خاص لمقابلة المنتدى في الاسكندرية اللي ناويين يباتو

[DarkMagician]

بسم الله الرحمن الرحيم

خدت لفة على الفنادق وعرفت الاسعار وكده وطبعا الاسعار في الهداوة عشان البلد بتنش

انا صورت الغرف عشان الناس تشوف برضو لان في كذا حد قالي انو ممكن يبات

كل الفنادق 3 نجوم

السعر لغرفة دبل مع افطار

1- فندق مكة
الموقع كامب شيزار على البحر مباشرة

الميزة باركن كبير على البحر و ب 3 جنيه بغض النظر عن الفترة

غرف نضيفة وكويس

سعر الاقامة 334 شاملة الافطار




2- فندق قاعود
يعتبر في سبورتنج
السعر 350




3- فندق الحرم

السعر حوالي 350
المكان كيلوباترا على البحر





4-فندق سيراميس
السعر 200 جنيه
المكان في محطة الرمل
----------------------------
ترشيحي الخاص فندق مكة
واللي ناوي ينزل البلد ويلف يبقى فندق سيراميس

معلش على جودة الصور
ويارب الموضوع يفيد حد لو ناوي يبات

[Ahmed.TV]

معقولة فى ناس محترمة زيك كدا فى الزمن ده
تنزل وتلف وتدخل فنادق عشان تدور لاخوانك على احسن الفنادق فى اسكندرية .. مع انك مش عارف مين اللى جى المقابلة .. ومش عارف الناس اذا كانت حتبات ولالا !!!!!

بصراحة ونعم الرجال المحترمين
وبغض النظر عن انى حبات ولالا .. لانك عارف ان لو كنت حبات فا انا عندى شقة .. الا وانى برفعلك القبعة على موقفك النبيل .. اللى مينفعش الواحد يشوفك عامل مجهود زى ده وخدمة لينا حتى لو مش حنستفاد منها وميدخلش يدعيلك ويقولك .. جزاك الله خيرا بجد يا اسامة
وربنا يباركلك ويجعله فى ميزان حسناتك
بصراحة موقف فى منتهى الرجولة و الاصالة .. وانت عارفنى .. مينفعش اشوف حاجة زى كدا ومش اشكرك عليها .. لان الحمد لله اعرف معنى قيمة الاصالة والحب للغير .. فكان لازم اشكرك من القلب

ومعرفش الاعضاء ازاى اللى بيدخلوا وشاف الموضوع .. محدش لفت نظره
ان الموقف موقف انسانى وموقف شخص بيحبنا وكان لازم نوجه له شكر وتقدير على موقفه النبيل !!!!!

تسلم يا اسامة على حبك .. وربنا يديم المعروف بينا
وحقيقى بفخر بصداقتى ليك

تحياتى

[DarkMagician]

معقولة فى ناس محترمة زيك كدا فى الزمن ده
تنزل وتلف وتدخل فنادق عشان تدور لاخوانك على احسن الفنادق فى اسكندرية .. مع انك مش عارف مين اللى جى المقابلة .. ومش عارف الناس اذا كانت حتبات ولالا !!!!!

بصراحة ونعم الرجال المحترمين
وبغض النظر عن انى حبات ولالا .. لانك عارف ان لو كنت حبات فا انا عندى شقة .. الا وانى برفعلك القبعة على موقفك النبيل .. اللى مينفعش الواحد يشوفك عامل مجهود زى ده وخدمة لينا حتى لو مش حنستفاد منها وميدخلش يدعيلك ويقولك .. جزاك الله خيرا بجد يا اسامة
وربنا يباركلك ويجعله فى ميزان حسناتك
بصراحة موقف فى منتهى الرجولة و الاصالة .. وانت عارفنى .. مينفعش اشوف حاجة زى كدا ومش اشكرك عليها .. لان الحمد لله اعرف معنى قيمة الاصالة والحب للغير .. فكان لازم اشكرك من القلب

ومعرفش الاعضاء ازاى اللى بيدخلوا وشاف الموضوع .. محدش لفت نظره
ان الموقف موقف انسانى وموقف شخص بيحبنا وكان لازم نوجه له شكر وتقدير على موقفه النبيل !!!!!

تسلم يا اسامة على حبك .. وربنا يديم المعروف بينا
وحقيقى بفخر بصداقتى ليك

تحياتى

يا باشا اي الكلام الكبير ده والله يا احمد الواحد مكسوف من نفسو قصاد اللي انت بتعملو

يعني الواحد عاوزلو منتدى لوحدو عشان يكفي الكلام اللي يتقال فيك

وانا قلت ممكن ناس تكون مترددة تيجي عشان مش عارفة اي النظام وخايفة من موضوع البيات فقلت الواحد يسهلها وان شاء الله اكون فدت

ومتشكرين على تقديرك يا احمد

[saint2011]

مجهود مشكور عليه يا أسامة باشا وده مش غريب على أهل أسكندرية الجدعان

[DarkMagician]

مجهود مشكور عليه يا أسامة باشا وده مش غريب على أهل أسكندرية الجدعان

يا باشا ده اقل حاجة للناس الجميلة اللي الواحد بيشوفها وبيتعرف عليها :)

