ايه حكايه العيوب القاتله فى الصنى - ارجو الافاده بسرعه

[semsem8100]

ياريت يا جماعه ياملاك الصنى تفيدونى بأمانه أيه حكايه العيوب اللى بتظهر فى الصنى هى اى نعم مش فى الموتور أو ملحقاته أو أساسيات السياره ولكن معظمها فى المكونات المصريه يعنى اللى يقول الفرش سييء وبيهبط بسرعه والكراسى بتبوش وتلق واللى يقول الكاسيت والسماعات واللى الاكصدام وقع منه بدون سبب واللى يقول ساعات بتعلق الصبح ومش بدور والواحد أحتار ولا نزود شويه وأجيب الانسر 1600 اوتوماتيك وخلاص ولو أنى معجب بالصنى بس نخلينا فى المضمون ولا أيه رأيكم .. أرجو الرد بسرعه

[loai-omar]

انا الحمدلله ماعملتش معايا اي حركة مش كويسة

و نحمد الله على دا

بس شوفت بعيني ..

عربية انا السبب في شراءها صني البطارية باظت

و عربية تانية جابت ماتور :)

بس هيا معايا 10/10

[sab3aawy]

العربية معايا بدون مشاكل لها فترة لا بأس بها
ومع عشرة على الأقل من اصدقائى واقاربى برضه بدون اى مشاكل

ومع كل الناس على المنتدى فيما عدا الحالتين اللى ذكرهم لؤى وحالة اخرى كان عندها مشاكل فى الطلاء لكن الباقى بدون مشاكل

انا شايف انها بالمقارنة بالبلاوى اللى بنسمعها فى موديلات تانية زى مثلا سيارات تانية اتسحب منها 6000 عربية من السوق علشان نازلة مفوتة، وسيارات تالتة بتنزل من المصنع بتحدف، وسيارات رابعة بتزل من المصنه موتورها بيعرق زيت من الجونات، وسيارات خامسة الكورونا بتعاتها بتضرب لو زيتها نقص شوية، بالمقارنة بدول انا شايف الصنى سيارة قليلة بل شبه معدومة المشاكل والقصة كلها حالات فردية ، لكن المشكلة ان دايما الوحش هو اللى بيسمع

[semsem8100]

والله يا جماعه أنا شاكر على الردود بس برده ماحدش قالى لو فى أمكانيه نزود شويه وأجيب الانسر 1600 أتوماتيك هيكون أفضل ولا أيه

[dr_3eshoo]

الي يريحك
برضه واحد صاحبي متور الانسر فوت منه وبرضه عربيه منتشره
على العموم مافيش فرق بين الاتنين غير واحد بيحب الانسر وواحد بيحب الصني
الحج معاه صني وزي الفل واصحابي معاهم لانسر و برضه زي الفل شوف انت بتحب ايه

[mahamedaraby]

بص حوار العربيات ده مشكله يعنى كل شويه هتلقى فيه مشاكل على العربيه ومفيش ناس اجتعمت على عربيه واحده ابدا

اما بخصوص النيسان فهى عربيه ممتازه جدا كماركه علشان انا معايا تيدا وعربيه ممتازه الصراحه بمعنى الكلمه

وبخصوص الصنى اعرف اتنين معاهم العربيه والعربيه معاهم زى الفل فقط الصيانه الدوريه العاديه بتاعت العربيه وداخل فى صيانه ال 40.000 كليو

[U600]

بص يا باشا زى ما الناس الولاك كدة كل واحد على ما يريحة عجباك اللنسر توكل على الله عايز الصنى توكل على الله و اترك الامور لربنا مادام الفلوس حلال تاكد دائما ان الله معك و مبروك موئدمن :) و شوف الرابط دة http://www.nilemotors.net/Nile/showthread.php?t=32068

[WalidAdel]

انا شخصياً بشتكي من الكراي علي اساس اني بفضل سايق العربيه كتير اوي ممكن توصل الي 3 ساعات متواصله بدون توقف او نزول من العربيه بس الغريب ان انا كان معايا لانوس و مكنتش بتعب كده بس للاسف مش لاقي حل لموضوع الكراسي ده مش عارف اجيب اسفنج جديد بدل بتاع موبيك دا ولا اعمل ايه

[U600]

بص ياباشا ممكن تجيب الحاجات اللى زى الفرش دى عارفها بيوقال عاليها عراقة ممكن تريحك شوية بس انا عن نفسى عادى مش بتتعبنى

[WalidAdel]

العراقه دي حضرتك قاشله اوي اوي اوي انا مش لاقي حل الصراحه

[dr_3eshoo]

موضوع الكراسي دي فعلا متعبه
ركبت فرش حسيت ان المشكله زادت قمت فكه و ريحت دماغي

[Ashraf A.Kader]

مش عارف والله انا معايا 2007 وعامل صيانة ال20000 الشهر اللي فات ومعنديش اي مشاكل حتي في الكراسي مع اني باسوق 5 ساعات متتالية من شرم للقاهرة بدون توقف الا للتموين فقط

[WalidAdel]

مش عارف والله انا معايا 2007 وعامل صيانة ال20000 الشهر اللي فات ومعنديش اي مشاكل حتي في الكراسي مع اني باسوق 5 ساعات متتالية من شرم للقاهرة بدون توقف الا للتموين فقط

اكيد حضرتك نسبياً خفيف الوزن علشان كده مش بتعاني من الكراسي