ركبتها في التوكيل الي في الدراسة و هي بصراحة مفيدة جدا و مفيش اي عناء في تركيبهم لاني عملتها مع صيانة الالف سيبتلهم العربية الصبح و رجعت لاقيت كله خلصان واتكلفت 470 جنيه
        و بصراحة فارقة معايا جدا في الركن

        بس انا عندي سؤال في موضوع منظف الرشاشات بس يا ترى كان متوسط الاستهلاك كام قبل و بعد و هل معظم الطرق بتاعتك طوالي و لا المتوسطات دي بالزحمة و كمان سعر المنظف كام ؟

        Comment


        • #5
          عقبال صيانه 100000 كم .
          :36_2_55[1]:

          Comment


          • #6
            عقبال صيانه ال100000 ياباشا

            Comment


            • #7
              هيا ايه لمبة الخرائط ؟

              Comment


              • #8
                المشاركة الأصلية كتبت بواسطة shomany مشاهدة المشاركة
                هيا ايه لمبة الخرائط ؟
                اللمبة أللى فوق مرايه الصالون
                [CENTER][SIGPIC][/SIGPIC][/CENTER]

                Comment


                • #9
                  فلتر التكييف ما زال غير متوافر سألت عليه امبارح فى اوتو ايجيبت و انا باعمل صيانة الالف

                  Comment


                  • #10
                    ربنه يحفظك ويحفظها ليك

                    Comment


                    • #11
                      المشاركة الأصلية كتبت بواسطة kfarouk مشاهدة المشاركة
                      مبروك و عقبال صيانة ال 100000

                      انا الي اقدر ارد عليك فيه موضوع حساسات الركن انا ركبتها في التوكيل الي في الدراسة و هي بصراحة مفيدة جدا و مفيش اي عناء في تركيبهم لاني عملتها مع صيانة الالف سيبتلهم العربية الصبح و رجعت لاقيت كله خلصان واتكلفت 470 جنيه
                      و بصراحة فارقة معايا جدا في الركن

                      بس انا عندي سؤال في موضوع منظف الرشاشات بس يا ترى كان متوسط الاستهلاك كام قبل و بعد و هل معظم الطرق بتاعتك طوالي و لا المتوسطات دي بالزحمة و كمان سعر المنظف كام ؟


                      ربنا يكرمك على الإفادة الحلوة دي


                      أما عن متوسط الاستهلاك, المفروض ان العربية بتمشي 550 كيلو بتفويلة واحدة وتروح تمون تاني تلاقي لسة فاضل 6 لتر !! يعني متوسط 6.3 لتر لكل 100 كيلومتر

                      لكن بعد فترة لاحظت ان المتوسط زاد, ووصل لحد 9 لتر تقريباً, فأعتقد ان حظي جه مع محطة نصابة بتحط بنزين 90 أو أقل على انه 92, فقررت اجرب السرعة لقيت آخرها 140 بالعافية, ففهمت ان فيه حاجة غلط حصلت وحطيت منظف تانك ودورة بنزين, ومونت من محطة محترمة عارفها, وجربت بعد كدة العربية جابت 180 مستريح وعايزة تكمل, وصوت الموتور رجع هادي وتفويلة التانك رجعت تمشيك 550 كيلو


                      نمط القيادة بتاعي من غير حرق وجري , هادي ومتزن , وطرقي 70% طوالي و 30% جوة الزحمة


                      سعر المنظف بيختلف من محطة للتانية, ناس بيجيبوه بـ 52 جنيه وناس تانيين بـ 60, وانا كنت مستعجل جداً وجبته من محطة نصابة بس علشان ماكانش معايا وقت باعوهولي بـ 75 جنيه !!
                      [aldl]http://nileup.com/up/uploads/nilemotors_13523134621.jpg[/aldl]

                      Comment


                      • #12
                        المشاركة الأصلية كتبت بواسطة dodyam مشاهدة المشاركة
                        فلتر التكييف ما زال غير متوافر سألت عليه امبارح فى اوتو ايجيبت و انا باعمل صيانة الالف
                        هو موجود في السبع وبإذن الله خلال كام يوم اروح اشوف ولو لسة موجود هاقول
                        [aldl]http://nileup.com/up/uploads/nilemotors_13523134621.jpg[/aldl]

                        Comment


                        • #13
                          مبروك عليك صيانة العشرة وعقبال المائة
                          فلتر التكيف بكام

                          Comment


                          • #14
                            المشاركة الأصلية كتبت بواسطة hassaan_handom مشاهدة المشاركة
                            مبروك عليك صيانة العشرة وعقبال المائة
                            فلتر التكيف بكام
                            180 جنية بدون ضريبة مبيعات طبقا لقائمة الأسعار المنشورة بواسطة عمدتنا أ/ أحمد مصطفى منسق قسم نيسان
                            [CENTER][SIGPIC][/SIGPIC][/CENTER]

                            Comment


                            • #15
                              عقبال ال40000 يا كبير

                              Comment

                              Working...
                              X