استهلاك البنزين في الصني الجديده

[Hulk 1]

السلام عليكم

انا معايا نيسان صني الشكل الجديد والعربيه دلوقتي عامله 4000 كم. بس ظبت عداد الرحلات كذا مره علشان اعرف استهلاك البنزين اد ايه. كل مره يجيب رقم مختلف في مشوار اداني 10.5 لتر/100كم وكان مشوار طويل - واخر مره كنت مسافه حوالي 120 كم والاستهلاك لاقيته 8.5 لتر--هل دا طبيعي ؟

[shawkylotfy]

لازم الرقم يبقى متغير ... استهلاك البنزين دة علية كذا عامل زى السرعة الحرق الحمولة اتجاة الهوا بس على العموم العربية اقتصادية جداا ومتقلقش نفسك

[gadoo30]

طبيعى لان كل مرة الاستهلاك بيتأثر بنمط القيادة يعنى لو سواقة فيها حرق على سرعات عالية فوق 90 الاستهلاك بيزيد وكمان لو السكةواقفة الاستهلاك بيزيد
لو الطريق كلة مطالع الاستهلاك بيزيد وكذلك التكييف بيزود الاستهلاك
علما بان كمبيوتر الرحلات بيحسب متوسط
افضل طريق للقياس هى اليدوى وللحكم على السيار يكون مشوار سفر سواقة معتدلة بدون حرق والقياس بالطريقة اليدوية اللى هى
1 - فول العربية للزور وصفر عداد الرحلات
2 - خدلك مشوار حلو سفر كدة او عدة مشاوير مع ملاحظة نمط القيادة والتكييف
3 - فول العربية مرة تانية للزور وسجل عدد اللترات وعدد الكيلومتر المستهلك
4 - اقسم عدد الكيلو متر على عدد اللترات يوضح اللتر بيعمل كام كيلو
5 - اضرب فى 20 يوضح الصفيحة بتعمل كام كيلو
كل ما العدد يكبر يكون الاستهلاك افضل

فية طريقة تانية تقسم اللترات على الكيلو متر وتضرب فى 100 يديك بتستهلك اد اية فى 100 كيلو متر زى الكمبيوتر ما بيحسب
وكل ما العدد يقل يكون الاستهلاك افض
واى خدمة

[Hulk 1]

شكرا جزيلا ع الرد والاهتمام -- وفعلا لما كان الاستهلاك 10.5 لتر لكل 100 كم-- كان الطريق زاحمه جدا ع الدائري - وانا هجرب الطريقه الي انت قولتيلي عليها في اي مشوار طوالي.

[kliken]

الطريقه اللى ذكرها الأعضاء ادق طريقه لحساب الاستهلاك فعليا و ده اللى بحسب بيه فى عربيتى

[bakka2010]

شكر على الإفادة . وأنا سمعت إنها عربيه إقتصاديه فى البنزين حقيقى .

[Bishoy.Girgis]

شكرا جزيلا ع الرد والاهتمام -- وفعلا لما كان الاستهلاك 10.5 لتر لكل 100 كم-- كان الطريق زاحمه جدا ع الدائري - وانا هجرب الطريقه الي انت قولتيلي عليها في اي مشوار طوالي.

استهلاك حلو مش وحش لأنه في وقفات كتيرة يعني كأنك جوا البلد