كلاكيت للمره الكتير اوي.نوع المساعدين

[حماده المصري]

السلام عليكم

يا جماعه انا مقبل على تغير المساعدين غالبا هغير ال 4 وهيبقى فيه بطاحات كمان ممكن تتغير

عموما وقبل اي شي

الصني ثباتها مش قوي جدا ولكن مقبول جدا على الفئه وعفشتها ناشفه ولكن متماسكه على الطريق حتى والعفشه متهانه متماسكه ولكن بتحتاج تربيط كتير عموما

0000000000000000000000000000000

ندحل في المفيد

انا هغير المساعدين مش هجيب اصلي ليه (غاليين)

طيب

في قدامي خيارين مونرو الامامي ب 1200 والخلفي ب 800 تقريبا وفي حد قالي الامامي 1800 والخلفي 1200 بس متهيالي ده بيحور جامد اوي ياريت نعرف الحقيقه فين؟


طيب والخيار التاني ال كي واي بي ودول تقريبا الاربعه مش هيعدوا ال 1200 ف هما ميزانيه ممتازين جدا جدا الحقيقه وخلوا سعر المساعدين للعربيه قريب من العربيات التانيه

ولكن ال كي واي بي بيقولوا ناعم ومش معمر

المياكيني بتاعي قالي حلو وجميل واتخانق معايا عشان المونرو ناشف جدا وهيكرهني في العربيه وباني الكلام ده على زباينه ومنهم زبون باوبترا جاب المونرو وفكه وحط الااصلي تاني

طيب

هل النشوفيه بالمونرو هتزيد جامد عن الطبيعي (لانه كده كده العربيه ناشفه) ولا نفس مستوى النشوفيه

طيب الكي واي بي ده تعبان ومش معمر ولا ايه دنيته وناشف ولا مش ناشف

انا كنت الحقيقه جربته في عربيه النترا مكنشي اد كده ولكن برضو في ناس بتقول انه في الياباني احسن من الكي واي بي الي بيركب في الكوري


والله اعلم تعدد الاقاويل وعايز الناس تفيدي عشان خغير قريب جدا باذن الله

[Habd]

واقع فى نفس المطب بس مع الاكسنت و مش عارف اجيب ايه و منين ربنا يسهل :(

[AlGazar2]

المونرو افضل من الكى واى بى هيزود الثبات اكتر و هو فى الكورى بيبقى انشف سنه من المساعدين الاصلى فانت لو المساعدين عندك ناشفين اوى اساسا فدول هيبقوا اخف سنه

الكى واى بى هتحس ان انت ركبت هيونداى مش صنى لانهم بيبقوا اخف من الاصلى بكتير و من المونرو برضه

[Land_Cruiser]

حضرتك لخبطنى جامد بموضوع الاصلى بتاع العربيه اللى مش عايز تجيبه علشان غالى و فى نفس الوقت بتقول ان ال kyb سعرهم حلو . تيجى ازاى دى إذا كانوا بتوع العربيه الاصليين kyb يابانى و هما دول احسن حاجه ليها من وجهه نظرى و المفروض اللى راكبين عندك يبقوا كده إلا إذا كانوا متغيرين بنوع تانى قبل كده و دور على اليابانى و سيبك من الكورى او تقفيل اى حاجه تانى علشان يستحملوا معاك بس السعر اللى حضرتك بتقوله ده مش سعرهم خالص على فكره. المونرو هتلاقى موديلات منهم للصنى بتاعتك بس مشكله المونرو ان المضروب منه كتير و كمان الموضوع معاهم هيندرج تحت بند التجربه و الخطأ يعنى انت و حظك ممكن ينشف العفشه زياده فعلا و طبعا هتدبس فيهم ساعتها فنصيحتى خليك فى ال kyb اليابانى و حتى لو غالى شويه مش أشكال ان شاء الله هيعيش معاك كويس و هتركبه و تنساه و قلقان اكتر من المونرو لانه مش بتاع العربيه الاصلى فانت و حظك و لو ركبته و لم يعجبك مش هتعرف ترجعه و هو مش رخيص و تانى حاجه لان المضروب منه كتير فخليك فى المضمون

[boogy]

انا ركبت الkyb الخلفى من حوالى اسبوعين و ما شاء الله عليهم مثل الأصلى و تمام حتى الآن, و انا كنت مركبهم فى سيارة تويوتا زمان و عاشوا كذا سنة توكل على الله وهاتهم من زيدان فى ميدان الدقى

[حماده المصري]

انا ركبت الkyb الخلفى من حوالى اسبوعين و ما شاء الله عليهم مثل الأصلى و تمام حتى الآن, و انا كنت مركبهم فى سيارة تويوتا زمان و عاشوا كذا سنة توكل على الله وهاتهم من زيدان فى ميدان الدقى

من فضلك ممكن حضرتك تقولي فين زيدان ده في الدقي بالضبط ده بتاع قطع غيار ولا موزع مساعدين

[حماده المصري]

