مشكلة الضفيرة ؟

[Elsebily]

أولا طبعا بعد التحيه للصقور كان فيه طلب كنت عاوز اطلبه من فتره وهو ياريت يتم توفيرالمعلومات اكتر عن مشكلة الضفيره في النيسان وايه اسبابها وياتري بتحصل لكل العربيات ولا الاوتوماتيك بس لاني لما كان الميكانيكي بيغيرلي طقم الدبرياج قلتله علي مشكلة الضفيره دي قالي لا متخافش دي في الاوتوماتيك بس وبصراحه في الاول مكنتش عاوز اسأل لاني خفت انه يكون سؤال ساذج ومعروف عند الكل وانا الوحيد اللي معرفوش بس اللي شجعني لما لقيت اني فيه ناس مش عارفه اي حاجه عن الموضوع ده وبصراحه دورت علي اي شرح لمشكلة الضفيره باستفاضه في قسم نيسان في المنتدي بس ملقتش وياريت لو فيه صور للضفيره وتوضيح للمشكله اكتر لاني بصراحه الموضوع ده بالنسبالي لوغاريتمات

[Dr'AhmZZong]

أنا مش عارف الصنيعية هيبطلوا فتي لغاية امتى !!!!

.. بص حضرتك : مشكلة الضفيرة مش عربية بذاتها منوال أو اوتوماتيك ..

المشكلة بتيجي في 70 80 % منوال و 20% اوتوماتيك .. بصراحة معرفش ليه ! ..

و يا باشا إن شاء الله متقلقش مفيش أي حاجة هتظهر عندك إن شاء الله ..

تفائلوا بالخير تجدوه ..

تحياتي ..

[_hema]

أنا مش عارف الصنيعية هيبطلوا فتي لغاية امتى !!!!

.. بص حضرتك : مشكلة الضفيرة مش عربية بذاتها منوال أو اوتوماتيك ..

المشكلة بتيجي في 70 80 % منوال و 20% اوتوماتيك .. بصراحة معرفش ليه ! ..

و يا باشا إن شاء الله متقلقش مفيش أي حاجة هتظهر عندك إن شاء الله ..

تفائلوا بالخير تجدوه ..

تحياتي ..

ياجاااااااااااااااااااااامد


تحيااااااااااااااااااتى

[Youssef.Awad]

بصراحة فتى التجار والصنايعية ده يودى فى داهية !!!

عيوب الضفيرة ظهرت فى موديلات 2010-2011 من الصنى القديمة - خاصة المانيوال منها - لعيب فى الضفائر الموردة لخط الانتاج بالمصنع من المصنع المتعاقد معاه بمواصفات معينة اقرتها نيسان اليابان
والاعراض اما ارتفاع او انخفاض وقراءة غير منتظمة لعداد الrpm على السلانسيه او عند اخد الغيارات فى المانيوال كقراءة 1.5-2 او اكتر لفترة قد ترجع للطبيعى عند 0.8 وحدها او بعد اطفاء وتشغيل المحرك مرة اخرى وقد لا تتغير
أو ان يبطل المحرك تلقائيا فجآة وانت ماشى على غيار ودى نادرا ما تحدث
واذا ثبت العيب فيها سوف يتم تغييرها مجانا فى فترة الضمان لأنها غالبا ما تظهر فى اول عمر العربية الزيرو

[Bishoy.Girgis]

صنايعي بيفتي .. يبقي انت اكيد في مصر :)))))))))))))))))

[Elsebily]

أنا مش عارف الصنيعية هيبطلوا فتي لغاية امتى !!!!

.. بص حضرتك : مشكلة الضفيرة مش عربية بذاتها منوال أو اوتوماتيك ..

المشكلة بتيجي في 70 80 % منوال و 20% اوتوماتيك .. بصراحة معرفش ليه ! ..

و يا باشا إن شاء الله متقلقش مفيش أي حاجة هتظهر عندك إن شاء الله ..

تفائلوا بالخير تجدوه ..

تحياتي ..

أنا بردو حسيت اني الموضوع فيه فتي ومش فكرة تشاؤم ولا حاجه بس الفكره اني بحب ابقي عامل حساب الحاجه قبل ما تحصل ولو فيه احتمال واحد في الميه انها تحصل وألف شكر لرد حضرتك

بصراحة فتى التجار والصنايعية ده يودى فى داهية !!!

