افيدونى فى سمعات الصنى الخلفية

[elnady_1987]

يا جماعة انا عندى سماعة من سمعات الرف الخلفى ضربت وهية طبعا مربعة انا مش عارف اجيب بدالها منين وبكام او لو هركب مربعة تبقى مفاس كمان لان انا معايا سمعات سونى اكسبلود بس اخرام المصامير مش مظبوطة مع العربية

[khaled25_9]

اللى اعرفه ان مفيش سماعات مربعه هى سماعات مدوره بس الغطاء بتاعها مربع.
اما عن المقاس فاكنت قريت حد كتب انها 16 سم, بس مش فاكر السماعات اللى ركبها كان نوعها ايه الصراحه.

[Sehsss]

السماعات من جوه مدورة الشبكة الخارجية فقط هي اللي مربعة.. وممكن تغيرها بأي نوع أفضل بنفس المقاس.. أنا غيرتهم ببايونير 160 وات على ما اعتقدر بنفس المقاس

[ahmedalaa88]

أنا غيرتهم بطقم jbl مدور مقاس 16 و سيبك من السونى و خليك فى الalpain- bluebunket- jbl و اهم حاجة بص عليها مش الواط بس على الrms هيكون بين 70 و 85

[roma_romio2000]

بالمناسبة يا وحوش نيسان انا كنت عاوز اعرف هو صوت السماعات الاصلى بتوع العربية كويس ولا اية النظام لان انا معرفش صوت السماعات اللى بيركب فى الباب اية تظامة وعاوز عرف عشان اعمل حسابى لانى هستلم يوم الاحد القادم انشاء الله

[khaled25_9]

بالمناسبة يا وحوش نيسان انا كنت عاوز اعرف هو صوت السماعات الاصلى بتوع العربية كويس ولا اية النظام لان انا معرفش صوت السماعات اللى بيركب فى الباب اية تظامة وعاوز عرف عشان اعمل حسابى لانى هستلم يوم الاحد القادم إن شاء الله

الصراحه ماعرفش الصنى الجديده ايه نظامها, بس القديمه ماركتها جولدى والصراحه سيئه للغايه فى ال Bass ومش وحشه فى ال Midrange و ال Treble

[Land_Cruiser]

استنى لما تستلم و تحكم بنفسك يجوز يعجبوك و حتى لو كانوا مش قد كده حاول تركز انك قبلهم تجيب ٤ فرد كاوتش احسن من اللى راكبين فيها لأن ده اهم بصراحه قبل ما تمشى بيهم شويه و اللى هيشتريهم يقولك دول ماشيين كتير علشان يفطس سعرهم لكن السماعات و حتى الكاسيت كده كده هما بيتغيروا فى اى وقت و الموضوع ما بياخدش نصف ساعه

[roma_romio2000]

استنى لما تستلم و تحكم بنفسك يجوز يعجبوك و حتى لو كانوا مش قد كده حاول تركز انك قبلهم تجيب ٤ فرد كاوتش احسن من اللى راكبين فيها لأن ده اهم بصراحه قبل ما تمشى بيهم شويه و اللى هيشتريهم يقولك دول ماشيين كتير علشان يفطس سعرهم لكن السماعات و حتى الكاسيت كده كده هما بيتغيروا فى اى وقت و الموضوع ما بياخدش نصف ساعه

اكيد ده اللى هيحصل طبعا بس انا بحاول احسب اللى هيتصرف عشان اعمل حسابى