سؤال عن فلتر k&n الاستوك

[Sehsss]

السلام عليكم ورحمة الله

النهاردة روحت tps وجيبت فلتر k&n ستوك لعربيتي (نيسان صني) بالإضافة إلى المنظف.. وبصراحة الفلتر خاماته جميلة جدا وهناك مشكورين عرفوني كيفية تنظيفه كل 5 آلاف كيلو..
السؤال.. هل قبل ما أحط الفلتر (للمرة الأولى) أحط عليه زيت قبل ما يتحط في العمة (علبة الفلتر) ولا بيتحط للمرة الأولى بدون أي تزييت.. شكرا مقدما.. وتحياتي

[Dr'AhmZZong]

متقول يا عم إنك رايح تجيبه !!!! ...

عموما مش مشكلة .....

صحيح جبته و المنظف بكام ؟؟ ..

مبرووووك يا حسين ..

[Sehsss]

متقول يا عم إنك رايح تجيبه !!!! ...

عموما مش مشكلة .....

صحيح جبته و المنظف بكام ؟؟ ..

مبرووووك يا حسين ..

الله يبارك فيك
وأنا كنت فاهم من آخر مرة قابلتك فيها إنك مش مقتنع غير بالفلتر العادي علشان كده ما كلمتكش
ووالله يا زونج جت صدفة والفضل فيها لحسين (سونا) وماكانش عند tps غير فلتر واحد وسعره 430 جنيها، والمنظف بـ 180 جنيها (زجاجتان واحدة بتترش بعد ما تغسله بالمياه.. والثانية زيت)

[togo]

متقول يا عم إنك رايح تجيبه !!!! ...

عموما مش مشكلة .....

صحيح جبته و المنظف بكام ؟؟ ..

مبرووووك يا حسين ..

والله انا كمان عاوز واحد للتيدا عشان داخل قريب على 20 الف لوكده نجيب مع بعض لاني برده مش فاهم فيه حاجه والف مبروك عليك ياحسين وبكام سعره؟

[Dr'AhmZZong]

الله يبارك فيك
وأنا كنت فاهم من آخر مرة قابلتك فيها إنك مش مقتنع غير بالفلتر العادي علشان كده ما كلمتكش
ووالله يا زونج جت صدفة والفضل فيها لحسين (سونا) وماكانش عند tps غير فلتر واحد وسعره 430 جنيها، والمنظف بـ 180 جنيها (زجاجتان واحدة بتترش بعد ما تغسله بالمياه.. والثانية زيت)

يا عم مش مشكلة .. أنا فعلا قلتلك إني مش حبه و مش مقنع بيييييييييه ..

بس غالي قوي بجد ..

يعني 600 جنيه < فلتر + منظف > كتيييييير بصراحة ..

والله انا كمان عاوز واحد للتيدا عشان داخل قريب على 20 الف لوكده نجيب مع بعض لاني برده مش فاهم فيه حاجه والف مبروك عليك ياحسين وبكام سعره؟

واللهِ يا توجو أنا كنت فكره هيعمل 300 أو حاجة ..

بس هستنى 4 سنين كده ولا حاجة عابل محوشهم ههههههههههههه ..

حبيبي واحشني ..

[Sehsss]

يا عم مش مشكلة .. أنا فعلا قلتلك إني مش حبه و مش مقنع بيييييييييه ..

بس غالي قوي بجد ..

يعني 600 جنيه < فلتر + منظف > كتيييييير بصراحة ..

لو حسبتها صح هاتلاقيه أوفر

[Sehsss]

والله انا كمان عاوز واحد للتيدا عشان داخل قريب على 20 الف لوكده نجيب مع بعض لاني برده مش فاهم فيه حاجه والف مبروك عليك ياحسين وبكام سعره؟

الله يبارك فيك يا togo وسعر الفلتر 430 جنيها + 180 منظف.. ولو مش عاوز تشتري المنظف ممكن تروح لـ tps كل 5 آلاف كيلو ينظفوهولك.. تحياتي

[Dr'AhmZZong]

لو حسبتها صح هاتلاقيه أوفر

بص أنا كنت قاعد مع ناس بتوع auto cross و كده ..

معدلين عربيتهم و منهم 3 هوندا civic حاجات فجرا كده هههههههههههههه ..

المهم جت سيرة k and n قالولي هو اااااااه و عمره طويل بس هيجي وقت عليه و لازم يتغير ..

و قالولي عايز توفر مع أداء هات أي فلتر و غيره كل 10 الاف ..

بس كده ..

[Sehsss]

بص أنا كنت قاعد مع ناس بتوع auto cross و كده ..

معدلين عربيتهم و منهم 3 هوندا civic حاجات فجرا كده هههههههههههههه ..

المهم جت سيرة k and n قالولي هو اااااااه و عمره طويل بس هيجي وقت عليه و لازم يتغير ..

و قالولي عايز توفر مع أداء هات أي فلتر و غيره كل 10 الاف ..

بس كده ..

طيب أحسبهالك يا لزج.. بص هانقول الفلتر الـ k&n هايقعد 80 ألف كيلو مثلا وبعدين ياعم هارميه وأجيب واحد تاني.. شوف هاتغير كام فلتر عادي واضرب في السعر هايطلعلك (660 جنيها) يبقى أوفر وأفضل ولا لأ، وكمان الفلتر العادي كرتون لو مسكت الـ k&n هاتعرف الفرق الشاسع

[Sehsss]

هل من مجيب ؟؟؟؟!!!!

[Khaled Lanos]

معلش عندي سؤال هو حضرتك جيبت الاستوك زي اللي بيركب في علبة الهواء ولا المخروطي؟

والأداء اختلف معاك ولا لأ؟

وألف مبروك على الفلتر ياباشا.

[Sehsss]

معلش عندي سؤال هو حضرتك جيبت الاستوك زي اللي بيركب في علبة الهواء ولا المخروطي؟

والأداء اختلف معاك ولا لأ؟

وألف مبروك على الفلتر ياباشا.

الاستوك يا باشا.. ولسه ماركتبوش للأسف لأني لسه جايبه النهاردة فمحكمتش عليه
والمخروطي على فكرة بيعمل صداااااااااع علشان كده ما فكرتش فيه
وربنا يبارك فيك

[Bishoy.Girgis]

الف الف مبروك يا محمد .. علي الفلتر الرائع ده و علي فكرة هتحس بفرق غير عادي بعد تركيبه ان شاء الله و خصوصا في سحب العربية و سرعة التجميع و مش هتلاقي العربية مخنوئة
بالنسبة لموضوع الفلتر .. اوعي تعمل فيه اي حاجه .. الفلتر اول ما بتشتريه بيكون جاهز للتركيب فورا و تبتدي تنظف الفلتر بعد 5000 كيلو ان شاء الله
علي فكرة انا كنت عايز اشتري منظف للفلتر بتاعي .. فلو تقدر يا محمد لو تقدر تشتري لي منظف و انا نازل القاهرة ان شاء الله يوم السبت القادم و بالمرة اقابلك يا عم .. واحشني :)))
الف مبروك و شكرا جزيلا

[د. علاء ابراهيم]

بصرف النظر عن اى شىء
اهلا بك و عودا حميدا يا سحس

[gadoo30]

والله انتوا شباب زى العسل