عيوب الضفيرة ظهرت فى موديلات 2010-2011 من الصنى القديمة - خاصة المانيوال منها - لعيب فى الضفائر الموردة لخط الانتاج بالمصنع من المصنع المتعاقد معاه بمواصفات معينة اقرتها نيسان اليابان
والاعراض اما ارتفاع او انخفاض وقراءة غير منتظمة لعداد الrpm على السلانسيه او عند اخد الغيارات فى المانيوال كقراءة 1.5-2 او اكتر لفترة قد ترجع للطبيعى عند 0.8 وحدها او بعد اطفاء وتشغيل المحرك مرة اخرى وقد لا تتغير
أو ان يبطل المحرك تلقائيا فجآة وانت ماشى على غيار ودى نادرا ما تحدث
واذا ثبت العيب فيها سوف يتم تغييرها مجانا فى فترة الضمان لأنها غالبا ما تظهر فى اول عمر العربية الزيرو

أولا الف شكر للمعلومات القيمه بس اسمحلي اكون فضولي شويه واستفسر هل معني الكلام ده ان الضفيره مش قطعة استهلاكيه بمعني انها مش ليها عدد كيلوهات معينه وتتغير بعدها وانها بتتغير اول مره بس وخلاص لاني كان فيه بردو مشاركه لاحد الاعضاء معاه نيسان 2008 وكان عنده مشكله وحضرتك قولتله علي موضوع الضفيره وانها هتتغير ب 4500 ج ولو هي قطعه استهلاكيه فايه الاسباب في تلفها ؟؟؟؟

[Youssef.Awad]

أولا الف شكر للمعلومات القيمه بس اسمحلي اكون فضولي شويه واستفسر هل معني الكلام ده ان الضفيره مش قطعة استهلاكيه بمعني انها مش ليها عدد كيلوهات معينه وتتغير بعدها وانها بتتغير اول مره بس وخلاص لاني كان فيه بردو مشاركه لاحد الاعضاء معاه نيسان 2008 وكان عنده مشكله وحضرتك قولتله علي موضوع الضفيره وانها هتتغير ب 4500 ج ولو هي قطعه استهلاكيه فايه الاسباب في تلفها ؟؟؟؟

الضفيرة دى المفترض انها من عمر العربية لكن وجود بعد الباتشات المعيبة اللى نزلت فى موديلات 2010-2011 هى اللى استدعت تغييرها فى الضمان على حساب مصنع الضفائر اللى بيورد لنيسان .. بالبلدى كده بياخدوا البايظة ويعملوا بيها تقرير ويبعتوها لمصنع نيسان وهى تبدلها مع المصنع اللى بيوردلهم الضفائر على خط الانتاج

مشكلة العضو صاحب العربية مو2008 مشكلة استثنائية وانا استبعدت ان السبب يكون نفس السبب اللى ظهر معايا او ظهر مع بعض الاعضاء على فترات متقاربة بعد شراء موديلات 2010-2011 وفى الاغلب عنده عيب تانى ويلزم الكشف للوقوف على صحته

وعشان كده انا حطيت احتمال انها لو ضفيرة فعلا مش هاتتغير فى الضمان لأنه انتهى والعربية مو2008 وهو غير معيب بالمشكلة دى زى الموديلات الرائجة فى مراكز الخدمة كلها وبالتالى هايضطر يشتريها على حسابه بالمبلغ المذكور

والسبب الوحيد من وجهة نظرى انها تبوظ بعد فترة كده هو تركيب كماليات زى الزينون او غيرها مما يستدعى عمل وصلات فرعية فى الضفيرة

وعلى فكرة الضفيرة اللى بنتكلم عليها دى هى السلوك الملفوفة بانابيب بلاستيك ولزق اسود فوق الموتور من البطارية للانجشكن للبوجيهات والاسبراتير والدينامو وغيرها من اجزاء الكهرباء داخل كبوت العربية ..

[Elsebily]

الضفيرة دى المفترض انها من عمر العربية لكن وجود بعد الباتشات المعيبة اللى نزلت فى موديلات 2010-2011 هى اللى استدعت تغييرها فى الضمان على حساب مصنع الضفائر اللى بيورد لنيسان .. بالبلدى كده بياخدوا البايظة ويعملوا بيها تقرير ويبعتوها لمصنع نيسان وهى تبدلها مع المصنع اللى بيوردلهم الضفائر على خط الانتاج

مشكلة العضو صاحب العربية مو2008 مشكلة استثنائية وانا استبعدت ان السبب يكون نفس السبب اللى ظهر معايا او ظهر مع بعض الاعضاء على فترات متقاربة بعد شراء موديلات 2010-2011 وفى الاغلب عنده عيب تانى ويلزم الكشف للوقوف على صحته

