نيسان صني الشكل القديم

[mmabass]

الاخوة الاعزاء
بعد السلام عليكم ورحمة الله وبركاتة ، ارجو التكرم بالافادة عن النيسان صني الشكل القديم هل هي عربية جيدة اشتريها ام لا علما اني راكب اوبترا وعانيت وقاسيت مع توكيل منصور شيفرولية ولكم جزيل الشكل والافادة من حيث :
متانة العربية
التوكيل ومصداقيتة
اسعار قطع الغيار وهل السيارة مستهلكة لقطع غيار
الاعطال والمشاكل الشائعة وهل هي خطيرة ام لا
شكراً مقدما

[Land_Cruiser]

العربيه و التوكيل كويسين قوى و العربيه مفيهاش مشاكل يمكن بس استهلاكها للبنزين زياده شويه لكن مش اكتر من الاوبترا بأى حال من الاحوال و الكنبه اللى ورا ضيقه شويه و ان شاء الله تستمتع بيها و ممكن ترجع للفهرس هتلاقى مواضيع أشكال و الوان عنها بتتناول كل حاجه خاصه بها بالتفصيل من اول الموتور و حتى الكماليات و الاكسسوارات

[khaledshaheen]

توكل على الله وانت مطمن

[Mohamed.Fawzy]

بقالها معايا شهرين ... و بسم الله ما شاء الله كويسه

اتوكل على الله

[MohammedAladel]

كعربية أصحابها قالوا رأيهم فيها

كشكل هى أفضل من الصنى الجديدة وموتور أقوى

بس لو مكانك هخلينى فى أوبترتى أحسن أصل الصنى مش نقلة أعلى يعنى

[moaaz]

الصنى موتور اقوى تكيف اقوى اعتمادية اعلى توكيل افضل ...ولكن الاوبترا اوسع بفرق محترم ..ناعمة شوية عنها و الباور اخف ....انا لو مكانك هستنى شوية علشان احس بفرق يستحق..هو حضرتك هتحس بفرق بس مش كبير ..ربنا يوفقك

[Sehsss]

هاتحس بفرق بينها وبين الأوبترا.. توكل على الله ومش هاتندم

[خالد عادل]

مش هتحس بفرق كبير استني شوية وهات حاجة اعلي عشان تحس بالتغييير

[mmabass]

والله يا جماعة انا متشكر جدا بالنسبة للتغيير للاعلى دة الحقيقة اللي حاكمني فية موضوع الفلوس مش اكتر والتوكيل بتاع منصور ده كمان قضى عليا بقيت خايف اجيب عربية اغلى من المستوى دة ازعل عليها بسبب التوكيل وكمان ظروف البلد انا عاوز اغير عشان احس اني ركبت جديد زيرو وخلاص لكن الحقيقة اللي زعلني ان التوكيل الاستلام بعد شهرين تقريبا وكمان بتنزل ال EX فقط السوبر صالون اتوقف انتاجة خلاص وشالو منها ال abs يعني بصراحة حاجة تزعل بجد

[mmabass]

اه نسيت اقولكم كمان فيه واحد زميلي في.الشغل خوفني بيقوللي فراملها وحشة! !!!!!!! حاجة تقلق وانا عندي اطفال يعني مفيهاش تهريج ابدا دلوني يا رجالة

[Dr/ P.K.Sh]

اه نسيت اقولكم كمان فيه واحد زميلي في.الشغل خوفني بيقوللي فراملها وحشة! !!!!!!! حاجة تقلق وانا عندي اطفال يعني مفيهاش تهريج ابدا دلوني يا رجالة

كلام مش صح خالص
انا كان معايا افيو وغيرت لنيسان صنى 2012 الشكل القديم الفرامل فرق السما من الارض و اعتقد الافيو متفرقش كتير عن الاوبترا

[MohammedAladel]

كلام مش صح خالص
انا كان معايا افيو وغيرت لنيسان صنى 2012 الشكل القديم الفرامل فرق السما من الارض و اعتقد الافيو متفرقش كتير عن الاوبترا

أنا بعتقد إن الأفيو متفرقش كتير عن اللانوس

[MohammedAladel]

كنت فى مرة بتناقش مع ناس وبأيد الصنى

كان رد ملاك الأوبترا اللى كلهم بيجمعوا عليه بشدة إن الأوبترا أكثر ثبات على الطريق من الصنى

[_hema]

[QUOTE=Land_Cruiser;3874656226] العربيه مفيهاش مشاكل يمكن بس استهلاكها للبنزين زياده شويه

انا ضد كل من يقول ان الصنى استهلاكيه للبنزين

ياجماعه دى بترجع الى : ـ
1 - نمط الوساقه .
2- طريقه الدوسه على دواسه البنزين.
3 - سواقه الشخص ذاته هل سواقه عاديه ام احترافيه

السواقه الطبيعيه للعربيه دى بتحقق توفير فى استهلاك البنزين وخصوصاً اثناء السفر وكلامى دا عن تجربه لان كل تفويله لها حسباتها وبتخضع لمعايير مختلفه

وكانت معدلات البنزين اقلها من 9.5 الى 10.5 داخل البلد

اما فى الطوالى فالمعدل بيزيد

برضوا بأكد على

ان طريقه

السواقه تمثل عامل مهم جداً فى توفير او عدم توفير فى الاستهلاك

لكم كل التحيه

[Sehsss]

اه نسيت اقولكم كمان فيه واحد زميلي في.الشغل خوفني بيقوللي فراملها وحشة! !!!!!!! حاجة تقلق وانا عندي اطفال يعني مفيهاش تهريج ابدا دلوني يا رجالة

ابقى سلملي على زميلك وقوله يبطل فتي ربنا يباركله علشان شكله كده عمره ما ساقها