اللي عاوز حاجة من أوتو إيجيبت أبو رواش ..

[madarwish]

إزيكو يا ولاد..

اللي عاوز يستفسر عن أي حاجة من أوتو ايجيبت يا ريت يقول..

أنا ان شاء الله رايح بكرة 18 نوفمبر أعمل صيانة ال20 ألف للتيدا..

رقم تليفوني 01002826499..
شكرا
محمود

[a_bahaa14]

ممكن تسال عن سنسور البارك يكلف كام لصنى 2013 والمده اللازمة

[Bishoy.Girgis]

متنساش استيكر نايل موتورز عشان تاخد الخصم بتاع المصنعية و قطع الغيار

[madarwish]

ممكن تسال عن سنسور البارك يكلف كام لصنى 2013 والمده اللازمة

عيوني.. هاسألك عن سعره و مصنعية تركيبه.

[madarwish]

متنساش استيكر نايل موتورز عشان تاخد الخصم بتاع المصنعية و قطع الغيار

بقى ده اسمه كلام يا راجل :) و هي دي حاجة تتنسي


--------------------------
ممنوع الكتابة باللون الاحمر لانه مخصص للمداخلات الادارية
مشرف القسم ب5

[saint2011]

شكرا أستاذ/ محمود لذوق حضرتك كنت عايز أعرف منشأ الباركينج سنسور الموجود بأتو إيجيبت والذى يركب للصنى الجديدة وسعره الشامل كام وهل بيدهنوه بلون العربية بعد التركيب ولا لأ وشكرااااا لتعاون حضرتك

[the_air_devil]

مليون شكر لذوق حضرتك ....خير الناس أنفعهم للناس


وماعلش لو ممكن تسأللنا على فلتر تكييف الصني 2013 ... هل لسة مش موجود؟؟

[akmm]

عقبال صيانه المليون كم .

[madarwish]

اللي انا عارفه ان ما بيتدهنش بلون العربية.. بس هاسألك لو اتدهن يتكلف كام..

شكرا أستاذ/ محمود لذوق حضرتك كنت عايز أعرف منشأ الباركينج سنسور الموجود بأتو إيجيبت والذى يركب للصنى الجديدة وسعره الشامل كام وهل بيدهنوه بلون العربية بعد التركيب ولا لأ وشكرااااا لتعاون حضرتك

[malta]

ممكن تسالهم عن الصاجة بتاعة التيل الخلفى لصنى 2013 متوفرة و لا لا و هل هى بالحجز زى ماقالى السبع و لغاية دلوقتى محدش اتصل بي من عندهم و شكرا لك

[MaHmOuD MaGdY]

ممكن تسألهم هل فى دلايات للكاوتش لصنى 2013 أو ممكن يركبو بتاعة التيدا ؟؟
أو لوأنا اشتريهم من ebay مثلا هما يركبوها عادى ؟؟؟
ومشكوووووووور مقدما :):)

[Ahmed_Rahem]

هتكون هناك الساعة كام، لو الوقت طلع كويس ممكن اعدى اسلم عليك

[د. علاء ابراهيم]

اسئلة:
فلتر التكييف فى صنى 2013
صاجة الفرامل الخلفية فى صنى 2013

اما بالنسبة لموضوع السنسور بتاع الركن فانا كنت سالت بالتليفون قالو انه صينى 4 عدسات من نوع جيد مافيهوش مشاكل
سعره 300 و تركيبه 150 يبقى كله 450 ( مسالة الدهان دى مش عارف نظامها ايه)

[saint2011]

اللي انا عارفه ان ما بيتدهنش بلون العربية.. بس هاسألك لو اتدهن يتكلف كام..

مفيش أخبار يا أستاذ محمود

[madarwish]

ازيكو يا ولاد.. معلش في التأخير.
بالنسبة لسنسور البارك صني 2013 : قالوا انه هو نفسه بتاع أي عربية تانية صيني و ما حدش اشتكى منه.. طبعا لا يتم دهانه بعد التركيب و هو سعره بالتركيب في حدود 450 جنيه .
بالنسبة لفلتر التكييف: لسه ما نزلش أساسا و مش عارفين حاينزل امتى و كل اللي طلبوه محطوطين في waiting list
بالنسبة لصاج للتيل الخلفي لصني 2013 فهو مش موجود
دلايات كاوتش الصني 2013 مش موجودة و هم ما عندهمش مشكلة في تركيب الدلايات لو جاية من بره.. و مصنعية تركيبه في حدود 75 جنيه.

أرجو أني ما اكونش نسيت حاجة :-)
تحياتي
محمود