وعشان كده انا حطيت احتمال انها لو ضفيرة فعلا مش هاتتغير فى الضمان لأنه انتهى والعربية مو2008 وهو غير معيب بالمشكلة دى زى الموديلات الرائجة فى مراكز الخدمة كلها وبالتالى هايضطر يشتريها على حسابه بالمبلغ المذكور

والسبب الوحيد من وجهة نظرى انها تبوظ بعد فترة كده هو تركيب كماليات زى الزينون او غيرها مما يستدعى عمل وصلات فرعية فى الضفيرة

وعلى فكرة الضفيرة اللى بنتكلم عليها دى هى السلوك الملفوفة بانابيب بلاستيك ولزق اسود فوق الموتور من البطارية للانجشكن للبوجيهات والاسبراتير والدينامو وغيرها من اجزاء الكهرباء داخل كبوت العربية ..

ألف شكر بجد عالمعلومات دي وبصراحه طمنتني لاني كنت مقلق يحصلها حاجه وخاصة بعد اما قريت مشاركة حضرتك مع صاحب العربيه موديل 2008 لاني كنت عارف انها في موديل 2010 و 2011 وكمان المفروض انه بيتم حل المشكله في الضمان فلما شفت السعر بصراحه اتخضيت

[mostmory]

السلام عليكم ورحمة الله
انا مصطفي صاحب العربية 2008 مانويل ومشكلتي اتحلت وحطيت الرد ده في مشكلتي بس قولت احطة هنا تاني
شكرا لكل الردود بصراحة انا مش عارف اقول اية فعلا انا بحب المنتدي من قلبي وكل اعضاءة
الحمد لله المشكلة اتحلت بس كنت عاوز احكلكو ال حصل معايا قبل ما تتحل عشان الكل يستفاد
انا هحكي الحكايه من الاول
المشكلة ال انا حكتها حصلت معايا من وقت بعيد وراحت لكن لما حكتها في المنتدي كانت بدات تتكرر دايما المهم رحت التوكيل اكتر من مرة وكانت بتتظبط وبعد فترة ترجع تاني وانا دايما بتعامل مع توكل اتو ايجيبت ومحدش عاوز يقولي العيب فين لغاية في مرة العيب ده حصل وار بي ام علق مني علي واحد ونص وانا ماشي ركنت العربية ونزلت فتحت الكبوت وخبطت علي التي بي اس لقيتها اتظبطت والموتور رجع هادي تاني قولت خلاص هو التي بي اس لازم اغيره المهم قولت اغير واروح توكيل مودرن موتورز وياريتني ماروحت المهم روحت التوكيل الساعة 10 صباحا واعقدت مع مهندس الاستقبال وشرحتلو ال بيحصل معايا وقولتله علي اخر حاجة حصلت معايا وهي اني خبطت علي التي بي اس والعربية ظبطت وانا عاوز اغيرة المهم قلي لازم نكشف عليها كمبيوتر الاول قولتله لا انا عارف السبب وعاوز اغير التي بي اس فضل يكمني ويقنعني انة ممكن يكون حاجة تاني المهم في الاخر قولتلة خلاص اكشف عليها بالكمبيوتر بس من غير ما يظبط فيها اي حاجة غير لما يقولي المهم اعقدت حوالي 3 ساعات بعد كدا قلي العربية خلصت واتظبطت هههههههههههههههه قولت يمكن كنت انا غلطان المهم روحت ركبت العربية وقولت ادور واجربها وكانت المفجئة العربية خربت اكتر العربية مش مظبوطة علي السلانسية والار بي ام بيلعب والعربية مخنوقة في السحب كل ده بعد مادفعت 175 جنية وكان اتفقي معاهم علي 75 حنية كشف بس من غير ضبط المهم رجعت تاني واتكلمت مع المهندس ال في الورشة قولتلو انا العربيه حصل فيها كذا وكذا قلي لا العربية اتظبطت وانت عندك مشاكل في عداد الار بي ام هههههههههههههههههه انا كنت عارف اني عندي مشكلة في عداد الار بي ام كانو قلولي علية اتو ايجيبت قبل كدا قولت للمهندس انا عارف ان العداد في حاجة بسيطو اة وهو بيرجع بيرجع متقطع وده مش عاملي مشكلة المشكلة بقولة اني لو العدد مش مظبوط بس المتور مش بيتاثر مع حركتة يبقي عادي بس ال بيحصل انا الموتور مش مظبوط والار بي ام بيلعب حولت افهمة مش عاوز يففهم قولتلة انا اكتر واحد يحس بالعربية لانها بتعتي وانا ال عارف ال فيها تخيلو قلي اية قلي انتا ما تفهمش حاجة رحت رادد علية وقولتلة انا بفهم احسن منك ومن ال مشغلينك حنا انا دكتور في الجامعة انت اذاي تكلمني كدا المهم سبتو ومشيت روحت لمدير الصيانة اول ما دخلت لقيتة بيفتح الشباك ال في الورشة وبيبص علي مكتب مدير الصيانة ولسه هيتكلم واول ما شافني داخل اتكتم المهم مدير الصيانة راجل مش مظبوط حكتلو ال حصل وكان عادي جدا وقلتله ان كان اتفاقي مع المهندي كشف بس محدش يظبط حاجة في الموتور قبل