باركولى .. حغـير قريب .. ومحـتاج مسـاعـدتكـم فى الاخـتيار

[Ahmed.TV]

محتاج اخد رايكم فى الاختيار بين واحد من الفانوسين دول على عربيتى

ده الاول الكروم


الثانى الداخل بتاعه اسود



وده تركيبهم بالفوتو شوب على عربيتى على قدر الامكان
عشان تتخيلوا معايا

الاول الكروم
بس طبعا لونه فى الفوتو شوب مش كروم وافتح قوى لكن لما حيركب حيكون شكله احسن من كدا



وده الاسود بعد ماركبته بالفوتو شوب على العربية
وبردوا لما حيكرب حيكون مختلف .. لان سواده هنا ظاهر اوى ومش حلو



اتمنى تساعدونى فى الحيرة دى
انا زى ما انتوا شوفته حاولت اركبهم بالفوتو شوب عشان الحيرة تنتهى .. بس بردوا مش عارف

منتظر ارائكم

[Khaled Lanos]

أنا حاسس إن الأول أجمل واشيك من التاني.

[ART_tv90]

محتاج اخد رايكم فى الاختيار بين واحد من الفانوسين دول على عربيتى

ده الاول الكروم


الثانى الداخل بتاعه اسود



وده تركيبهم بالفوتو شوب على عربيتى على قدر الامكان
عشان تتخيلوا معايا

الاول الكروم
بس طبعا لونه فى الفوتو شوب مش كروم وافتح قوى لكن لما حيركب حيكون شكله احسن من كدا





منتظر ارائكم

اعتقد رقم واحد يكسب .. لانه ماشى مع الشبكه الاماميه
انما الاسود صعب شويه ..
والرأى الاخير .. يرجع ليك طبعا

[S O P H O S]

مش عارف راي مختلف
راي ان التاني ملفت اكتر وغير تقليدي
مجرد راي ..

[Ahmedmiy]

بسم الله الرحمن الرحيم

بسم الله الرحمن الرحيم

الحمد لله والصلاة والسلام على رسول الله نبينا محمد خير خلق الله

ما شاء الله

ومبروك إن شاء الله الشكل الجديد صديقى وأخى الحبيب

من وجهة نظرى المتواضعة الإختيار الأول سيكون رائع جدا

وإن شاء الله كل الصقور تقول رأيها ويكون الاختيار السليم فى النهاية بما أن الأمر شورى فتأكد من ذلك .

أعزك الله وحفظك وجعل لك السداد والنجاح سبيل لا ينتهى وأنزل الله عليك الرضا والسعادة ما يبلغك به جنته إن شاء الله



سبحان الله وبحمده سبحان الله العظيم

سبحان لله العظيم وبحمده

لا حول ولا قوة إلا بالله

[حماده المصري]

الاول شيك ومدي انطباع زي ما يكون فيس ليفت او فوانيس موديل اوروبي مثلا

انما التاني الحقيقه مدي انطباع انك مفييم الفانوس ومش ناقصلك غير الديفل ورا


اختار انت بقى انت عايز ايه فيهم

[FBIAhmed]

رقم 2 بلا جدال

[Mohab.Nabil]

الثانى هيبقى احلى عشان هيكسر لون الشبكة شوية لأن الشبكة كبيرة و هيبقى كأنه فاصل جميل فى النقلة بين لون الشبكة و بين لون العربية

بالتوفيق ان شاء الله

[Ahmed.TV]

انا كدا كدا معدل فى العربية ومركز ديفل ورا .. وعامل عتب وكساحات قدام وورا
انا محتار بين الاتنين
الكروم حيكون ماشى مع الشبكة فعلا .. وحيفتح العربية
والاسود بردوا حلو حيمشى مع التعديل اللى عمله فى العربية
ودى صورة لعربيتى بعد ما عدلت فيها العتب والكساحات

دى صور عربيتى الفترة الاخيرة
اللى يتفرج يقول فى سره بسم الله ماشاء الله حتى لو كانت مش حلوة

الصور اللى فى اول الموضوع كنت مصورها لعربيتى لما كانت جديدة

والصور دى لشكل عربيتى دلوقتى

ها قولتوا ايه
اختار ايه

[حماده المصري]

انا كدا كدا معدل فى العربية ومركز ديفل ورا .. وعامل عتب وكساحات قدام وورا
انا محتار بين الاتنين
الكروم حيكون ماشى مع الشبكة فعلا .. وحيفتح العربية
والاسود بردوا حلو حيمشى مع التعديل اللى عمله فى العربية
ودى صورة لعربيتى بعد ما عدلت فيها العتب والكساحات

دى صور عربيتى الفترة الاخيرة
اللى يتفرج يقول فى سره بسم الله ماشاء الله حتى لو كانت مش حلوة

الصور اللى فى اول الموضوع كنت مصورها لعربيتى لما كانت جديدة

والصور دى لشكل عربيتى دلوقتى

ها قولتوا ايه
اختار ايه

بسم الله ماشاء الله مع اني مش بحب التعديلات

بس كده اعتقد والله اعلم الفانوس التاني هيزبط مع العربيه

[حماده المصري]

ركب الفوانيس على الصوره رقم 3 الي طالع فيها العربيه بوشها والفوانيس وعاين كده وشوف

[د. علاء ابراهيم]

الاولانى شيك اوى تحسه حاجة كده اوريجينال
بس بردك شكله مش بعيد اوى عن الاصلى
لكن الثانى حيغير شكل العربية
تعرف يا احمد بك المشكلة ان عربيتك لونها غامق سيكه لو كان فاتح كان يبقى الاسود وشششششششش
بس بردك حاسس ان الاسود حيكون فيه تغيير لشكل العربية اكثر
و يا سلام لو مع الاسود ده رنجات ليد و زينون
او اضعف الايمان اللمبات (و بالزات صف اللمبات الصغيرة اللى فوق على شكل خط دول) يبقو تلجى يااااااه يبقى جاااااااامد

[canner]

انا شخصيا اختار الاول

[Ahmed Selim]

بسم الله ما شاء الله

نصيحتي لو هتركب التاني تعمل الشبكة بنفس اللون بحيث أن علامة نسيان تبقى هى الحاجة الوحيدة الكروم قدام ( معلش انا على قدي فى الفوتوشوب )

[Mohamed Elnagar]

نصيحه ولا ده ولا ده الفوانيس الجاهزه نورها زفت منظر جميل لكن اضائه سيئه انا معايا للكورولا وكنت مركبهم قعدتهم شويا وبعد كده شيلتهم وحطيت الاصليين علشان النور