[moumen_hs]

ماهى دية روح الصقور المطلوبة الى خلت الواحد يحب الناس فى المنتدى دة

[gadoo30]

جزاك الله خيرا انا كل يوم بحب الجروب دة لان كلهم بيخافوا على بعضهم

[Bishoy.Girgis]

حقيقي يا اسامة الواحد مهما قال مش هيوفي محبتك الغير عاديه ديه .. بجد راجل بمعني الكلمة .. متشكرين يا جميل علي تعبك الغالي

[م. حاتم السباعي]

اقل واجب من اسامة قشقاي تجاه اخوانه في المنتدي و ده واجب عليه كمان ههههههههههه
طبعا كل التقدير و التحية للاخ الفاضل المهندس اسامة الخولي الشهير بأسامة قشقاي
و طبعا انا شكرتك في التليفون بس كان لازم ندخلو الدخلة دي علشان الكبير ميزعلش ايه رأيك في ( ندخلو دي مش بقيت اسكندراني كده )
تحياتي ليك يا سمسم و ربنا يجعله في ميزان حسناتك و يقدرني علي رد جمايلك

[د. علاء ابراهيم]

فى فندق على الكورنيش قريب من مكة اسمه فندق جدة
ارخص و كويس جداااااااااا عن تجربة

[DarkMagician]

جزاك الله خيرا انا كل يوم بحب الجروب دة لان كلهم بيخافوا على بعضهم

ربنا يكرمك ويزيد المحبة

حقيقي يا اسامة الواحد مهما قال مش هيوفي محبتك الغير عاديه ديه .. بجد راجل بمعني الكلمة .. متشكرين يا جميل علي تعبك الغالي

شاكر تقديرك يا بشوي الواحد ياماا استفاد يعني من الناس في المنتدى

اقل واجب من اسامة قشقاي تجاه اخوانه في المنتدي و ده واجب عليه كمان ههههههههههه
طبعا كل التقدير و التحية للاخ الفاضل المهندس اسامة الخولي الشهير بأسامة قشقاي
و طبعا انا شكرتك في التليفون بس كان لازم ندخلو الدخلة دي علشان الكبير ميزعلش ايه رأيك في ( ندخلو دي مش بقيت اسكندراني كده )
تحياتي ليك يا سمسم و ربنا يجعله في ميزان حسناتك و يقدرني علي رد جمايلك

يا هندسة تعالى انت بس وسيبك من الاونطة دي

دنتا خلاص تيجي تعيش معانا هنا على كلمة ندخلو :]

ومفيش جمايل بينا يا بشمهندس

فى فندق على الكورنيش قريب من مكة اسمه فندق جدة
ارخص و كويس جداااااااااا عن تجربة

معجبنيش للاسف

[د. علاء ابراهيم]

معجبنيش للاسف

و الله انا كنت رحت هناك من 5 سنوات و كان مستواه جيد بالقياس لسعره
و على ما اذكر كان فى غرف اتعمل فيها تجديد و غرف تانية لا
الغرف التانيه دى تحسها فقيرة اوى
بس المجموعة اللى اتعمل فيها تجديدات كانت جيدة
و اكرر انه فندق جدة مش فندق نوبل( لان التانى ده قريب منه بس مستواه اقل)
و فى فندق اسمه كيلو بترا اوعوووووووووووووواااااااااااااا اى حد يروح هناك

و فى النهاية الله اعلى و اعلم يمكن المستوى اتغير الان (دول خمس سنوات) و بردك الاخخ دارك شاف بعنيه الاماكن على حالتها الان و يمكن يكون واخد باله من حجات تانيه انا مش واخد بالى منها

[SHNORY]

http://www.nilemotors.net/Nile/318409-16-11-2012-a.html

[lanos2004]

شكرا لتعب حضرتك بس مافيش فندق سلم ؤلا دكه بسته جنيه من غير فطار

[alaa m]

يا استاذ اسامة ربنا يجازيك خير ويجعله فى ميزان حسناتك

[overline][/overline]

بسم الله الرحمن الرحيم

خدت لفة على الفنادق وعرفت الاسعار وكده وطبعا الاسعار في الهداوة عشان البلد بتنش

انا صورت الغرف عشان الناس تشوف برضو لان في كذا حد قالي انو ممكن يبات

كل الفنادق 3 نجوم

السعر لغرفة دبل مع افطار

1- فندق مكة
الموقع كامب شيزار على البحر مباشرة

الميزة باركن كبير على البحر و ب 3 جنيه بغض النظر عن الفترة

غرف نضيفة وكويس

سعر الاقامة 334 شاملة الافطار




2- فندق قاعود
يعتبر في سبورتنج
السعر 350




3- فندق الحرم

السعر حوالي 350
المكان كيلوباترا على البحر





4-فندق سيراميس
السعر 200 جنيه
المكان في محطة الرمل
----------------------------
ترشيحي الخاص فندق مكة
واللي ناوي ينزل البلد ويلف يبقى فندق سيراميس

معلش على جودة الصور
ويارب الموضوع يفيد حد لو ناوي يبات

الف شكر على المجهود الرائع