ما يقولي وهما خربو الدنيا اكتر قولتلو انا مش هدفع غير ثمن الكشف بس وعاوز باقي الفلوس وكفاية ال حصل قلي خلاص بس كل ده واحنا بنتكلم بصوت عالي كنا شوية ونمسك في بعض قالي للمهندس رجع العربية زي ماكانت قولتلة لا مش عاوز حد يلعب فيها تاني انا بس مش عاوز غير التي بي اس قلي معندناش تخيلو قولت خلاص اخدت باقي الفلوس ومشيت والعربية كانت في اسوء حالتها طلعت علي اتو ايجبيت وانا بقول من طلع من دارة اتقل مقدارة ههههههههههههههههههههههههه روحت اتو ايجيبت وقولتلهم الحكاية دور العربية المهندس وقلي الدي العربية اتبهدلت ومش مظبوطة خالص وتقريبا الايدل مش حاسس بالعربية المهم دخلوها الكمبيوتر وظبطو العربية احسن من الاول والسحب اتحسنت بس مش ذي الاول حاسس اني في حاجة غلط وقلولي ان هي محتاجة طقم دبرياج المهم مشيت كانت الساعة خمسة ونص وانا هلكان ونفسيتي باظت لدرجة اني فكرت ابيع العربية واخلص المهم رجعت تاني يوم بدور العربية لقيتها بتترعش ره تاني وشوية والار بي ام يعلق ونفس المشكلة قولت شكل مودرن موتورز عملو حاجة في العربية واتوايجيبت مش عارف يظبوطها ومش عاوزين يقولولي المهم قررت اروح اتو ايجيبت تاني وقولهم علي ال حصل معايا وبالمره اغير طقم الدبرياج روحت تاني يوم الساعة 8 ونص والعربية دخلت الساعة 12 الني مكنتش حاجز المهم خلصت علي الساعة 4 والمهندس اخدني العربية نجربها فعلا البرياج خف جامد والعربية اتظبطت لانهم ايضا حطوها علي الكميوتر المهم بعد ما رجعنا من التجربة بدور العربية لاقيتها بترعش تاني كنت هعيط ومسكت نافي وقولت للمهندس العربية بترعش تاني المهم اخدها جوه وجة قالي ده عيب ضفيرة م وكانت المفجئة بس انا ما صدقتش لان عربيتي ماكنتش كدا وانا اكتر واحد عرفها ومره واحد قلي ان ساعات الكمبيوتر مش بيحس بكل حاجة خاصتا العيب الميكانيكي بتاع الحساس كل ده كان بيدور في دماغي وهو بيقولي ده عيب الضفيرة روحت قولتلة انا عاوز اغير التي بي اس والايديل علي اي وضع حاجة جوايا خلتني اقوله كدا قلي انتا عارف سعرهم كام قولتلة عارف هما في حدود 1000 جنية وكانت الساعة 5 المغرب وقلي مش هينفع النهارد قولت في دماغي مش همشي غير لما اغيرهم المهم قاي ده مش عيب حساسات والكمبيوتر شايفهم شغلين قولتلة هغيرهم المهم قلي علي مسؤليتك قولته ماشي وكنا شوية وهنشد في الكلام اتصل بمهندس الورشة وقله هينفع نغيرهم دلوت قلة ماشي لاني قبليها دخلت لمهندس الورشة وحكيتلو بقي علي كل حاجة من البداية وشكلي صعبت علية لاني كنت ماسك نفسي بالعافية هعيط خلاص المهم العربية دخلت الورشة تاني وغيرو التي بس اس والايديل ال خلاني اشك في الايديل عشان كدا غيرتة هي الرعشة الجديده ال ظهرت بعد مودرن موتورز وال خلاني اغير التي بي اس هو ثبات الاربي ام ده ال كان في دماغي المهم نرجع تاني العربية وهي طلعة من الورشة وقربت مني حسيت بيها حسيت انها اتظبتت فعلا العربية اتظبتت ورجعت ذي الاول سعتها ركبت العربية ودورت والار بي ام ثابت والرعشة راحت سعتها بقي انا عيطت فعلا ومقدرتش امسك نفسي من العياط لدرجة المهندس اعقد يهدي فيا وانا مش قادر امسك نفسي مش قادر بجد تعبت تعبت وكانت الساعة 6 ونص دخلني جو واعقد يهدي فيا زقلي مالك بس اهدي وصلي علي النبي وانا مش قادر امسك نفسي وفين لما هديت وقالي بقي مالك قولتله هو لية مفيش حد بيحاول يسمعني صح انا جيت كام مرة عشا ن المشكلة دي ومحدش فكر يسمعني صح وكل شوية تكتبو في الورقة ال هتخش الصيانب مشكله في الار بي ام وقلتلو مين ال صنع الكمبيوتر قلي الانسان قتلي بيقي الانسان بفهم احسن منة قلي كان عندق حق وقلتي تعالي نتعشي مع بعض قولتلة مش هنفع اخويا مستنني ومشيت كانت الساعى 7 مساءا والعربية اتظبتت واتصل بيا بعديها واطمن عليا بجد المهندسين هناك محترمين جدا ربنا يبارك فيهم بس انا عاتبت عليهم في حتة انهم لازم يسمعو كل ناس صح ويسمعو ال جواهم وربنا يبارك فيهم وشكرا ليكو ومعلش دوشتكم