حضرتك لخبطنى جامد بموضوع الاصلى بتاع العربيه اللى مش عايز تجيبه علشان غالى و فى نفس الوقت بتقول ان ال kyb سعرهم حلو . تيجى ازاى دى إذا كانوا بتوع العربيه الاصليين kyb يابانى و هما دول احسن حاجه ليها من وجهه نظرى و المفروض اللى راكبين عندك يبقوا كده إلا إذا كانوا متغيرين بنوع تانى قبل كده و دور على اليابانى و سيبك من الكورى او تقفيل اى حاجه تانى علشان يستحملوا معاك بس السعر اللى حضرتك بتقوله ده مش سعرهم خالص على فكره. المونرو هتلاقى موديلات منهم للصنى بتاعتك بس مشكله المونرو ان المضروب منه كتير و كمان الموضوع معاهم هيندرج تحت بند التجربه و الخطأ يعنى انت و حظك ممكن ينشف العفشه زياده فعلا و طبعا هتدبس فيهم ساعتها فنصيحتى خليك فى ال kyb اليابانى و حتى لو غالى شويه مش أشكال ان شاء الله هيعيش معاك كويس و هتركبه و تنساه و قلقان اكتر من المونرو لانه مش بتاع العربيه الاصلى فانت و حظك و لو ركبته و لم يعجبك مش هتعرف ترجعه و هو مش رخيص و تانى حاجه لان المضروب منه كتير فخليك فى المضمون

كلامك سليم بس ال كي واي بي الاصلي غير ال كي واي بي الي في السوق

هو كي واي بي متعاقده مع نيسان بس الي بروح المصنع المفروض انه انضف بكتير والدليل الغلو انه المساعد الواحد ب فوق 600 جنيه انت بتتكلم برا الجوز ب 450 او حتى لو غاليين اوي الجوز ب 600


نفس الكلام في شركات كتير في شركه اسمها ماندو بتعمل مساعدين للهيونداي الماندو الي بتجيبه اصلي مختوب ب ماندو وهيونداي الي في السوق مختوم عليه ماندو بس

الخوف من تعدد الدرجات فيه واسترخاص المستوردين يعني ممكن يبقى نوعين كي واي بي مش اصلي بس منه درجات درجه نضيفه ودرجه وخشه بالاضافه الي ان كي واي بي بتعمل مساعدين برضو لماركات تانيه كتيير

والياباني معظمه الاصلي بتاعه كي واي بي والمتسوبيشي الاصلي بتاعه كي واي بي

[حماده المصري]

انا المساعدين الي راكبين في عربيتي بالمقارنه بعربيات تانيه صني ركبتها

الامامي هو هو في صني زيرو ركبتها نفس الدرجه ف معناه انه اصلي

الخلفي عندي بقى انشف من الصني الزيرو وده اعتقد لانه صاحبها لما غير لها المساعدين ركبلها مساعدين الخلفي السوبر صالون بيبقى غاز بس وانشف من العادي لانه غاز على زيت

[Land_Cruiser]

انا المساعدين الي راكبين في عربيتي بالمقارنه بعربيات تانيه صني ركبتها

الامامي هو هو في صني زيرو ركبتها نفس الدرجه ف معناه انه اصلي

الخلفي عندي بقى انشف من الصني الزيرو وده اعتقد لانه صاحبها لما غير لها المساعدين ركبلها مساعدين الخلفي السوبر صالون بيبقى غاز بس وانشف من العادي لانه غاز على زيت

انا سألت لك عليهم عند محمد جابر اللى فى شارع دمشق و ده موزع قطع غيار معتمد و الأرقام اللى قالها قريبه من اللى انا كنت متخيلها : الامامى ٩٥٠ و الخلفى ٦٥٠ و هى دى اسعار ال kyb اليابانى اللى بقولك عليها

[حماده المصري]

انا سألت لك عليهم عند محمد جابر اللى فى شارع دمشق و ده موزع قطع غيار معتمد و الأرقام اللى قالها قريبه من اللى انا كنت متخيلها : الامامى ٩٥٠ و الخلفى ٦٥٠ و هى دى اسعار ال kyb اليابانى اللى بقولك عليها

سالت عند السرشاوي 650 خلفي

850 امامي


هركب ان شاء الله واقولكم

[Land_Cruiser]

سالت عند السرشاوي 650 خلفي

850 امامي


هركب ان شاء الله واقولكم

ايوه الأرقام دى معقوله و سعر الخلفى دائما ثابت لانه مفيهوش فن ودول الأصليين و أتأكد انه محفور عليه انه صنع فى اليابان برضه و ان شاء الله دول يعيشوا لكن ال ٤ اللى ب ٢٠٠٠ جنيه دول خساره فيهم الفلوس لانهم مش أصليين و كام الف كيلو و هتلاقيهم جابوا زيت و لا باظوا و يأثروا على بقيه العفشه و فى نفس الوقت سعرهم مش رخيص بس لما تركبهم ان شاء الله ربط العفشه و ظبط ضغط الهواء فى الإطارات بالمره علشان تحس بالفرق و الف مبروك مقدما