كاوتش الصني سوبر صالون الجديده سئ جدا

[ahmed452003]

انا استلمت عربية من اسبوع تقريبا العربيه تمام بس المفاجأه في الكاوتش السىء جدا الماكسس الصيني الرديء بعد 120 على الطريق الصحراوي الشرقي العربيه بتعوم تعويم التنين لدرجة اني مبعرفش اتحكم في العربيه واالكاوتش بيلم زلط السنين بشيك على الكاوتش وتاريخ الانتاج اتفاجأت ان فيع عجلتين واحده انتاج 2004 والتانيه انتاج 2005 يعني الاطارات منتهية الصلاحية والباقي واحدة 2012 وتخيلوا التانية 2013 !!!! واحنا في 2012 على ما اتذكر ايه الاستهبال ده من نيسان ده اسمة تهريج ونصب مش كفاية الكاوتش زباله كمان يكون منتهي الصلاحية ياريت من المسئولين عن القسم يبلغوا نيسان وياريت الاعضاء الي استلموا نيسان الشكل الجديد يشيكوا على الاطارات وتاريخ انتاجها
وياريت استاذ احمد مصطفى يقولي اعمل ايه .... وعلى فكره انا مجال عملي في اطارات السيارات وده شغلي وانا فاهم الي بقولوا هما علشان يقللوا التكلفة يعرضوا حياة الناس للخطر ... ياريت اعرف من الاعضاء الي استلموا هل المشكلة ده عامة ولا عندي انا بس والعمل ايه !!!!!!!! وحسبي الله ونعم الوكيل .
توضيح من العضو ذكر لاحقا فى الموضوع

إ خواني أنا بعتذر جدا على اثارة البلبلة وعن الموضوع وبعترف اني تسرعت في قراءة تاريخ الانتاج لاني متعود انوا يكون اخر اربع ارقام ومتوقعتش انوا يكون الاربع ارقام الي قبلهم والخوف هو الي خلاني اتسرع لان التعويم على السرعات العاله جامد جدا ومبعرفش اتحكم في العربيه واسف على التأخير نظرا لظروف العمل انا عندي الكاوتش كله 3612 وبعتذر لنيسان ولو عوزين اعتذار رسمي انا مستعد ... بس يا اخواني في المجمل الكاوتش سىء جداااااا وصوته عالي وبيلم زلط وبيعوم في السرعات العالية وبكرر اعتذاري ليكوا لاني مدين لكم وللمنتدى ولقسم نيسان ولادارته لان المنتدى ساعدني في اختيار السيارة دي انا نويت اغير الكاوتش واركب مقاس 195/60r15 بس السؤال هل التغيير يؤثر على الضمان ؟ وبكرر اسفي .

تم التعديل بواسطتى
م.ع.4
25/11/2012 5:26pm

[the_air_devil]

أول حاجة خلينا بس نفهم الموضوع بالترتيب


1- هل انت تسلمت العربية من موزع معتمد زي السبع / أوتو إيجيبت / مودرن

2- لو ماستلمتش من عندهم , ممكن تعرفنا استلمتها منين , علشان شكل كدة الموضوع فيه لعب من المعرض, لأننا شفنا ازاي بيتم التجميع في المصنع وبيكون الشغل هناك وحتة تركيب كاوتش قديم دي غير واردة على الإطلاق

3- هل تسلمت العربية في نفس يوم ما جات من المصنع على التريللا ولا تسلمتها بعد ماكانت راكنالها كام يوم عند الموزع (استلام فوري يعني) ... وعداد الكيلومترات كان عامل كام؟

3- حضرتك تاخد العربية وتصورها وتبعت بيها تقرير وافي لنيسان مصر وتذكر فيه اسم المعرض ومكانه وتاريخ الاستلام واشرح فيه كل اللي لقيته في العربية وبالذات الكاوتش, لأن الأمور دي فعلاً بتتاخد عندهم بعين الاعتبار


ومنتظرين رد حضرتك والمعلومات اللي هايمدك بيها باقي الصقور بناءاً على اسم الموزع ومكانه.

[ahmed452003]

أول حاجة خلينا بس نفهم الموضوع بالترتيب


1- هل انت تسلمت العربية من موزع معتمد زي السبع / أوتو إيجيبت / مودرن

2- لو ماستلمتش من عندهم , ممكن تعرفنا استلمتها منين , علشان شكل كدة الموضوع فيه لعب من المعرض, لأننا شفنا ازاي بيتم التجميع في المصنع وبيكون الشغل هناك وحتة تركيب كاوتش قديم دي غير واردة على الإطلاق

3- هل تسلمت العربية في نفس يوم ما جات من المصنع على التريللا ولا تسلمتها بعد ماكانت راكنالها كام يوم عند الموزع (استلام فوري يعني) ... وعداد الكيلومترات كان عامل كام؟

3- حضرتك تاخد العربية وتصورها وتبعت بيها تقرير وافي لنيسان مصر وتذكر فيه اسم المعرض ومكانه وتاريخ الاستلام واشرح فيه كل اللي لقيته في العربية وبالذات الكاوتش, لأن الأمور دي فعلاً بتتاخد عندهم بعين الاعتبار


ومنتظرين رد حضرتك والمعلومات اللي هايمدك بيها باقي الصقور بناءاً على اسم الموزع ومكانه.