[Sehsss]

لعنة الله على الضفيرة

[Elsebily]

السلام عليكم ورحمة الله
انا مصطفي صاحب العربية 2008 مانويل ومشكلتي اتحلت وحطيت الرد ده في مشكلتي بس قولت احطة هنا تاني
شكرا لكل الردود بصراحة انا مش عارف اقول اية فعلا انا بحب المنتدي من قلبي وكل اعضاءة
الحمد لله المشكلة اتحلت بس كنت عاوز احكلكو ال حصل معايا قبل ما تتحل عشان الكل يستفاد
انا هحكي الحكايه من الاول
المشكلة ال انا حكتها حصلت معايا من وقت بعيد وراحت لكن لما حكتها في المنتدي كانت بدات تتكرر دايما المهم رحت التوكيل اكتر من مرة وكانت بتتظبط وبعد فترة ترجع تاني وانا دايما بتعامل مع توكل اتو ايجيبت ومحدش عاوز يقولي العيب فين لغاية في مرة العيب ده حصل وار بي ام علق مني علي واحد ونص وانا ماشي ركنت العربية ونزلت فتحت الكبوت وخبطت علي التي بي اس لقيتها اتظبطت والموتور رجع هادي تاني قولت خلاص هو التي بي اس لازم اغيره المهم قولت اغير واروح توكيل مودرن موتورز وياريتني ماروحت المهم روحت التوكيل الساعة 10 صباحا واعقدت مع مهندس الاستقبال بقي انا عيطت فعلا ومقدرتش امسك نفسي من العياط لدرجة المهندس اعقد يهدي فيا وانا مش قادر امسك نفسي مش قادر بجد تعبت تعبت وكانت الساعة 6 ونص دخلني جو واعقد يهدي فيا زقلي مالك بس اهدي وصلي علي النبي وانا مش قادر امسك نفسي وفين لما هديت وقالي بقي مالك قولتله هو لية مفيش حد بيحاول يسمعني صح انا جيت كام مرة عشا ن المشكلة دي ومحدش فكر يسمعني صح وكل شوية تكتبو في الورقة ال هتخش الصيانب مشكله في الار بي ام وقلتلو مين ال صنع الكمبيوتر قلي الانسان قتلي بيقي الانسان بفهم احسن منة قلي كان عندق حق وقلتي تعالي نتعشي مع بعض قولتلة مش هنفع اخويا مستنني ومشيت كانت الساعى 7 مساءا والعربية اتظبتت واتصل بيا بعديها واطمن عليا بجد المهندسين هناك محترمين جدا ربنا يبارك فيهم بس انا عاتبت عليهم في حتة انهم لازم يسمعو كل ناس صح ويسمعو ال جواهم وربنا يبارك فيهم وشكرا ليكو ومعلش دوشتكم

بصراحه دي رحلة كفاح مش تصليح عربيه والحمد لله اني عربيتك رجعت تمام لاني لو مكنتش صممت علي تغيير الايدل والتي بي اس كان هتفضل المشكله زي ما هي وحتي لو فكرت تبيعها كان المشتري هيلاحظ العيب وإن رضي يشتريها كان هينزل فيها جامد بسبب عيب تافه زي ده
بس عامة ألف مبروك علي سلامة العربيه يا دكتور