أولا شكرا على ردك واهتمامك والاجابة كالاتي :-
1- استلمت العربية من ناشونال موتورز ايجبت فرع اسيوط وهو كوزع معتمد وعندوا مركز خدمة معتمد ومكتوب في كتيب الضمان بتاع العربية .
2- هما استلموا الخميس وانا استلمت الاحد من فرع اسيوط والعربية كانت ماشية حوالي 19 كيلوا.

3- وهصزر العربيه والكاوتش وهعمل الي بيقول علية بس عاوز الميل بتاع نيسان علشان ابعت علية .
وشكرا .

بس ياريت الاعضاء الي استلموا يشيكوا على الكاوتش لانه فعلا موضوع مقلق !!!

[shady_hamdy]

انا النهاردة هشوف تاريخ الانتاج و ارد على حضرتك انا ستلمت من شهر بس ياريت حضرتك صورة الكاتوش علشان نعرف مكان تاريخ الانتاج

[ahmed452003]

انا النهاردة هشوف تاريخ الانتاج و ارد على حضرتك انا ستلمت من شهر بس ياريت حضرتك صورة الكاتوش علشان نعرف مكان تاريخ الانتاج

حضرتك فيه حاجة اسمها رقم الدوت بيكون اولة حروف واخره اربعة ارقام
مثلا Ek4A33M1809

اول رقمين من الشمال بالخط ارحمر بيكون اسبوع الصنع اي الاسبوع رقم 18 من السنه
اخر رقمين بيكونوا السنه اي 2009 .. يبقى هيكون الانتاج الاسبوع ال 18 من سنة 2009
شيك وطمني علشان انا اتصلت بنيسان ورفعوا ايدهم من الموضوع وقالولي الكاوتش مش في الضمان واتصل ب ماكسس شفت النصب !!!!!!!!!!!!

[shady_hamdy]

حضرتك فيه حاجة اسمها رقم الدوت بيكون اولة حروف واخره اربعة ارقام
مثلا ek4a33m1809

اول رقمين من الشمال بالخط ارحمر بيكون اسبوع الصنع اي الاسبوع رقم 18 من السنه
اخر رقمين بيكونوا السنه اي 2009 .. يبقى هيكون الانتاج الاسبوع ال 18 من سنة 2009
شيك وطمني علشان انا اتصلت بنيسان ورفعوا ايدهم من الموضوع وقالولي الكاوتش مش في الضمان واتصل ب ماكسس شفت النصب !!!!!!!!!!!!

هشوف و ابلغ حضرتك

[A.Saad]

اتاكد ان مفيش رش فى العربية او عاملة حادثة
انا شاكك تكون عملت حادثة والكاوتش اتغير فيها

[ahmed452003]

اتاكد ان مفيش رش فى العربية او عاملة حادثة
انا شاكك تكون عملت حادثة والكاوتش اتغير فيها

شكرا على اهتمامك
العربية سليمة ومش راشة ولا عاملة حادثة انا اخدت معايا واحد صحبي متخصص وتاجر عربيات قديم جدا ساعة الاستلام وفرزناها وكلة تمام .

[shady_hamdy]

ياريت كل ملاك العربية يتاكدوا من تاريخ انتاج الكاوتش و يبلغونا

[ahmed452003]

ياريت كل ملاك العربية يتاكدوا من تاريخ انتاج الكاوتش و يبلغونا

ياريت

[HaNo_ELBeh]

ممكن حضرتك لو انتا فى القاهره توصل لاوتو ايجيبت اى فرع وتشوف نوع العجل الموجود فى العربيه وتاريخ الانتاج بتاعه وقارن بينهم بس احنا مسمعناش عن حد استلم العربيه واشتكى من ان العجل تاريخ انتاجه منتهى على العموم انشاء الله تتحل المشكه بسرعه وتوصل شكوتك لنيسان بسرعه

[saint2011]

بصراحه غريبه جدا انا مستلم عربيتى النيوصنى أخر شهر أغسطس وتاريخ أنتاج الكاوتش كان الأسبوع 16 من 2012 يعنى الأسبوع الأخير من شهر أبريل على الرغم من أنى غيرت الكاوتش بعد ممشيت به 350 كم نظرا لسوء مستوى الكاوتش وبيلم ظلط وبيخلى العربية تعوم على السرعات وكان مكرهنى فى العربية لحد مغيرتة وركبت كونتيننتال بصراحة العربية أتغيرت 360 درجة لكن موضوع الكاوتش منتهى الصلاحية دى جديدة وغريبة جداااا

[احمد سيف النصر]

انا يا جماعة لقيت الكاوتش بتاعي انتاج 2009 وانا بلحم العجلة عند بتاع كاوتش بصراحة اتضايقت سيارة موديل 2013 يبقي العجل بتاعها انتاج 2009

[limo81]

خساره والله لما تلاقى حاجات بسيطه زى دى كده ماتكلفش التوكيل حاجه لو عملها
والحاجات دى بتدى انطباع مش تمام ع العربيه

[Sehsss]

ههههههههههههه (يا نهار أسود)